食完lunch後，DM就帶我地做下運動，o係呢個島周圍散步下，我地冇著拖鞋，就咁行過沙地，穿過椰林，感覺好relax、好原始~
島上既椰樹生得好高大，哈哈，行過下面真係幾驚會突然有個椰子跌落來扑中我個頭~
行行下見到當地人養既寵物 -- 馬騮仔~ 我想行近d影架，但佢又好似想飛撲埋來咁，都係咪搞！
哇~ 我咁大個人第一次見到水牛，仲要係有角既添！
佢見我舉機影佢相，仲走埋來我度，唔知係咪想入鏡?！
嚇死我呢！
赤住腳o係沙+石既小路上行左十幾分鐘後(其係真係幾痛、幾「吉」腳，原始人真係唔容易做！)
，終於體會到乜野叫「柳暗花明又一村」喇!
我地眼前突然出現Listerine blue既海景，靚到好似Maldives咁！
d水藍得來好有層次，直情係世外桃園一樣~
之後我地又要「吉」住腳板咁走回程路，o係沙灘「hea」多陣，就準備出發去2nd Dives~
Hey guys,come on,it's time to go diving~
2nd Dive @ Siam Bay 3pm
今個dive site比上次既好少少，起碼一落去都見到d珊瑚礁，但當然一樣同Similan冇得比喇~
呢一帶比較多熱帶魚仔，周不時都見到魚群游過我身邊~
A mini dotted pufferfish, so cute~
今個dive除左我之外，仲多左個肥仔buddy~
話說晏晝食完lunch後，淨係顧住去散步同玩水，唔記得左換電池......
結果o係我「係又影、唔係又影既情況」下，部機d電就咁玩完！
所以以下驚險經歷，冇得將佢記錄成相片/video，只可以口述比大家聽：
其實DM見我1st Dive成日走去影d超大trigger fish，食lunch同臨落水前已經再次blief過我，唔好游得太近佢地，仲教埋我如果見到trigger fish應該做乜手勢~
但o係Maldives同Similan見過咁多次trigger fish，都冇事發生，我又點會將DM講既野放o係心上丫！難得見到大魚，仲唔游埋去狂影咩~
點知......喇，事先聲明，唔關我事架！我根本冇approach過條trigger fish，唔明點解佢會「點」中我「相」囉！
事緣游游下，DM突然向我打手勢，我以為佢問我仲有幾多oxygen，咪check下個meter囉！點知原來佢係做手勢話比我聽，我身後有條trigger fish跟住我！！！死愚既我遲遲仲未get到DM手勢既意思，而佢又見到條魚越來越近，想開始攻擊我，就以極速游埋來，拉我去佢身後！
由於條魚背住我，我根本唔知道佢o係我後面，DM咁拉我法，我初頭都唔知發生乜野事?！直至擰轉頭就見到DM係咁用對fins踢條trigger fish！條魚個樣超狠！哈哈，其實魚冇樣睇，只係我既感覺，佢既眼精係咁望住我地，游前游後咁，睇準時機想再攻擊我地架！呢個時候我先知驚呀，係咁學DM咁用對fins向條魚既方向踢~
點知條魚真係唔識死架！仲繼續快速咁游埋來想再作攻擊，DM同我起勢咁踢......終於條魚都知難而退，但就用好凶狠既眼神離遠目送我地游走~
之後剩低既dive time我都係超驚架！因為成日形住有魚跟住我咁，好驚有大魚會再無端端「點錯相」攻擊我，游唔夠三步，我又回頭周圍望下，好唔容易先完成哂成個dive log~
事後上到水面，DM同我講就算我冇主動approach過d trigger fish都好，可能佢地岩岩生完BB，係會無故地暴躁(哈哈，咁似我地女人M come既?！)，所以都會無端端睇你唔順眼，攻擊你！(咁似d精神病人亂斬人咁既?!)所以trigger fish對divers來講有一定危險~雖然比佢咬到唔會死、唔會中毒，但佢地咁大條，咬你一啖都幾係野，無喇喇冇左忽肉，痛都痛死喇！
上到水面，好唔容易先「偷」到少少電影埋呢張相！
Finished my 9th and last dive in Phuket trip~ Yeah！
換番舊新電同靚仔DM影相先~
呢個就係我2nd dive既肥仔buddy喇~
之後我地就搭車回程往出發既酒店，大約5:30pm番到去Avista Resort join番Cyrus~
沒有留言:
張貼留言