vanvan: Australia 在世界中心呼喚愛之旅 (準備篇 -- 住宿篇).

由於今次係同Jay一齊去，冇理由要住hostel dorm分房訓，唯有著數搵下YHA或者酒店既double room價錢，ensuite當然好d喇，唔洗下下走出去公廁咁唔方便丫嘛~o係網上申請埋YHA membership，諗住去到可以用member價錢平d book住宿嘛，點知最後都用唔著張卡，唯有等下次去其他地方時再用喇！

Perth住宿

26/2夜晚10:45pm先到埗，第二日又要搭晏晝12:30pm機飛去Alice Springs，所以呢夜既住宿求其d都冇乜所謂~上網睇過YHA Perth既價錢，double room AUD $77/night，double room ensuite就AUD $92/night，以hostel來計價錢真係幾貴。

o係網上search左好耐，睇下有冇咁上下價錢既酒店可以選擇，又比我地搵到間The New Esplanade Hotel，o係Perth市中心仲要o係Swan River附近，房間仲可以望到河景添，好似幾good咁喎！睇埋agoda.com既價錢，standard room HKD $750/night，同YHA double ensuite room價錢差無幾，設施就好得多，所以決定第一晚住o係呢度喇~

9/3會再番到來Perth，至到12/3先搭凌晨機番香港，所以9-11/3要住o係Perth多兩晚，The New Esplanade果幾日冇特價喇，又要再諗下住邊間酒店好?！格過價錢，又睇過tripadvisor網評，最後決定揀Criterion Hotel，HKD $769.5/night，貪佢價錢同YHA ensuite房差唔多外，最重要既係o係正市中心，仲包免費free Wifi上網，岩哂我地兩個隨時上網update facebook、check email！

Alice Springs住宿

Alice Springs酒店價錢唔算貴，但由機場搭shuttle去酒店單程要AUD $18/person，真係幾「那利」下！本來諗住住o係YHA，double room AUD $67/night，但一諗起無端端要比shuttle bus fee，即時要「停一停、諗一諗」！

o係forum search過有幾間hostels包free shuttle pick up，比較多人揀既有「Annie's Place」同「Alice Lodge」~Annie's Place double room AUD $55/night, ensuite double就AUD $65/night，真係好抵玩！但睇tripadvisor既評語，唔少人都話有bed bug，真係有d驚喎......

Annie's Place Alice Springs

Alice Lodge就貴少少，double room冇套廁都要AUD $63/night，但就提供free wifi service，o係沙漠地區都有free wifi真係好鬼deluxe呀！另外through佢地報local tours的話，就可以有25% off discount on 1st night accomodation！我地就係through Alice Lodge報Emu Run既Uluru 3D2N Safari camping tour，換言之1st晚只係比AUD $47.25就得，計落平過Annie's Place添~所以我地決定去Uluru前兩晚27/2同28/2都係stay o係Alice Lodge，discount後兩晚只需AUD $110.25~

Alice Lodge既double room係campervan改裝而成，都幾搞鬼下！

Melbourne住宿

本來o係Melbourne又係諗住住YHA，點知check過價錢double room AUD $90/night, ensuite double room就要成AUD $99/night，好鬼貴喎！呢個價錢應該可以搵到唔錯既budget accomodation，上網摷摷果然有收穫，搵到間o係正Southern Cross Station斜對面既Enterprize Hotel，由火車站行去唔洗5 mins，方便到爆呀！！！o係agoda.com訂房價錢仲平到笑，住budget courtyard twin room只係HKD $594/night，房裏面有ensuite、有雪櫃、有air-con，真係抵爆呀！我地book左3-6/3住三晚，total HKD $1783.78~

Adelaide住宿

來到Adelaide，本來又係諗住住YHA，search過價錢double room AUD $76.5/night, ensuite double room AUD $90/night，又係好Q貴喎！唯有再轉移視線睇下有冇budget accomodation喇~

好好彩比我地搵到o係China Town附近既一間小型旅館Wright Lodge，又係有free wifi，ensuite budget double room先係HKD $580/night，但房間就冇窗，仲要o係G/F，Jay就話不如比貴少少，住有窗既1/F or 2/F room好d，唔洗咁密室feel丫嘛~所以我地o係booking.com訂左6-9/3住三晚double room HKD$677.2/night，total HKD $2031.68~