台灣婚紗攝影之旅 (Day 11)

afsd

台灣婚紗攝影之旅 (Day 10)

選相篇

晏晝2點鬆d去到「薇薇」選相，去到已經有另外3 pairs人各自o係電腦前面「努力」緊~

原來詹Sir total幫我地影左509張相！哇，天氣唔好都影咁多，天氣好仲得了既.......

睇完1次全部相後，開始1st Round 「Kill 相行動」！好辛苦咁先out到百幾張相出來！1st round最主要係cut走d表情極度唔ok的。選相既過程還算輕鬆，服務小姐鄧經理忙住招呼其他客人，冇坐o係執邊左右我地既決定，所以想點cut都得~

2nd Round 「Kill相行動」比較激烈，我地kill剩大約150張相~ 呢個時候，鄧經理就開始上前「關心」下我地，哈哈，不停讚我地d相靚呀、cut咁多唔要咪好可惜囉......然後就到報價時間啦！

我同Jay一開始就已經決定唔會加錢入冊，一來加相入冊太貴(HKD $200/張)，二來我地o係「紐約時尚」都加左唔少相，三來張相做左美編變到咁細張好似好徙咁，四來我地識人o係大陸做相簿仲平，所以我地加相主要係買不修片原檔為主~

鄧經理比左個「優惠價」我買相入冊，$180/張~ 但我覺得一d都唔「優惠」囉，仲覺得太貴，不能接受！

所以我直接同佢講其實來「薇薇」影前，我地已經o係「紐約時尚」影左，仲買左好多相，而家我地兩個好窮架啦！冇乜錢剩for買相，所以淨係會買少少file走人~

跟住鄧經理又話買原檔(不修片)$100/張，如果買150張就可以比個優惠價我$12000咁話。但我同佢講，我而家都cut到得番150張相，本身package都已經包左45張相，都唔洗加咁多相啦！如果加100張度會係乜野價錢?！

佢最初都唔肯點減價，但見我地開始左3rd Round「Kill相行動」，今次仲kill到得番110幾張，佢開始有d「屈服」啦......經過一輪討價還價後，extra加挑103張相誠為$8500 HKD，我覺得呢個價都acceptable，所以冇再堅持講價落去~「啦啦林」揀番頭先cut左又幾鍾意既相入去，酬夠148張相~

2點幾「苦戰」到7點都未完！Kill完相仲要繼續努力揀入冊既相片，揀埋做油畫、海報、簽名綢、謝卡既相，跟住揀埋油畫框、相簿封面果d......最後要8點幾先可以離開ViVi呀！仲辛苦過影相呢！

P.S.「薇薇」d冷氣好勁架！各位姊妹去揀相時，記得帶多件褸去呀！仲要帶定d小食補充體力~ 如果覺得太涷頂唔順，可以去隔離StarBucks買杯熱飲。我同Jay就係因為頂唔住「飢寒交迫」既感覺，所以冇「體力」再同鄧經理講價...... 如果唔係咁涷+餓，我諗仲可以bargain到個平d既價錢~

P.S.有d意見可以比淨係買file既姊妹~ 由於可以選幾十張相入冊，咁我會建議你選「打直」既相片，因為「打橫」既相片會上下留好大空間係白邊，張相就會變得好細架啦！但揀「打直」既相亦要留意，由於油畫、海報果d「濕碎野」一定要o係入冊d相度揀，所以到時呢d野會全部都係「打直」架喇~ 仲有，鄧經理話得果40幾張相，唔幫我地做美編，之前有姊妹話40幾張都可以做到，我諗呢d要睇你地既「牙力」啦！

P.S.行李箱要留番好大空間來裝「薇薇」即時比你地既野，如：黃金結婚証書、桌上相框、什麼親友卡、黃金喜帖果d濕碎野，加加埋埋都幾重架！我諗有4-5kg左右~ 如果你買得多入冊相片，佢地仲會比埋個相簿皮箱你拎走添~ 如果冇位放，就要hand carry了~

