Shenzhen 華僑城之旅 (Day 1)

好難得先抽到連放Sat同Sun，可以約埋幾個朋友一齊去玩！今次既目的地定o係「東部華僑城」，希望可以睇下「U型橋」同花海！

由於唔想即日來回咁辛苦，我地選擇左Sat晏晝上去唱K、按摩，o係酒店舒舒服服訓一晚，第二朝先去「東部華橋城」~

酒店方面原先想揀之前住過既burget hotel「如家快捷酒店 -- 口岸店」(~RMB $200/night)，但咁岩o係網上見到「如家」對面馬路間「深圳羅湖戴斯酒店」(4星級)有discount，，我地見特價後價錢差少少，就決定住得好少少喇~

http://www.daysinnsz.com/

我地book左3間「高級客房」，網上優惠價RMB $390/晚，價錢都算reasonable~

講開又講，「戴斯」位置真係幾方便，出左口岸行5分鐘就到。而且環境冇咁雜，唔似得「如家」咁好似「爆房」酒店咁，d房都幾大又乾淨，next time如果上開去玩都會再「番兜」~

我地住果層既lift口同corridor位置都佈置得幾有格調~

一打開門見到間房，比我地預期中靚得多，簡約乾淨，又有LCD TV，RMB $390真係算抵住！

廁所都好乾淨衛生，沐浴衛生用品齊備~

但唔知點解廁所會「寄賣」d咁特別既商品 -- 「戴得樂震動condom」、潤滑劑、印度神油、眉鉗、指個鉗......

打開衣櫃有浴袍、即棄拖鞋、夾萬等，真係幾齊全喎！

仲有「騎尼」既mini-bar，竟然有干邑同茶葉賣！檯上既紫砂茶具係免費借用既~

每間房只會免費供給2支水，如果仲係口渴，誠為RMB $18/支西藏冰川礦泉水~真係唔好去搶！

o係房休息左陣，就搭一個站MTR去「國貿站」搵地方唱K~

「國貿站」附近有兩間大型K場，一間係位於「佳寧娜廣場」既「好樂迪」，另一間係o係「金光華廣場」隔離既「錢櫃」。我地今次揀左去「錢櫃」，因為睇裝潢好似「錢櫃」靚好多~

有酒店大堂feel既KTV lobby，比香港d什麼way、什麼box都靚得多~

我地就係坐o係後面d大Sofa等房~

lobby裏面有一座白色三角鋼琴，真係有人定時o係度演奏架！

終於有房喇，間K房都幾大架，仲有獨立廁所~

o係大陸唱K同台灣一樣，都係用放o係Sofa旁既機入code點歌~

坐定定後，服務生帶左一包籌碼入來，每人可以分到5個~ 呢d籌碼唔係用來賭錢，係用來換特別既食物。雖然話唱K包免費buffet，但有d特別「貴」既食物或特飲，係要用籌碼來換既~

K buttet區都幾多野食架，但味道就麻麻呢！

唱完K後就搭MTR番去「口岸」，睇下幫襯邊間按摩中心好。初頭都有d平價「黃色架步」瞭我地，但我地又唔係搵唔到錢，唔想去d咁唔乾淨既場所，所以打算搵d價錢中上既按摩中心。

睇左一陣，就比「三哥」賣廣告間「Zense昇逸水療」「呃」左上車~點解話「呃」?！係因為sale我地「落答」既職員明明話價錢就係價目表上所列，除左比按摩師既小費外，冇其他收費~ 我地亦問過個職員有冇規定min.小費，佢亦答我地話「冇」，咁我地先上車~

點知架車去到「Zense」時，Reception既服務小姐竟然話額外會有10% service charges！有冇搞錯呀，明明話「冇」我地先上車，點解而家來到又話要加收我地錢?！服務小姐仲要衰到話係我地misunderstand左「口岸」職員既解說！

我地唔係志在果幾十蚊，只係覺得佢地咁既生意手法好唔要得囉！好嬲咁要求佢地車番我地落「口岸」，點知佢地d職員仲要好冇禮貌咁話：「車左你地來冇幫襯，我地係會收番車資架！」Oh, my god！果刻真係覺得我地好似比人賣左豬仔咁囉~ d大陸人真係超離普！

嘈左大半個鐘後，經理先肯讓步，承認「口岸」既職員未有解釋清楚收費詳程，願意免收我地10% Service charges~一肚氣既我地實在太倦，見佢地肯認錯就算數開始massage~

「Zense」既lobby~

每位客人手上都會有條連住locker key既膠手帶~

按摩女郎既手勢其實同d「細場」冇分別，但完鐘後佢地遞上「小費list」，最細既銀碼竟然係RMB $30！果位幫我按摩既小姐o係過程中整爛左我o係台灣買既hairband，仲好似冇乜所謂咁話：「你番去再買過喇！」How come I buy it in HK again?！佢仲夠膽死叫我圈$30 tips！之前「口岸」職員明明話小費冇min.charges，點解最細既銀碼要圈$30?我冇理果個按摩小姐「死lur」，o係$30前寫左$10，話之佢黑面喇！邊個賠番條hairband比我呀！

「Zense」呢間按摩中心真係好差呢，唔會再有下次！