Australia 在世界中心呼喚愛之旅 (準備篇 -- 機票篇)

早於舊年年中，我已經plan定2011年6月一定要去希臘+羅馬玩，仲連行程、酒店都已經plan定/格定哂價，刨熟哂成本「地球之步方 -- 希臘」~但人算不如天算，10月頭中途殺出個「程咬金」Cathay Pacific既「飛!撲!精選!」超抵價澳洲來回機票promotion，direct flight去Perth都只係HKD $4708連稅~

價錢太心動啦~加上Jay又lur話澳洲好似好玩d，趕上9/10 promotion last day「喇喇林」轉呔book左機票2月尾再戰Australia~6月個假唯有遲d再諗下有乜野地方好去啦！

定左26/2 (Sat)由香港飛Perth，玩到12/3 (Sat)先番到香港~

票價HKD $2990 + Tax HKD $1718 = HKD $4708~

2006時同大學同學去Australia已經玩左好幾過大城市：Cairns --> Brisbane --> Gold Coast --> Sydney --> Melbourne，所以今次既旅程如非Jay極力要求，我唔希望repeat番到訪過既地方~

落機地點Perth係澳洲南部一個landmark city，附近都有幾多野睇+玩，應該可以o係果度消磨幾日既行程~Jay就出到聲話想去Great Ocean Road自駕遊，咁即係我被迫要番兜Melbourne一次，不過冇所謂啦，我自己都好想再去，因為果度d景色真係好靚！去開Melbourne，唔差在去埋佢既姊妹城市Adelaide啦，還掂順路，我又未去過喎！

仲記得多年前一套好hit既日劇「在世界中心呼喚愛」，裏面舊大石就係澳洲中部既國寶級景點Ayers Rock (Uluru)，今次再訪澳洲，點可以唔去潮拜下舊石呢?！同老公去世界中心呼喚愛，就係我地今趟旅程既重點啦~

基本行程已定，接落來既就係著手安排內陸交通啦~ 06年既Australia trip試過搭成12hr巴士由Sydney --> Melbourne，冇覺好訓不特止，仲凳到腰都斷埋，所以此行咪洗止意我再搭長途巴士！所以唯有埋手格下domestic flights既價錢~

考慮過行程既順暢度同flight tickets price，盡量不走回頭路浪費時間，決定行程為：

Perth --> Alice Springs (Ayers Rock) --> Melbourne --> Adelaide --> Perth

Perth --> Alice Springs機票 (by Qantas)

雖然行程重點Ayers Rock有個鄰近既機場「Ayers Rock Airport」，當中Virgin Blue(AUD $215/way)同Qantas(AUD $189/way)都有direct flight由Sydney飛去，但我地唔想特登兜去Sydney轉機咁麻煩囉！

由Perth有直機去離Ayers Rock 500km遠既中部城鎮Alice Springs，加上大部份既Uluru tours都係由Alice Springs出發，所以我地決定第一程係由Perth --> Alice Springs！

澳洲有三間budget airline：Jetstar、Tiger Airways同Virgin Blue，當中又以Tiger Airway既機票最平，所以plan行程時我地都盡可能格到最平既tickets先訂！

可惜由Perth飛Alice Springs呢程係冇budget airline搭架，o係呢個時候我地一向儲開既asia miles就發揮作用喇！

搭Qantas飛呢程就算搵到最平既Red e-deal特價票都要成AUD $295/way~

哇，要比成HKD $2300飛呢程真係肉都赤埋！！！

結果我地用20000分asia miles換左呢程機票，但機場稅果d就要自己另外比番，都係HKD $154咋嘛~ 咁就慳左成HKD $2150喇！！！

Alice Springs --> Melbourne機票 (by Tiger Airways)

玩完「世界中心」後，我地就會飛去Melbourne繼續行程~

格過機票價錢由「Alice Springs --> Melbourne」最平係Tiger Airways，但千祈唔好以為平野就一定「靚、正」，事後我地先發現Tiger Airways呢間domestic flight極有問題！！！

話說舊年10月頭我地訂左HK <--> Perth果程後，撞岩Tiger Airways搞緊online promotion，原價AUD $88.95既機票，特價至AUD $72.25，當時我心諗以為好平，諗住「執到寶」咁「喇喇聲」訂埋喇！點知呢幾日，即係訂左機票既3個半月後，我無意中click入去佢地個homepage先知道「瀨撻」！真係超想&*%#@呢間航空公司囉！！！

瀨撻事件1：

當時特價機票既價錢係AUD $72.25，今日無意click入去睇，變左AUD $68.95！！！平左既......