P.S.番到香港睇forum先知道揀相時有得「放大」in電腦架！個鄧經理好奸囉！呃我地冇得「放大」，搞到我地揀左d個樣原來唔靚既相！

P.S.徙左咁多口水去bargain softcopy價錢，本以為自己好叻喇，點知番黎睇forum先知道有姊妹唔洗bargain一開價都係同我地一樣價錢！唔好信佢地話什麼：「淨係得你有咁平！」呀~

P.S.「薇薇」又「靜雞雞」改左policy喇！之前有得o係香港揀相框，慳番d郵費，而家又改到要全部o係台灣揀~

飲飲食食篇

Lunch

由於約左2pm去揀相，所以食lunch都係揀番o係「薇薇」咁在既「民權西路」捷運站附近既食肆。行去「薇薇」途中，見到間叫做「丹堤Dante」既舖頭，係食西餐既，價錢都acceptable，就決定o係度食lunch喇！

一杯特飲+一客咖哩飯+Salad+餐湯 NT$215

Dinner

今晚又係去士林夜市，因為我地勁想食刨冰~

去左試另一間舖頭既芒果牛奶冰，呢間仲好味呀！NT$100

太甜既薑汁+甘蔗汁，唔好飲既~ NT$40

呢間d烤雞排勁正！辣辣地，好野味~ NT$50

台灣婚紗攝影之旅 (Day 9)

今朝起身望出窗外天灰灰咁，睇來都冇乜機會影到藍天白雲lu......

化妝篇

8am準時到「薇薇」化妝~

過馬路時有野吹左入我隻眼，我係咁「率」眼都整唔番出來，隻眼勁唔舒服，仲紅哂添！化妝師青靖知道就叫我唔好再「率」，仲搵左支眼藥水幫我滴添呀！佢真係好pro架，連眼藥水都準備埋o係身邊，勁貼心~

青靖首先幫我fit哂當日要著既咁多套衫，睇下有邊件唔岩身可以「啦啦聲」改番，跟住就開始化妝啦~

果朝仲有個女助手幫我卷頭髮，青靖就專心負責化我個妝。佢化個妝真係勁勁勁靚，又薄又貼~ 我之前影過另外兩間公司，又o係香港試過幾個MUA，咁多個MUA當中青靖手妝係最得既！！！

化完妝，青靖就幫我拆左d髮卷開始set頭。佢set第一個頭時，我仲未同佢講我鍾意乜野style既髮型，所以1st style係佢幫我design既~ 起初，我同Jay都唔係咁鍾意個髮型，覺得唔係咁靚....... 但原來6個髮型中，影相出來係1st個頭最靚、最襯我！因為青靖會就番我既面型來design，所以我鍾意既髮型雖然係靚，但就未必襯我既面型，出來效果當然冇幫我「度身訂造」果個影出來效果咁靚喇~

因為我首先會去兒童樂園，青靖睇哂我咁多套衫就suggest我著條colourful d既裙去，所以就揀左著橙啡色果條民族feel既裙去~ 青靖仲拎左個同條裙係一set既頭飾比我添~~~原來個頭飾係佢自己整架，用條裙既碎布自己設計，好勁呀！哈哈，最搞笑既係原來個頭飾個底係用胸pad來整，青靖話咁樣個頭飾會輕好多，咁都比佢諗到，真係好叻女呢！！！

P.S.o係青靖幫我化妝set頭既途中，個女助手基本上係幫下手執頭執尾。Jay帶左好多恤衫來，但放o係喼度搞到皺哂，諗住叫個女助手幫手熨直佢。但青靖有d惡咁同我講番：「我個女助手唔係負責熨衫架！」，仲話我地應該來試衫時比埋個禮服小姐整喎......但個禮服小姐小Q好衰呢，除左識得黑面，就乜都唔同我地講......好彩，個女助手好好人呀，都肯幫Jay「啦啦林」熨下d恤衫~ 我地都唔記得問佢叫乜名呢，但真係好多謝佢咁好人呀！各位未影既姊妹，記得去到試衫果日放低d恤衫比個禮服小姐熨呀！

