Langkawi 自駕島遊之旅 (Day 3 - Part E)

o係第一站搭多5分鐘纜車就來到o係Mat Cincang Mountain山頂既總站喇！

o係山頂望番落山，遠到搵唔番我地上車既Oriental Village~

要去總站既觀景台必先要登上呢度N咁多級既樓梯先，行到我地索哂氣......

上到去會見到觀景台同「打對台」既小食亭~

再行多幾級，上埋觀景台就成功「攻頂」喇！

嘩哈哈，幾經辛苦終於來到710米高既山頂喇！！！

o係度望落去周圍既風景好靚，可以望哂成個Andaman Sea~

哈哈，條Curve Hanging Bridge好似笑緊咁~

o係總站側邊有條小路，行大約5分鐘就可以落到去到Curve Hanging Bridge (空中觀景大橋) -- 一條長125m既C形大橋，橫誇兩個山頭，半天吊o係空中~

o係Curve Hanging Bridge望番上山頂站~

初時以為條橋好窄，但原來唔係架，打橫可以平排企到3個人，咁都冇咁驚~

就咁行真係冇野好驚，但如果o係欄邊「裝」落去就會嚇到腳震，因為條橋真係離地好高架！

哈哈，又試發揮我地既癲傻本色，o係條橋壓腿兼喪跳~

We are surrounded by tropical rain forest,nice scene~

條橋唔係好長，得125m，話咁快就由橋頭行到去橋尾~

行完Hanging Bridge後就搭cable car直落番Oriental Village，o係纜車上遠眺到「Seven Well Waterfall」，都唔係咁澎湃啫，所以我地冇特登再行去果度遊覽~

o係Cable Car站隔離有個「Animal Farm」，裏面養左d鹿仔、兔仔，可以比遊客近距離接觸佢地，最重要係free entrance，唔洗比錢就有得同d鹿仔玩！

我比左RM $1買左包dried animal food，有隻為食鹿超搞笑，見我拎住包野就係咁跟住我，「lur」我請佢食野~

喂完「為食鹿」，我地先醒起自己食完早餐後到而家都冇野落過肚......行過見到檔賣小食既攤檔好多人幫襯，我地就襯熱鬧走埋去八下係d乜?!

原來檔野賣既係炸香蕉，初時我地心諗：「cher，炸香蕉有乜咁特別喎，都係留番個肚食d好味既野啦！」呢個時候老闆送左塊炸香蕉比我食，哈哈，唔洗錢有得試食，我緊係唔執輸啦！

試左一啖，我直情好似細個時睇「味吉陽一」套卡通片咁，有種好味到想飛既感覺~呢味炸皇帝蕉直情係其中一種人間美食，好味到難以形容！最重要係價錢超平，RM $2就有7塊！(老闆送我一塊試食，再另外送多2塊比我，total有成10塊呢~)就係呢檔炸皇帝蕉，大家去到記得買來食呀！

o係Oriental Village留到4:45pm左右，我地又再渣車向下一站 -- Pasir Hitam (Black Sand Beach)進發啦~