Details checked on 8/2/2011~ 機票價錢平左，咁早買原來都冇著數！

呢樣都算喇，差果少少錢，最驚訝係寄倉既行李價錢平左一半！講緊既係一件行李平成HKD $100喎！！！我舊年10月訂時明明一件20kg laggage行李費為AUD $30/one，今日check既價錢竟然變左一件20kg只收AUD $17.5！！！頂你個肺丫！有乜理由會平成半架?! 真係好嬲囉~

15/10/2010時買既價錢，一樣係兩張Adult tickets + 一個20kg check bag = AUD $174.5~

當時佢收我一件20kg行李費：AUD $27.27 + tax AUD $2.73 = AUD $30/件！貴到嘔呀！

P.S. AUD $174.5只係兩張機票，加一件20kg行李既價錢，o係網上訂機票，佢仲另外charge多我AUD $14.4既「convenience fee」，所以最後呢程機票我地兩個共用左AUD $188.9去買！計番exchange rate，即係HKD $1491~

8/2/2011既行李費，同樣係20kg，但就由AUD $30減到去AUD $17.5！

喂，都冇理由平咁多架嘛~咁對之前買左飛果d好唔fair囉！

瀨撻事件2：

呢張係我舊年15/10訂ticket時Tiger Airways issued比我既electronic ticket，請留意起飛時間同arrival airport！！！

呢個係我無意中o係homepage見到既時間同機場，我頂你丫！完全唔同哂既?！起飛時間相差成12hrs都得?！

最仆街既係，Tiger Airways改左航班時間同arrival airport係唔會用任何方法通知你既！！！

即係話如果今日我唔咁無聊click入去睇既話 --->

我到時係會晨咁早去機場報到，然後好似傻仔咁呆等到夜晚先有得上機！仲要Melbourne酒店唔知我late check-in，見我半夜都唔來就當我no show兼賣左我地間房比其他遊客，我地就被迫流落街頭......

Melbourne --> Adelaide機票 (by Tiger Airways)

瀨撻事件3：

見Tiger Airways由「Alice Springs --> Melbourne」果程瀨哂撻，即刻順手禁禁「Melbourne --> Adelaide」呢程睇下有冇出事?!

點知....... 唉，又瀨撻喇！！！

15/10/2010訂飛時原本departure time係12:30pm@Melbourne架嘛~

今日去check時，發現Tiger Airways又「暗kind」改左起飛時間去1:30pm囉！！！頂~ 又係冇收到通知囉！

呢程機票又係舊年10月做promotion時買既，當時呢程機票只係AUD $18.83/way (未計laggage fee同credit card service charge)，~HKD $150可以搭飛機喎，去澳門都未必得喇！

加埋雜費後，total洗左AUD $82.6 (HKD$647.8)買左兩張tickets + 寄一件20kg行李，真係好平呀！

Adelaide --> Perth機票 (by Qantas)

好在今次旅程只係中間果兩程搭Tiger Airways，如果唔係實激氣到爆呀！「格價」其間見到Qantas有個「Points + Pay」既飛行常客優惠，即係之前搭佢地airline儲落既miles可以用o係下一次買機票時當cash咁扣錢~正過我地儲開既asia miles多多聲呢，起碼唔洗儲夠一定miles先換得野嘛！

2006年去澳洲時好似都坐過Qantas，諗住click入去個account睇下有冇儲到分喇，點知意外地發現原來Qantas同Air Pacific既miles係通用既，換言之我地舊年去Fiji旅行時既miles就可以o係Qantas買機票時當cash用！張機票換相平左2/3價錢呀！！！

網上最平既「Red e-deal」都要成AUD $198/way~

但原來舊年Fiji trip後，我同Jay個member account裏分別有10198分，可以用來當AUD $118.52 cash洗！！！

扣左d miles後，我地呢程張ticket變相只係AUD $79.48，抵到爛呀！！！

由於用credit card payment，所以要另外比多AUD $7.7 service charge~

但張機票平左咁多，當豪比佢喇~

全程既domestic flights book齊後，之後既時間我就要比心機plan下行程喇！由於Jay唔玩得skydive同diving，所以今次「番兜」澳洲之旅冇得再試呢d X-sport玩意了~咁要諗諗有乜特別既搞作呢?！