我自己o係卓悅買左1盒12支(1ml/支)$165HKD既安瓶「法國嬌麗收毛孔精華」去果邊，諗住應該夠用，但青靖話用哂咁多支都唔夠，要另外加多兩支($500台幣/支，但佢地d安瓶係大支好多，好似一支有成2-3ml)，所以suggest我幫佢買果兩支茶o係我塊面度，哈哈，Jay就用cheap野! 算喇~ 之前好多姊妹都話「避」唔過點都要買少少當tips，青靖算好好架喇，淨係叫我買2支~ 聽其他搵梁總監化既姊妹講，至少要買6-10支架！

青靖幫Jay化妝都好ok呀！幫佢遮哂d暗瘡，佢勁滿意呢！

化好妝後，我地就出發去「薇薇」附近既「兒童樂園」影相！青靖呢個時候唔會跟我出去，佢會o係「薇薇」執定出外景時會用到既野，好似我d頭飾、頸鏈、耳環果d。臨出去前，青靖問我有冇d乜style既頭飾係特別唔鍾意，我就「啦啦林」show d samples髮型相佢睇，同佢講我鍾意邊d髮型~ 其中一個頭會用到條鏈吊o係個頭度，青靖同助手就o係我地出去影「兒童樂園」時好努力咁番箱倒櫃幫我搵條岩style既鏈，佢地真係好好呢！

外景篇

1.兒童樂園

入場費係$30台幣/人。可能我地去果日落雨，加上天灰灰咁，所以成個「兒童樂園」都冇乜人。第一個景點就係旋轉木馬，$20台幣/人玩一次，個木馬只係轉2-3分鐘左右，所以詹Sir同助手Harry都要求我地好快手咁轉pose，務求o係有限既時間影到多d靚相~

影左冇耐，音樂就停左lu，木馬既職員好惡咁話我地已經坐左一次、要我地即刻落來......詹Sir硬住頭皮笑笑口咁「死lur」個職員話影多兩張就ok，佢真係好pro呀！

可能係我同Jay平時唔夠膽去騎木馬(都牛高馬大，仲點敢明正言順去同d細路爭丫)所以，影木馬時我地笑得特別開心，哈哈，揀相時都唔捨得cut木馬d相呢~

「兒童樂園」真係一個影相熱身既好地方，新人可以一路玩、一路影，d相出來笑得好自然呢！但可惜既係果度就來要拆lu，鄧經理話佢細細個時已經成日去玩，果度好舊，要拆左來起其他野咁話。未影相既姊妹真係要快手呢，如果唔係拆左就冇得影lu~

影完木馬，我地就o係入面既公園仔影相。詹Sir話之前打風，呢度個公園仔既花仲多過士林官邸果d，話士林官邸d花打風吹luck哂喎~ 最後就行去摩天輪執邊影左幾張相就走人，摩天輪唔洗入去影架，可以慳番d錢~

之後搭番Taxi番「薇薇」轉妝換衫，拎埋其他野就出發去其他地方lu~

P.S.我地book左帶青靖出街，但坐果架只係Taxi，唔係7人車~ 架車個車尾冇車尾箱，但就變左一個座位+少量位置for擺影相用具+衫咁，青靖就係全程屈坐o係個咁狹窄既位度，真係辛苦哂佢呢~ 全日我地大約用左10個鐘頭車，司機叔叔應該比左折我地，租車費淨係收我地NT$3500咋~

