Fiji 與鯊魚共潛之旅 (準備篇 -- 酒店篇)

呢個Fiji trip真係plan得好辛苦，所有資料都係staring from ZERO！從零到整，經過個幾月既planning，睇左N咁多個homepages，幾十萬英文字後，終於落實今次Fiji trip既行程路線喇！

Nadi --> Malololailai Island --> Coral Coast --> Pacific Habour --> Nadi

Nadi

由香港飛斐濟，會o係Viti Levu西面既Nadi市landing。果度並唔係首都，首都係位於東南面既Suva市~Nadi係旅客來Fiji既集散地，由呢度可以好方便咁搭船去外島群「Yasawa Islands」或「Mamanuca Islands」~

由Nadi去首都Suva約要4個鐘頭車程，想快d既話，可以選擇搭domestic flights，30分鐘就到喇！

Nadi市中心有好多酒店選擇，大部份都係youth hostels、burget resorts(如Club Fiji Resort、Smugglers Cove Beach Resort等)或3-4星酒店(如Novotel、Mercure Nadi等)。想住得豪d，可以選擇入住距離Nadi Airport 20min車程既人工島Denarau Island上既5星酒店(大部份旅行社package都係包Denarau Island既酒店)~

Denarau Island上有8間luxury resorts，由不同酒店集團經營，比較出名既有Sheraton、Westin、Sofitel、Radisson同Hilton等。除左大型resorts外，仲有個小型購物中心同碼頭「Port Denarau」，o係度可以搵到餐廳食肆、超市、碼頭、local tour counters等~

 

除左上Tripadvisor睇tourist reviews外，極度推介大家去download「Rosie Holidays」既brochure！Rosie Holiday係一間澳洲經營既Fiji local tours company，大部份既斐濟大酒店都會附設佢既local tours counters，算係幾信得過！

呢個brochure file除左介紹各區酒店之外，仲有local tours簡介，係唔想比錢買旅遊書，又想簡單瞭解一下Fiji info既遊客既免費「攻略」~ (按圖可download)

要注意既係，無論你住o係Nadi市既酒店又好，定還是住Denarau Island上既luxury resorts都好，Nadi對出既海灘既水都係唔掂架！全部都好似香港d沙灘水咁灰灰黑黑咁，唔好諗住比千幾二千蚊住靚resort就可以享受水清沙幼既Fiji Beach呀！

既然係咁，我初時有諗過住burget resorts，首選target係Club Fiji Resort~因為好鍾意佢既Beachfront Bure(即係我地成日叫既Villa)，一打開門就可以見到海，價錢約HKD $7xx/night，真係幾吸引！但原來大部份既bures都係冇冷氣，得ceilings架咋！！！

聽到「冇冷氣」呢3個字，一直倡議此行要慳住玩既Jay都「耍手擰頭」，叫我揀d有air-con既住宿，驚唔係熱死就比蚊針死咁話~哈哈，既然你都讚成我住得好少少(即豪少少)，我緊係轉攻Denarau Island d酒店架！

o係Tripadvisor刨左N咁多日，睇哂8間酒店既評價，最後揀左「Fiji Beach Resort & Spa Managed by Hilton」~貪佢新d，大部份都係beachfront rooms，仲有7個泳池，有排我地浸！

經過一輪格價後，決定訂最平既Studio Beachfront，o係Zuji訂HKD $1200/night~ 雖然唔包早餐，但咁近Port Denarau，應該餓我地唔死既！

22-24/1/2010 @ Denarau Island -- Fiji Beach Resort & Spa by Hilton (HKD $1200/night)

Malololailai Island

估計在Denarau Island攤抖兩日應該「夠皮」，接住就心思思諗下究竟join day cruises「係咁耳」去d小島玩下，定係o係d島仔度住番三兩日好呢?！

我點諗都冇用，最緊要我地「荷包」諗得過先得~於是我好努力咁上網格價，睇下有air-con既小島酒店價錢大約係幾錢?！唔睇由自可，一睇之下心已經碎了一半......位於Mamanuca Islands Group比較出名既「Treasure Island Resort」、「Castaway Island Resort」、「Malolo Island Resort」、「Musket Cove Island Resort」等都係貴到爆既，冇HKD $2000/night都唔洗諗~再加埋搭船來回既船票(South Sea Cruises /Yasawa Flyer)，圍番條數咪好溶?！

初時都諗住放棄架喇，點知又比我發現到一線「曙光」喎~講緊既就係位於Malololailai Island上既其中一間resort「Plantation Island Resort」喇！

Malololailai Island係位於Malolo Island旁邊既一個細dd既島，呢兩個島上有多間resort(如圖)。以Malolo Island為例，上面就有貴價水上屋luxury resort「Likuliku Lagoon Resort」，我斷估o係隔離既Molololailai Island d水質唔會差得去邊啩?!

