Bangkok 為食之旅 (Day 2 - Part C)

食飽飽後就起程去做Spa喇~今次行程我地book左其中兩日晏晝去做Spa，而今日去既Divana Spa係Cyrus指明Must Try既！

Divana有4間分店，呢間「Divana Nurture Spa」(當地人簡稱dvn)係由一間英式古屋改建而成既~由「Duc de Praslin Belgium」行去「dvn」，大約10分鐘路程，一路行去Soi 35，轉入去小巷就會見到一間白色落地玻璃屋，呢度就係「dvn」既tea room喇~

Address：8 Sukhumvit Soi 35, North Klongton, Wattana (BTS Phrom Phong站 Exit 5出，步行約5分鐘)

http://www.divana-dvn.com/

呢間白色落地玻璃屋，係「dvn」既tea room；隔離間白色屋仔係toilet~

穿過左tea room，就會見到一條綠樹林蔭既小路，周圍有淙淙流水聲，好似突然o係鬧市去左另一個世界咁，回歸自然，令我地仲未開始做spa心情已經放鬆落來~

行到小路盡頭就會見到呢橦兩層高既英式小屋，呢度就係Spa House喇~

入屋前，接待小姐首先叫我地除左對鞋，入屋裏面坐陣、休息一下，然後佢就幫我地將對鞋放入呢個櫃裏面，當正我地係上賓咁服侍，服務一流~

開門入去就係Spa House既大廳，裏面有陣好香既香薰味，加埋d柔和既音樂，同窗外紗簾透入來既自然光線，令人視覺、聽覺、嗅覺都放鬆落來，突然舒服到想訓晏覺添~

接待小姐跟住就跪o係地下，為我地送上Welcome drinks - 冰果茶同放左鮮花o係上面既抺手毛巾~

極度口渴既我即刻「一飲而盡」，佢見我咁渴，即刻幫我添飲，真係好細心呢！

接待小姐冇即刻向我地推介Spa療程，等我地hea下、享受下呢度寧靜舒適既環境，放鬆一下緊張既心情先~

哈哈，我地趁住呢段時間不停影相留念~

小屋用左大量既落地玻璃，d自然光穿過紗簾透入來，令成間屋都充滿柔和既光線~

檯上放左Divana出品既唔同products，我地可以任試任用~

天花吊左盞古典水晶燈，襯埋一屋白色傢俬同精緻既英式小擺設，令呢度變得好有公主feel~

好鍾意呢d公主feel既小擺設，第時我間屋都要整成咁！

好香既massage oil同蜜糖塊~

由落地玻璃望出去全部都係綠色架，感覺好舒服~

大約10分鐘之後，接待小姐先拎個Spa Menu出來，問我地想做邊一項療程~

由於佢地既booking好full，我地只可以reserve到2個鐘冇Steam Room既房間，所以淨係可以揀「Caress Sensation」-- 一個唔包括Steam既130分鐘Spa療程~

P.S.我地o係網上print out左15% Off discount coupon，所以Spa由THB $2650(~$663 HKD) --> THB $2253(~$563 HKD)，平左差唔多成HKD $100！

揀左Spa療程之後，接待小姐就拎左個放住唔同顏色樽仔同碗仔既託盤來我地面前，跪o係地下同我地遂一介紹每種容器裏面香料既味道同功效，跟住再遞個樽比我地聞下唔同products既味道，然後叫我地o係裏面揀一種massage oil同body scrub~

碗仔裏面裝住既係body scrub，d樽裝住既係massage oil~

再休息多10分鐘左右，等佢地準備好我地間房之後，接待小姐就帶我地去做Spa既雙人房，幫我地做Spa既按摩師已經企左o係房門口恭迎我地~

間Spa房都幾大，中間透光既地方係浴室~

兩位按摩師首先吩咐我地除哂所有underwear，換一條叫「T-String」既棉質底褲 + 浴袍，然後就o係門外等候。

當我地ready之後，只要搖下呢個鈴，佢地就會敲門入來~ 哈哈，我地好似變左公主咁，可以隨意召喚d侍從！

呢d係我揀既Spa香料，擺得幾靚~

我換好浴袍喇~

Cyrus都ready喇~

哈哈，佢話果條「T-String」質料好貼、好舒服，什至比我地原本著緊果條under仲貼身舒服！可惜，接待小姐話「T-String」唔對外出售架喎~

我地先坐o係張紅色sofa上面，等按摩師幫我地用玫瑰花瓣 + pepper berries powder浸腳~

哈哈，帶左浴帽既我，好似個傻師奶呀~

呵呵，我對腳o係度浸緊玫瑰花浴呢~

浸完對腳之後，按摩師就幫我地body scrub，連breast同axilla位都唔放過，全身既皮膚都幫我地磨到好滑呢！

然後就去浴室沖涼，將身上既scrub沖乾淨之後，就開始aromatherapy body massage喇！可惜，massage時間只得1個鐘，有d「到喉唔到肺」既感覺~

值得一讚既係按摩師既手勢真係好好好！！！柔軟得來又到位，同我以前o係祖國試既所謂按摩完全唔同囉！

按摩師用個浴帽將我地d頭髮縛起哂，哈哈，呢個造型好搞笑囉~

浴室除左shower之外，仲有呢個超大大大浴缸~

可惜我地揀既130分鐘療程唔包括浸浴，冇機會享受下貴妃出浴既感覺~

等我地兩位「姿整」既大小姐梳洗好之後，已經差唔多大半個鐘頭喇！

一行出房門竟然見到頭先果兩位按摩師跪o係地下恭候我地出來，要佢地跪左咁耐，真係覺得超唔好意思呢......

出番來大廳，接待小姐冇即刻拎張單來比我地找數，而係拎左兩個又大又甜既芒果同hot lemon grass tea比我地~

呢度既服務實在太太太好喇！！！

好耐未食過咁甜既芒果喇，真係「甜到漏」呢！！！Yummy~

做完Spa先係5:30pm，有排都未到dinner time，我地決定再發揮「食力」，o係「dvn」既tea room食番個tea，抖陣先再出發去食dinner~

呢度既食物選擇唔多，以健康食品為主，我地叫左兩客salad~

Tea room亦有homemade蛋糕、麵包同甜品選擇~

呢度既佈置都係以白色為主，簡單優雅~

o係角落頭有賣Divana products既專櫃~

沿住我身後既小路一直行，就係Spa House喇~

哈哈，Cyrus突然叫我轉身，呢個pose好sexy呢~

Tea room門外既香薰蠟燭樹~

Cyrus叫左呢客「Shripm Cocktail Salad」，THB $110(~HKD $28)，都幾多蝦架！

我就叫左個「Home Made Salad」，THB $90(~HKD $23)，係一個vegetable salad，點埋d泰式ginger sour souce，好開胃呀！

臨走前o係門口影相留念~