咁岩甲到大學同學Cherry個VL，自從Year 2時同佢去上海Placement後，好耐都未試過一齊去旅行喇！
今次難得甲到時間，我地都研究過一輪去邊度玩好?！
最後Cherry話想去墾丁，因為睇完套台劇「我在墾丁天氣晴」覺得果度幾靚，想去睇下咁話！加上舊年同Jay去影婚紗相時只係「係咁耳」掃過d景點，都冇認真咁玩過，所以我地既Next Station is...... 墾丁！
墾丁o係台灣最南端，天氣比台北好好多，唔會成日落雨，經常藍天白雲，又有好多海灘，係當地人短線旅行既熱點~
之前o係墾丁影婚紗相都見識過果度既天氣有幾好，岩岩打完10號風球，第二日已經天晴有太陽，超恐怖！
學婚紗舖禮服小姐話齋：「墾丁下雨，台北一定下雨；但台北下雨，台南可能是天晴呢！」不過去墾丁玩都有分季節，因為10月打後，就會有「落山風」，風大到不得了，所以冬天亦係當地既旅遊淡季！
機票篇
o係香港去墾丁，先要飛高雄再轉車~ 由於呢期冇乜airline做promotion，我地搵到最平既係「華信航空公司 Mandarin Airline」。「華信」係「中華」既分公司，多數集中往來台灣既短程線、內陸線，希望冇乜問題喇~
訂左4/9 -->7/9既機票，票價$1090，加上Tax $692，再減Zuji Coupon Discount：$75，最後賣單價每人HKD $1707~
墾丁酒店篇
o係Zuji網上訂左機票後，就開始plan我地既行程喇！
墾丁冇乜酒店，大酒店來來去去都係果幾間，但民宿就有N咁多間，有d仲好有特色、好靚添！！！咁遠水路來到，冇理由住酒店架嘛，幾大都要試下住民宿~ o係Website「悠遊墾丁 Kenting」：http://uukt.idv.tw/ search左好多間價錢同地段都附合我地要求既民宿，send左N咁多封email去問房，但唔係間間有reply架~
就算reply有房，多數都要我地電匯訂金留房，真係好麻煩呢！
哈哈，我地send左好多封差唔多內容既email問房~
民宿地段方面，最方便既一定係「墾丁街」，因為果度最熱鬧、最多商店食肆，其次既係「南灣」、「船帆石」同「鵝鸞鼻」一帶，比較接近海灘或草原，景觀靚d~
我地o係出發前不停上網搵info，比較心儀既有以下幾間：
1.小徑民宿
之前睇台劇「王子變青蛙」已經知道果度有間民宿叫「小徑」，超希臘feel，成間好似白色小屋咁夢幻！
最出名既係佢間「船屋」房，真係有張船型既床o係房入面，超靚！
想睇更多民宿既相可以去呢個website：http://photo.xuite.net/kili520/536144
本來想訂位於頂樓既「船屋」房，可惜我地太遲book喇，「船屋」超搶手一早爆哂！
於是唯有退而求其次，訂左 4/9入住2/F既「希臘房」喇！
頂樓既船屋房，真係有架船架！地下o係石春舖成既小路，好有海洋feel~
我地訂既係2/F既「希臘房」，藍白色既colour tone，加上牆身既不規則圖案，都好靚架！
房價方面，由於我地去既日子仲算旺季，所以計NT $3000/晚~
而收費方面，可能佢地做慣香港客人，所以接受「中銀」過數落訂。訂房方法：
地段方面，「小徑」位於「船帆石」，行一段小路就到海灘，應該幾方便既~
2.伯利恆地中海館
「伯利恆」亦係間sell地中海風既民宿，位置o係「小徑」附近，面向海景，對面就係「船帆石」舊大石頭，側邊仲有佢地既「姊妹民宿」--「迦南美地」添！
Cyrus之前去墾丁玩，除左住「小徑」外，亦有入住「伯利恆」，佢話兩間比較「伯利恆」雖然貴d，但就新淨d，仲靚好多！極力推介我入住呢度咁話~
可惜我地send email去幾日都冇人reply，Cyrus話佢地長期full booking，應該唔會點理email booking，所以佢果時係直接打長途電話去訂~ (訂房專線：(08)885-1236)
我同Cherry唔想咁麻煩徙電話費，所以最後就give up左喇~
想睇更多民宿既相可以去呢個website：http://photo.xuite.net/bethlehem
3.峇里公主
「峇里公主」位於墾丁街之上，超熱鬧、方便。1/F係經營泰菜既餐廳，2-3/F就係帶Bali風既民宿房間。但由於訂房需要電匯關係（不知名既台灣銀行，香港冇分行，匯款要收extra charges)，我地被迫放棄~
4.愛情海民宿
又係玩希臘風既白色小屋，o係墾丁大街行入少少，都ok方便~ Reply email又係話要電匯，麻煩到爆！
P.S.後來去到墾丁，識左pair香港情侶又係入住呢間民宿，佢地係打電話去留房，一毫子都唔洗匯過去呢！睇來真係有心book當地民宿，又唔想匯款收charge既朋友，大可以徙少少$$打長途電話去book房~
P.S.o係墾丁旅行果陣，pair香港情侶邀請我地去參觀佢地住既「愛情海」，民宿下面有個counter，果度有好多local tour catalog拎，我諗對於自由行既遊客來講，呢間民宿應該會provide到好多travel information~
5.南灣渡假飯店
位處南灣，係Cyrus上次遊墾丁時住過既飯店之一~ 佢極力推介「戀戀南灣」房，話入面個雙人按摩浴缸向住無敵海景，o係度浸浴超正！！！
