Taipei 蜜糖月亮之旅 (Day 1 - Part A)

婚後兩日，我地就準備出發去Honeymood喇！

原定今次Honeymood係同Daddy、Mommy、細佬一家人一齊去台北玩5日4夜，但人算不如天算，Daddy同Mommy因為簽証既問題，o係上機前先知道去唔成，變成3人行...... 好唔開心呢！

我地一家人原定係搭港龍8:15am出發既航機由HK --> 台北，由於出發時間早過機場辦台証counter既office hour，所以我地一早已經打算去到台灣先搞落地簽証。

點知去到check-in counter先發現，Daddy同Mommy由於係o係大陸出世，所以就算佢地渣住特區護照，都需要預先o係出發前15日-30日前去金鐘既「中華旅行社」辦理簽証先可以入境......

去到機場臨入閘前先知道佢地兩老冇得同我地一齊去旅行，真係好想喊呢！但Daddy同Mommy冇o係我地面前表露出好唔開心既神情，反而叫我同細佬要玩得開心d，唔好掛住佢地！我地都知道佢地一定好失望，因為咁多年來我地都未試過一家人一齊搭飛機去旅行，第一次就搞到咁掃興，佢地一定好唔開心！

入閘後我d眼淚已經忍唔住不停留出來，仲喊得好淒涼，坐我地隔離d乘客一定以為係Jay搞喊我呢！細佬同我地分開坐，但我都見佢成程悶悶不樂咁，一定好掛心佢地兩老......

9:55am到達台北桃園機場，出閘後我地兵分兩路，由於細佬渣住美國護照可以免簽証入台灣，所以我吩咐佢去排隊換台幣先，而我同Jay就排隊辦落地簽証。

我地total換左HKD $4500，exchange rate為4.087，換到NT $18392，扣除NT $30既Service Charge，我地有NT $18362渣手~辦落地簽証條隊雖然好長下，但佢地d staff都算快手，過程都幾混亂 + 兒戲，唔洗15分鐘我地已經拎到簽証喇！誠為NT $200~

一出機場第一時間唔係去搭慢吞吞既「飛狗巴士」，而係買shuttle bus ticket搭20分鐘車程去桃園高鐵站 (NT $30/ticket)，再轉乘高鐵去台北車站 (車程約20分鐘，NT $160/ticket)，全程安全快捷，唔似得坐「飛狗」咁左兜右兜，兜到頭都暈埋！

高鐵站有自助售票機，可以用credit card/台幣比錢都得！

細佬@ 桃園高鐵站

The train is coming~

車箱入面既環境都乾淨、舒服~

到左台北車站後，我地再搭捷運去位於「芝山站」隔離既「麗敦精緻旅店」。上次來台北影婚紗相時已經住過呢間酒店，今次再入住都係由於佢價錢平、房間設備ok，交通亦算方便！

http://www.reedon-hotel.com/

走廊佈置得懶有歐洲feel~

帶大家參觀下我地間房先喇~ 

今次我同Jay入住既「維多利亞」尊貴套房，1-3/1/2009由於係當地既public holiday，所以房費為NT $2880/night；4/1就計NT $2480/night~ 個人來講，我比較鍾意細佬間房，好似比較光猛d~

房間佈置好有英輪feel，設備方面都幾先進，房內既燈可以用電話按鈕控制，又有LCD TV。除左張雙人床外，仲有張貴妃sofa bed~

原本細佬話可以訓sofa，慳番一間房錢，但我唔想佢跟住我去旅行都玩得咁辛苦，堅持要幫佢book多間房~

房裏面既mini bar，每日都會有兩個免費杯麵 + 兩罐飲品提供，又包埋早餐喎，都算係咁架喇！

Toilet都幾大架，仲有個按摩浴缸，可以一邊沖涼，一邊睇TV，正！

唔鍾意浸浴缸既話，都可以選擇沖花曬浴~

廁所既衛生用品非常齊全，除左MUST有既牙膏牙刷、shampoo、shower gel外，仲有梳、剃鬚刀、facial cleanser、潤膚乳、棉花棒等......

再來參觀下我細佬住既「皇家尊爵」豪華套房~

1-3/1/2009房費為NT $2680/night；1/4就計NT $2280/night~

廁所一樣有按摩浴缸with LCD TV~

P.S.兩間房無論面積、設備都係差唔多，建議入住既朋友揀「皇家尊爵」就夠喇，唔洗徙錢book貴d既「維多利亞」~

休息左一陣我地就出發搵地方食Lunch喇~ 仲記起上次住「麗敦」時去過「芝山站」旁邊一間以貓同狗做主題既餐廳 --「貓花園」，今次決定再次造訪！

「貓花園」就o係捷運站旁，一出「芝山站」就見到架喇~

餐廳既裝飾大都以貓為主，有好多貓貓擺設、壁畫等~

餐廳裏面真係有好多貓貓同狗走來走去，客人鍾意既話都可以走埋去瞭佢地玩~ 有d貓貓仲會大膽到跳上你開餐張檯訓覺添！

每張餐檯上都有公告牌，告示客人應該點樣對待餐廳裏既小動物，仲會介紹佢地個名添！

餐廳裏面唯一一隻狗，佢叫「斑比」~

你睇下d貓貓幾巴關，竟然有「專用」凳坐呢！

佢好似訓得好舒服咁喎~

餐廳既食物都係西餐，水準同味道都唔錯！

但價錢有少少貴，我地3個各自叫左個麵 + 飲品，埋單total NT $730，除開每人都要HKD $60架~