2.打鞦韆條小溪 + 湖

番到「薇薇」青靖好快手咁幫我轉妝轉髮型，我換左套紅色晚裝出去~

搭左大約40分鐘車左右，就到左影湖邊打鞦韆既地方。助手Harry同我地講，果度個瀑布叫「聖人瀑布」(唔知我普通話有冇聽錯呀~)原本想影埋上面個瀑布，但詹Sir話呢幾日落雨，小溪既水位比較高，我地要行過條小溪先過到去上面既瀑布，怕我地一個唔覺意sin腳跌落水就會好危險，所以叫我地放棄唔好去呢~

雖然冇得影瀑布，但都可以影到我想影既小溪、湖中打鞦韆，我地都好滿足呢！

由於我地去到時有另外一pair新人o係度影緊小溪，所以我地要o係度等，等佢地影完籐空個位我地先有得影~ 就o係呢個等「埋位」既時候比蚊咬左好幾啖！好彩青靖勁細心帶左止痕膏出來，茶左先冇咁痕咋！所以姊妹們幾得帶埋蚊怕水去呀！仲要最好帶埋對靚靚平低拖鞋去，方便行d又濕又污糟既泥路~

小溪d水好清涼，雖然多數時間係坐o係石頭上面影相，但個身都會濕哂，有d涷呢~ 詹Sir原本想叫我地訓o係d溪水上影相，但就怕我地會涷親感冒所以冇嗌我地咁做。唉呀，佢如果早d同我地講，我地一定會做呢，最緊要影出來靚丫嘛~

影完小溪又係要等，因為頭先pair人而家罷住個韆鞦影緊相......如果早一步到就唔洗徙哂d時間等「埋位」呢~

去影韆鞦時要先換上潛水著既靴，連詹Sir同Harry都要換，因為行去個湖度有d好滑既石頭，著左對鞋就可以防滑。詹Sir好好人呀，行去湖既途中要禽高禽低，佢全程陪住我，拉我上上落落，以防我跌親，佢自己條褲搞到濕哂都冇得替換，而助手Harry就負責睇住Jay。當日佢地除左做攝影師外，仲做埋body guard保護我地影相途中既安全添，所以全程我地都冇穿冇爛、平平安安~

影鞦韆呢個景一定會濕哂下半身，搞到我條裙尾好重，郁都郁唔到呢，所以多數高難度動作都係由Jay做~ 個鞦韆吊o係樹上真係幾穩陣，我地真係企o係上面都唔淋，好好玩！

影完相，詹Sir同Harry仲要收番個鞦韆落來先走得。原來個鞦韆係「薇薇」佢地架，每次影呢個景時要隨掛隨收。等我仲咁白癡o係度諗邊個咁好整個鞦韆o係度比人影婚紗相.....

離開小溪時我地全身濕哂，荒山野嶺又冇廁所換衫，但「薇薇」真係好pro！呢個時候司機叔叔拎左一個站立式帳幕出來，比我地捐入去換衫！個帳幕都可以企到兩個人架，我同青靖兩個人企o係裏面都夠位~ 好快手咁換左underwear(一定要每人帶多2條出去，濕左冇得換真係好唔舒服架！）同下一套衫 -- 淺藍色bell shape傘裙，之後就上車去下一個目的地 -- 萬里~

3.萬里希臘feel白色牌坊 + 風車

上車冇耐，詹sir就問我地兩個會唔會暈車浪?!原來由小溪去「萬里」果around 50分鐘路程，係會經過一段好長既山路，條路真係好似打機咁勁S勁彎，轉到我地頭都暈埋。但我地死都唔敢合埋眼訓覺，因為當日天氣好cloudy，成日落住雨，o係山上面仲勁大霧，能見度<5米，真係勁驚架車跌落山呢！

轉到頭暈眼花，終於到左「白色牌坊」啦！哈哈，但現場睇個牌坊都唔係好白，有d舊，可能影相出來唔多覺既~o係呢個景點影相，係要消費架，每人買杯野飲就得架啦，~$100台幣一杯左右啦，我地total買左6杯野飲，用左$600台幣~