睇相真係水清沙幼，拍得住Maldives呀~

去Malololailai Island可以搭10mins domestic flight by Pacific Sun Air又或者搭50 mins遊艇by Malolocat~

o係Zuji.com見到「Plantation Island Resort」最平既房種Hotel Room HKD $1128/night，雖然唔連早餐，但價錢對比其他小島酒店來講，真係算係reasonable好多架喇！

24-26/1/2010 @ Malololailai Island -- Plantation Island Resort (HKD $1128/night)

Hotel Room係最basic既房種，就咁睇有d似去camp既房，但咁平既價錢真係唔要求得咁多架喇~

P.S.到埗後Reception free upgrade左我地去「Poolside Room」，o係Zuji.com book要成HKD $1700/night架！好開心呀~間房大過Hotel Room，仲有兩個toilets，唔洗爭~個泳池真係對正我地間房個大門，一行出去就可以即刻跳入水，So good！

去得小島住，都預左餐飲比佢「lur」架喇~ 好彩睇d野食既價錢都唔算貴得太離普~(Exchange rate：FJD $1 = HKD $4.11)

潛水既價錢都唔算好貴噃，到時可以潛番夠本喇！

Coral Coast

呢次Fiji trip既主打係Shark Diving，為左呢個活動，我可以話全個行程既路線安排係就哂佢！

早o係出發前個半月前已經send email去Pacific Habour果幾間dive shops問價、book期，但佢地都夠膽死話我聽full哂，得番29/1果日有vacancy！好彩我地去10日8夜，切左好耐先切得掂行程尾二果日去玩shark dives~

P.S.如果係普通dive sites應該唔洗咁早book，但如果去shark dive，Pacific Habour得2間dive shops搞，仲要唔係日日有船出，所以d位好快比d diving tours hold哂，最好預早少少send email去book定喇~

For more details about Pacific Habour Shark Dive, pls refer to 「Fiji與鯊魚共潛之旅 (遊樂篇)」~

咁我地26/1 o係外島玩完，29/1要返番去Nadi預備之後果日番香港，中間有3晚，我都頭痛左好耐去邊度住?！亦煩緊點樣由Nadi去Pacific Habour?!

Nadi <--> Pacific Habour交通

o係tripadvisor做過info research，得知由Nadi包Taxi去Pacific Habour約FJD $150/way (Exchange rate：FJD $1 = HKD $4.11)，車程約3hrs，都幾貴喎！

想睇下dive shop「Aqua Trek」既接送服務會唔會經濟少少，點知仲貴，要成USD $110/way，咁來回一條友咪要成HKD $1700?!真係黐X線~

後來得知有間旅遊巴公司「Coral Sun」有做Nadi <--> Suva既路線，中途會停經Pacific Habour，票價FJD $20/way，好鬼抵搭！可惜每日得上、下午兩班班次，就算搭上晝出發既巴士，我都趕唔切參加當日朝早出發既shark diving tour，除非之前一晚都係住o係Pacific Habour既酒店喇~加上我o係網上根本搵唔到reserve booking既方法，就算想book定都唔得喇！

呢樣唔得，果樣又唔得，唔通真係要包架貴車去Pacific Habour?!

就係我勁灰之際，就比我search到一間位在Coral Coast既「Wellesley Resort」，o係Zuji.com book一晚酒店既價錢只係HKD $767，仲包埋breakfast同free private Nadi airport pick-up service！哇，真係好大隻「甲那」隨街跳呀！！！

26-27/1/2010 @ Coral Coast -- Wellesley Resort (HKD $767)

需知道Coral Coast就o係Pacific Habour附近，由Nadi搭車去至少要2hrs，一晚酒店既價錢包成HKD $600/way既接送服務，真係邊度搵丫?！同埋由Coral Coast去Pacific Habour都係30mins車程，o係度借宿一宵當中轉站都好丫~我夠膽講句，邊個搵到個方法又平又舒服得過我，我批個頭比佢坐！！！wakaka~

Pacific Habour

o係Coral Coast度宿一宵後，我地就會搭車去Pacific Habour~ o係網上睇過當地有兩間resort比較多人選擇，一間係burget accommodation「Uprising Beach Resort」，另一間係當地最高級既4星酒店「The Pearl South Pacific」。

「Uprising Beach Resort」雖然評價唔錯又抵住，但由於d房冇air-con，即時被out出局！所以焗住要「科水」book貴少少既後者~ 不過睇相間resort好似唔錯，加上Shark Dive既dive shop「Aqua Trek」亦係附設o係resort內，到時出海都方便d！

本來想訂seaview房，但成千蚊晚，真係比唔落手，最後o係Hotel.com訂左最平既Garden view room，HKD $888.5/night (including breakfast)~

27-29/1/2010 @ Pacific Habour -- The Pearl South Pacific (HKD $888.5/night)

Nadi

29/1潛完個shark dive後就要由Pacific Habour返番去Nadi，準備聽日飛番香港。既然呢晚既酒店住得半晚，我地就決定唔徙錢搭去Denarau Island喇，求其揀間正正常常有air-con既市中心酒店就算~

泡左一輪tripadvisor後，決定book「Novotel Nadi」，貪佢又平又企理，又有free airport shuttle，第二朝去機場果程連車費都慳番！

o係Zuji.com book左standard room，房裏有1張Queen + 1張Double bed，先係HKD $484/night，抵到爛喇！

29-30/1/2010 @ Nadi -- Novotel Nadi (HKD $484/night)

o係出發前兩日終於book哂d酒店，超期待第一次冇任何guidebook o係手既情況下自由行~ 緊張又刺激！Enjoying our Fijian Time~