Australia癲喪狂之旅 (Day 1)

Coming Soon~

我地出發喇！！！

晏晝3點幾開始出發去機場，我同Cyrus搭7:15pm國泰機首先出發去Sydney，而Flora同堅堅會搭澳航8:30pm機，大家分道揚鑣，聽朝再o係Sydney Domestic Airport集合，一齊轉內陸機去Cairns~

9個鐘頭後Sydney見！

點解要分開去?!

原因係我同Cyrus買唔到特價機票囉~

但鬼叫我地好想去咩，貴d都冇法喇~

P.S. 好開心Jay來送我機，第一次送機送到Boarding Gate，感覺好得意~

訓唔著有因???

在航機上，我同Cyrus冇乜點訓過，可能因為第一次去外國自由行，心情太興奮既關係哇~

哈哈......

其實，另一個Cyrus訓唔著既原因係：聽日呢個時候，我地就會o係10000尺既高空跳落來~ 冇錯，我地聽日會去Skydive(空中跳傘)呀！ 未出發前，衝動+心大心細既Cyrus o係我既說服下，膽粗粗同我一齊online比錢報左local tour去Skydive。 呵呵...... 上機後，佢顯得「心神恍惚」，好明顯係後悔緊之前所做既決定~ 當飛機飛到10000尺時，我興奮地同佢講：「聽日我地就會咁高跳落去喇！」 睇到當時佢「面露難色」，吱都唔笑個樣， 而家諗起都覺得好笑！Cyrus, 我冇講錯吧?!

搭左成10個鐘頭飛機，我地終於降落在「鬼佬地方」了~

最搞笑係Cyrus興奮得滯，忍唔住 o係Sydney機場大嗌：「我地終於來到鬼地方喇！」

Where Are You???

我地比Flora同堅堅(今次旅程中另外兩個「團友」）早起飛出發，原定我地7:20am到達Sydney，佢地就會o係8:20am到達，然後再join埋一齊搭9:50am的domestic flight轉飛到旅程第一站：Cairns

落機後冇野做，悠閒既我同Cyrus仲去左Duty Free買化妝品添！然後再行去到Departure Gate等候Flora佢地。等呀等...... 等呀等...... 點解仲未見到佢地既......???

我地開始好擔心！點解佢地仲未到架???

飛機唔等人呢~ o係take off前10 minutes，無奈地我地都要上機...... Flora、堅堅, Where Are You??????

傻傻的我同Cyrus，起飛後仲周圍行，睇下佢地會唔會「靜雞雞」上左機。o係10 minutes既「搜索行動」後，我地得出一個答案：They can't catch on our flight! Where Are You??????

痴痴的等

我同Cyrus o係11:55am平安降落Cairns機場，一落機「喇喇林」turn on mobile phones。收到佢地message喇！內容係講佢地由Hong Kong出發既航機delay了，所以catch up唔到我地果班機，會轉下一班來。我地唔知佢地幾時會到，唯一方法就係stay o係機場等佢地......

Cairns的機場內陸航班不多，所以人影都冇隻！成個arrive area得我同Cyrus兩個傻婆+兩大?行李霸哂~

o係果度工作既「鬍鬚叔叔」好奇地走埋來問我地o係度坐咁耐有冇野幫手，我地一五一十將我地既「慘況」講哂佢聽，「鬍鬚叔叔」竟話俾我地知，next flight最快都要4pm先到！

Shit,咁我地咪仲要等多4個鐘！變化石喇~~~

好心既「鬍鬚叔叔」見我地咁悶，不時「蛇王」走來同我地傾偈，講左好多關於澳洲既野比我地聽，仲話比我地聽Cairns有乜好玩、價錢大約幾多，等我地「心中有數」，唔會比人厄~

4個鐘確實不容易過！我地唔可以訓覺，因為d行李比人偷哂都冇人知！唯有同「鬍鬚叔叔」打下「牙教」，無聊時更玩起自拍上來。

機場出面開始落起大雨，

d雨越落越大，好似打風咁！點解我地咁黑仔架???

先係同團友失散，繼而係惡劣既天氣好可能破壞哂我地打後既行程呢！此時此刻，我同Cyrus既心情比天色還要灰......

等了又等...... 4小時後終於見到佢地既身影~ 我地感動得快要落淚！Flora, 你知道嘛? 我從未試過好似而家咁掛住你啊！

Rain, falling in my heart~

跟佢地「相遇」後，踏出滯留了4個鐘的機場，搭的士向我地下榻酒店 -- All Seasons Sunshine Tower進發！

出面raining like cats and dogs，我地卻在尋找「Sunshine」，太諷刺了！

(For reference：taxi from airport to downtown around 15 minutes 車程，車費around $13-15 AUD)

酒店是included in 我同Cyrus既package裏面，所以Flora同堅堅可以唔租酒店，同我地「同一屋簷下」，哈哈，講得白一點就是「屈蛇」。

酒店房間企理幹淨，一張床足夠比兩個人「孿舖」。舟車勞動+等左成日，我地太疲倦了，見到張床向我地「招手」，忍不住要訓上佢度眠一眠！

冇啖好食???

訓左兩個鐘，比自己既肚餓聲嘈醒了！8pm我地出發去「覓食」~

外面仍在下雨，街上冇乜行人，附近既舖頭都閂哂門，感覺上呢度就像一個死城。我地「行行重行行」，越行就發覺越唔對勁：點解d舖頭全部都閂哂既!!??

包括食肆同supermarket！！！咁我地食乜呀???

後來我地先知，Cairns 5pm打後差不多全部舖頭都會關門大吉~

行左大半個鐘，終於比我地發現到一間Domino's Pizza未閂門，仲做緊外賣！Domino，你真是我地既「救星」呀！！！

	高空10000尺！聽日我地就會o係呢度跳落去！ Crazy Women~
按圖放大

	去澳洲的航機上，我地仲未知道數小時後會遇到大麻煩~ 當時心情仲係勁靚~
按圖放大

	到達Cairns機場時，出對的天氣已經不大好~ 天灰灰、又落雨！
按圖放大

	呢度d可口可樂簡直係「天價」！ 請將圖中價錢乘6倍就等於港幣了~
按圖放大

	空空如也的Cairns機場~ 圖中果個悶到就來癲既傻婆就是我！
按圖放大

	悶到黐肺！無聊set腳架玩自拍~
按圖放大

	自拍2~
按圖放大

	自拍3~ 嗚嗚...... Flora,你地幾時先到呀?
按圖放大

	Cyrus的特大行李?！大到可以塞我入去藏屍！
按圖放大

	Helpful又talk得既Cairns機場職員「鬍鬚叔叔」
按圖放大

	4個鐘頭後，我地終於「團圓」了！
按圖放大

Flora、堅堅, Welcome Back~

http://apps.rockyou.com/rockyou.swf?instanceid=32049992