旅遊資料 -- 台北酒店
由於今次機票係用Asia Miles換，淨係比機場tax就可以飛台灣，抵爆！我地揀左4/10搭夜機around 8pm到台北，5/10上晝搭高鐵去高雄。
o係台北stay果晚入住左間boutique hotel 「麗敦精緻旅店」，酒店o係捷運「芝山站」執邊(同「台北車站」相隔3個站)，出閘後行兩分鐘就到。房間有按摩浴池、歐洲feel既床，包早餐，價錢都係~ HKD$500/晚，都ok架！ 
我同Jay最鍾意佢地可以online booking(唔洗預先比錢、唔洗留credit card資料，淨係填名+email address果d basic資料，去到check-in先比錢/look card)。我地去過3-4次台北，個人覺得比起「東龍」、「一樂園」、「天成」呢d傳統酒店來講，「麗敦」既價錢差唔多，但質素比傳統酒店要好，第日如果大家去台北玩時可以考慮一下！
http://www.reedon-hotel.com/about_ch.php
一樂園同東龍簡直不知所謂，一樂園係我覺得最恐佈，點解？因為我最怕"小強"，佢地好多時仲要拍住拖同我一齊住，你去台北幾次，有無去"袖珍博物館" 參觀？值得一去架! 食冰同小籠包已經對我黎講無新意，我宜家發掘去主題餐廳，剛剛去完D.S Music Restaurant（醫院主題）唔錯，佢地集團同台日混血兒藝人Makiyo(曾經同羅志祥仲有歐漢聲拍拖)一齊係今年一月中開左間忍者主題餐廳，我四月會去試喇，其實十月找已經知，跟住去醫院餐廳，D"姑娘仔"介紹我聽一月十五日會開幕，佢地仲好驚訝，點解我呢個香港人一早已經知 (因為我話佢聽係Makiyo開果間)! 有機會下次去台北可以試試新意思!
回覆刪除