呢度聚集左好多pair新人，「薇薇」當時仲好似total有3-4 pair人o係度影緊相添，所以都出現等「埋位」既情況，呢個時候就可以轉妝轉頭啦！我發覺原來詹Sir control時間好好呢，我聽到佢同青靖講仲有10分鐘，意思係佢剩低10分鐘可以幫我轉造型，避免我地浪費太多時間。詹Sir好似每個景點可以用幾多時間都計算在內，好pro呢！

我地帶左好多小道具，帽呀、風車、花花果d，o係呢度就全部拎哂出來影喇~ 雖然冇藍天白雲，但加左呢d小道工，我地d相睇落起碼唔會咁「灰色」丫嘛~

臨離開風車上車前，青靖帶我去換衫，換衫既地點原來係o係個風車入面，哈哈，好搞笑~ 今次就換上紫色既娃娃裙，轉埋髮型，就上車前往下個目的地 --「轉角遇到愛」果面colourful牆壁~

4.「轉角遇到愛」Colourful牆壁

上車冇耐就落車，話咁快就到左呢面牆，牆既顏色真係好sharp、好靚，岩哂天氣唔好既時候影，等d相有番d顏色同開心既感覺！ 佢地叫呢個景點叫「轉角遇到愛」，話有套台劇o係呢度取過景喎~

5.野柳泥黃色石頭岸邊

影完「轉角遇到愛」後，上車冇耐就到左野柳既石頭岸邊啦！我問青靖點解見唔到個「女王頭」，佢話入去「女王頭」果度要另外比入場費架，而且除左多左個頭外，就同我地而家個景差唔多，所以o係呢度唔洗錢影下就ok架啦！哈哈，太好啦，又慳番d錢！

我著住對high heel o係呢度都幾難行，一來落雨搞到d石頭好滑，二來石頭表面好斜，所以要詹Sir同Harry幫手扶住我先可以上上落落~ 詹Sir叫我坐o係d石頭上面，跟住露條肥腿出來......我試左好幾次先坐得穩，因為d石頭好斜，個人會sir落下面，好難hold住個pose又平衡到~

原本影完石岸會去路經既「出水口」影，但去到時落勁大雨，所以詹Sir都係建議我地skip左佢~ 嗚嗚，好失望呢！因為我地好鍾意呢個景點，見人地o係果度影拋花瓣既相好靚呢！

6.三芝Bossa Nova貝殼餐廳對出個海灘 

唔經唔覺，原來已經影到成3點鐘，我地仲未食飯添！真係辛苦哂「薇薇」既攝影團隊同司機叔叔呢~ 由於時間唔係好容許我地搵個地方坐低慢慢食，詹Sir就話去路經既7-11換衫轉造型，順便買個便當o係車上食。

由於會去海灘影相，詹Sir叫我轉白紗造型。o係我地換緊衫既時候，Harry已經好快手咁買哂我地既便當啦！我地堅持比番錢佢都唔肯收，真係多謝佢請我地食野呢！哈哈，o係車度拎住個飯盒食得津津有味，我地都係第一次咋~

4點鬆d，到左Bossa Nova，詹Sir「啦啦林」拉我地出去影相，因為佢怕會好快天黑！出面落緊雨，o係海邊冇遮冇掩，真係好鬼死涷呀！

咁既天氣，我都預左日落唔會有「鹹蛋王」影，但估唔到衰到落大雨啫！詹Sir同Harry唔顧自己身勢，陪我地一齊淋雨，我地都唔敢咁慢動作，盡量配合佢地既指示！

o係海灘好多高難度動作要做~ o係拉白紗扮漂逸時，連青靖都要過來幫手拉紗，佢都係一樣著得好單薄呢，真係哂辛苦佢呢！

雖然全日天氣都唔好，影相時都落住雨，但詹Sir都冇發過我地脾氣，更冇鬧過我地半句~ 係唯獨詹Sir示範左好幾次點樣將我抬上膊頭時，Jay都get唔到點做時，詹Sir先比較惡d！我地都知道佢唔係想鬧我地，只係有時佢做野比較心急啫~

