颱風「柯羅莎」登陸台灣，據說係百年來第四個登陸台灣既颱風(其他都係路經)，強度上已經到達各國颱風唔同等級分類上既最高標準，可以話係今年侵襲台灣既最強颱風！
全台灣經濟生產停頓，市民停工停課，街頭橫風橫雨，樹木倒塌，山泥傾瀉，死傷慘重~
我地揀10月去影相就係因為10月好少打風，點知「貴人出門招風雨」，咁罕見都比我地撞到...... 唉，真「黑仔」！ 
呢個颱風仲要奇奇怪怪，行得勁慢，郁下停下，中間仲變埋路線，搞到雨勢風勢持續強勁.......
我地呢兩日邊到都唔去得，唯有stay o係酒店喇~
房間名稱叫「碧海藍天」，面積都幾大，裝飾好有Bali feel。
有落紗既公主床，同Bali feel既横躺sofa。房裏面仲設有Karaoke，又有免費電影睇，所以打風果兩日先未至於悶死咋！
房裏竟然有個小花園~ 雖然面積好細，但總好過冇喇！
Bathing area分為3大區：Sit bath & massage area、雙人按摩浴缸同普通淋浴區~ 淨係沖涼都有排玩！
藤製梳裝枱~
「辦公」既地方都裝飾得幾靚丫！
沐浴用品勁齊備~ 連漱口水、牙線、洗面膏、makeup remover、Gel都有齊！！！
哈哈，o係梳裝枱發現左呢個盒，原來裏面收埋左d好「貼身」既野~
再望下床上面，有個禮物盒喎！拆開先知道係「震動T-back」，一條裝有震動器既T-back~ 果然係「汽車旅館」，真係渣架車入黎就得，乜都唔洗prepare~
房裏面有LCD電視同音響系統，間房勁隔音，半夜3點唱K，出面走廊一d聲都聽唔到~ 勁！！！
全間房既電器(TV、hi-fi、冷氣)同燈光，都可以用呢個black control控制哂，真係方便！
間房咁隔音除左係因為牆身特厚既關係外，仲有兩道房門，入左「大門」後，會有個小小area比我地除鞋，然後先進入通往房間既門。每朝早Model既職員會將早餐送到呢個area，放o係小桌上，然後就會靜靜咁離開，唔會disturb到我地！
Our breakfast~ 都幾精美丫！
早餐酒店包既就話送到上房門口啫，Lunch同Dinner都唔包，打落服務台一問先知間Motel原來冇餐廳架！
我地冇理由成日唔食野架嘛，唯有冒住生命危險出去「搵食」喇！
雖然帶左遮出去，但一開就「反遮」，所以我地由得雨淋就算！漫無目的咁o係街上走，終於比我地搵到「緊有一間o係附近」既7-11喇！！！ 
從未試過o係7-11「豪買」，我地掃左成NT $973野飲野食，再亡命奔跑番酒店~
7-11既戰利品~ 有杯麵、義美蛋糕、布丁、飲品、零食同埋「我的美麗日記」mask~
當「食」既問題解決左後，我地開始擔心咁既天氣能唔能夠如期影相......
沒有留言:
張貼留言