最掂既係佢地既website有線上訂房服務，可以用credit card訂房！好方便呢！
我地本來想訂「戀戀南灣」架，但一諗起兩個女仔去，揀間咁既房好似冇乜用咁...... 人地仲可能會以為我地係les添，都係咪搞~
留番下次同Jay去墾丁時先book喇！
6. The Beach 海邊二館
「The Beach」位處南灣，係一間民宿，亦係衝浪教室。民宿主人o係南灣另開分館，又名「海邊二館」，雖然位置比較偏僻，但就清靜好多~
http://uukt.idv.tw/inn/hb2.htm
我地send email去冇耐，民宿負責人Joyce就reply我地5/9仲有房！仲係我地想住既「獨立觀海2人房」添，NT $3200/晚，包早餐~
訂金方面，佢地原來o係香港既「彰化銀行」有account（全港得一間分店in TST），我地可以去果間銀行入錢，唔洗收extra匯款charge。
高雄酒店篇
我地只會o係墾丁stay 3日2夜，最後果晚會落番高雄玩，所以要book 1晚高雄酒店。
最後我地揀左「華園飯店」，貪佢乾淨企理、價錢相宜，仲好近六合夜市添~
http://www.hotelhg.com.tw/front/bin/home.phtml
佢地每一層既theme colour都唔同，唔知我地入住時會被安排o係邊一層呢?！
交通篇
高雄-->墾丁
雖然話墾丁好近高雄，但上網搵過info，原來自己搭公車去都幾麻煩~
o係高雄機場有直車去墾丁，車程約3小時。客運由「中南」、「屏東」、「高雄」、「國光」四間客運聯營，票價統一，全部都係冷氣巴，每10-15分鐘一班，24 hrs都有車。
客運由「高雄火車站」沿海線，經：小港機場 --> 林園 --> 東港 --> 林邊 --> 枋寮 --> 楓港 --> 車城 --> 恆春 --> 南灣 --> 墾丁街 --> 船帆石 --> 終點鵝鸞鼻。
另外亦有「飛站」既快車：快速道路(台88)，時間快左，價錢相對會貴d~
哇，咁鬼多站，兜足3個鐘先到墾丁，入到去蚊都訓喇！Cyrus同我地講，上次佢去墾丁時係叫「小徑民宿」幫佢地安排私家車接送，收NT $1000/car，1.5 hr就入到墾丁，快、靚、正！
我地見搭客運兩個人加埋都成6、7百蚊台幣，如果加多少少錢唔洗煩，可以快d到，都acceptable既~
於是就send email比「小徑」，「撻」Cyrus同Arthur個朵，話係朋友介紹我地入住，睇下有冇得跟番佢地上次租車個價?！
可惜「小徑」reply話油價上漲，最平只可以provide NT $1600/car......
我地覺得太貴喇，只係相差幾個月，有乜理由會貴左咁多呢?！唯有send email問下第二晚入住既民宿「海邊二館」，睇下佢地租車會唔會平d喇！
冇幾耐就收到「海邊二館」email reply，話租車由高雄機場-->墾丁，NT $350/ppl，即係話NT $700就可以包架車喇！！！超抵呀~開頭我地都驚驚地架，心諗冇理由會平咁多架嘛，仲要同搭客運差唔多價錢喎.....但後來諗落又唔驚得咁多，最多去到見唔對路咪唔鬼上車，搭客運去囉~
P.S.去完墾丁番黎之後，我地先知道NT $350/ppl 由高雄-->墾丁係當地人心目中既reasonable price，只係某d民宿當遊客係「水魚」先會開太高既價錢~
墾丁遊覽交通
多數當地人遊墾丁都係租車自駕遊，但對於冇車牌既我同Cherry來講，呢個方法好明顯唔work~ 唯有諗下包車+司機 1 day tour、join觀光巴士團或搭「墾丁街車」自由行~
「墾丁街車」有d似香港既「紅Van」，可以隨叫隨停，車費可以逐程計算或者買1日票NT $150。「墾丁街車」總共有3條線，遊走墾丁主要既觀光景點~
P.S.「街車」仲pro到可以網上trace車輛行駛動態，可以較岩時間先去車站上車，唔洗o係烈日下乾哂咁耐：http://59.125.249.143/html/PCGFrameset-1.htm
唔想咁麻煩要自己搵景點，可以選擇join「觀光巴士團」~ 觀光巴士價錢相宜，分3段觀光時段同路程，車上有tour guide解說，最適合我地呢d懶人！但缺點係太「鴨仔團」模式，每個景點既停留時間可能唔夠多~
最Flexible既遊墾丁方法一定係包車1 day tour，舒舒服服坐住私家車，想去邊就去邊，停幾耐就幾耐~但係價錢都幾貴，包車1 day tour約NT $3000 - $4500不定，視乎行車時間而定~
最後我地都唔知點揀?! 唯有去到墾丁睇定d先，再決定揀邊種方法遊覽喇~
高雄市內交通
高雄市新開左捷運，所以往來各大景點應該冇乜難題，哈哈，大不了咪伸手截Taxi囉~
http://www.krtco.com.tw/index.aspx
網站推介
有兩個超有用既墾丁旅行網要介紹比大家，去墾丁必睇！特別係有好多遊樂/水上活動、餐飲Discount Coupons download，print定帶去慳唔少$$架！
1. 悠遊墾丁
* 地圖清晰
2. Hot墾丁旅遊網
* Provide大量民宿discount