除左我地影到訓哂落水外，詹Sir都一樣爬低o係水邊拎角度影相，佢都一樣成身濕哂。青靖仲將Jay件男禮外套讓左比我保暖，佢自己就比風吹......呢d都係令我地好感動既地方，我地覺得「薇薇」既攝影團隊真係用個心出來幫我地影相，當我地係朋友咁照顧我地~ 成個過程我地都好似去玩咁，好enjoy、好開心！(可惜「薇薇」其他服務人員既態度真係同佢地差天共地！所以影完後，我地只會多謝4個人：詹Sir、青靖、助手Harry同司機叔叔！其他人please Fuck off~)

玩到濕哂，涷死人呢，當然要換番件新晚裝啦！Bossa Nova真係專for新人來影相，樓上仲pro到有個化妝間同changing rooms添！化妝間仲有電掣，青靖仲帶埋風筒同電髮卷幫我set過哂個頭添~~~今次換上全日最後既一套晚裝 -- 銀色閃片旗袍款小拖尾裙~ 青靖話好似未見人著過，話可能係新架喎！

條裙心口開左個好大既窿，上圍細d都著得唔好睇~ 得30AA既我，幸得青靖既幫忙，先叫做有d「野」睇~真係唔敢想像如果我冇帶佢出去or帶左個男MUA出去會點......青靖o係我心口左zip右zip，加多兩個pad後，連Jay都「O」哂嘴！哈哈，呢$1500真係比得好值得~ 佢除左幫我轉造型外，仲幫我換衫、幫我整靚「咪咪」個shape，仲擔埋遮，直情係我地個褓姆咁~

換好衫都天黑lu，所以飲杯熱飲暖下身後，影埋玩煙花既相就要走人喇！

d煙花原來係冷涷煙花，即係d火花就算彈到我地都唔會熱、唔會燙傷，哈哈，Harry仲叫我地放隻手去比火燒，真係冇感覺架！最衰我同Jay身高差太遠，所以佢隻手比我長好多，用煙花畫左好多次都係唔圓，極其量都係似憜圓型~

P.S.去Bossa Nova影相，每人最少都要叫杯野飲，我地5個人total用左NT$900，我個人建議叫熱飲會好d，因為落水影完相咁涷，飲杯熱飲冇咁容易冷親~

7.「美人嶼」示範單位 -- 歐洲式建築

離開Bossa Nova到淡水都好快，15分鐘度就到啦！之前o係網上見過好多人去一度歐洲式建築影夜景，詹Sir話果度係樓盤「美人嶼」既示範單位，去影相都係唔收錢！又慳番呢~~~

但想去影相既姊妹要快手，鄧經理話幾個月後就會拆左果度來起樓架啦~

8.淡水情人橋

影完「美人嶼」就去附近既情人橋影相，好快咁去橋底影幾張就搞掂走人~ 去最後一個目的地 -- 圓山圓型光管行人隧道~

9.圓山圓型光管行人隧道

o係相入面睇覺得條隧道好似好型咁，原來去到現場睇又冇咁既感覺~ 不得不驚嘆攝影師既magic hands真係犀利！

o係呢度影相，詹Sir冇再要求我地一定要四萬咁口笑啦，可以cool cool地扮型影相~ 哈哈，對於影左成日相勁疲倦既我地來講，唔笑扮cool真係一份優差！

影到差不多9pm，我地終於完成全日既行程番到「薇薇」啦！真係好多謝攝影師詹Sir、助手Harry、造型師青靖既照顧！另外，亦要o係度多謝無名司機叔叔，佢真係好好笑容，又識講笑話，落雨時仲會拎遮比我地，又幫我擔遮！