Langkawi 自駕島遊之旅 (Day 3 - Part A)

今朝又係要早起身，因為去Islands Hopping架車8:30am會o係Pork Langkasuka接我地，尋日因為趕住出門口蝕左冇食酒店既早餐，今日一定要食埋先上船！

食早餐既地方都係o係「Senari」餐廳，呢度既早餐超正呀，款式選擇超多，好多即製食物如waffles、pancakes、奄列、印度烤餅等，補充食物既速度又快，仲超衛生添！Quality比我地o係Maldives honeymood間resort仲要好！

食飽飽後就散步去碼頭搭7:45am開出既shuttle boat去Port Langkasuka~

Boarded on the shuttle boat~

8am就到左碼頭，但就要等半粒鐘先有local tour車來catch up我地，呢個係住Rebak Island Resort既唯一一個缺點，就係我地去玩既時間要就住船期~

Port Langkasuka望出去既霧色都幾靚~

8:30am local tour準時來到接我地，經過20分鐘車程後，我地就到左Islands Hopping上船既碼頭喇~落左車後，司機叔叔就走去接第二批團友，叫我地o係碼頭hea住先！

呢個碼頭比我地尋日去既Jetty Point簡陋好多，附近冇大舖頭，只有一兩間兼營local tour既士多仔！

食早餐時飲左好多果汁，搞到突然「人有三急」迫住要o係呢度去廁所......污糟過香港公廁N倍既士多後巷公廁一樣收費RM $0.3，廁所係冇得沖水既踎廁，裏面污糟不特止，仲有四腳爬爬同蜘蛛周圍爬......我驚到連廁所門都唔敢閂，快快脆脆搞掂佢衝出來算喇！

P.S.記得去Islands Hopping果朝唔好飲咁多水，當日有心理準備去既廁所係超污糟，可免側免！

所謂既碼頭只得一條直路，只係比d三舨小艇停泊之用~

碼頭對面岸係地中海式設計既「Awana Porto Malai Hotel」，係就係幾靚，但好似舊左d~

等左半個鐘，終於有負責職員安排一眾團隊登上唔同既小艇，每架船大約坐8-10人，9:35am正式開船出發喇~

第一站先向「Pulau Dayang Bunting」(孕婦島)進發！途中會經過好多綠樹林蔭既小島，有d似去左小桂林咁~

P.S.如果想影風景冇遮擋，揀位坐時就揀船頭較前既位置，如果唔係就會比其他團友遮住影唔哂d景架喇！但就要小心整濕相機，因為船頭位置都幾多水捌上來~

途中去到一個島附近，船家會停低比大家影相，就係呢個遠睇似大肚婆訓o係度既島喇！似唔似真係見仁見智，但真係要好好想像力先聯想得到囉~

P.S.想知Islands Hopping tour既更多資料，please refer to 「Langkawi自駕島遊之旅 (玩樂篇)」 ~