晏晝1點幾上機，先飛去台灣再轉機到Seattle，到Seattle既時間係當地1/6 晏晝12點幾。番到屋企第一件事係沖涼--->做facial--->訓番個靚覺！事關搭「中華」平就係平，但係全程都膽戰心驚，冇乜訓過~
講番過Seattle Custom時有件事令我勁激氣！個死鬼問我離開左US幾耐、for what purpose，我答佢我係番HK continue my nursing studies。佢跟住竟然問我有冇27歲??!!
佢都short short地架，雖然我電左髮啫，個樣邊有咁老呀！！！比佢激到眼都突埋！
尋晚搭夜機番香港，凌晨12:30am先番到屋企，沖完涼 + upload埋d相已經2am，訓覺前再「煲」埋本台北旅遊書，3am先訓覺~
1:30pm企身，再睇埋剩低果幾十頁旅遊書，就番碼頭搵Cyrus佢地傾行程，順手比埋d手信佢地~ 同Cyrus傾左1.5鐘，初步既行程已經plan好：
今日係Seoul之旅既last day，morning call at 9am唔算好早，但係尋晚執行李執到兩點幾，所以都唔係好夠訓！o係酒店食完早餐，就出發去今日唯一一站：明洞購物街 & 南大門 shopping去！
明洞好日本feel，果度有好多唔同品牌既舖頭，衫褲鞋襪既價錢同香港既都差唔多，所以我冇買到。主攻既依然係化妝品同護膚品~ 買左好多Etude唇彩做手信送比朋友仔，又買左Etude眼影、Mascura，收穫都幾豐富！
果度有好多The Face Shop，雖然冇買到野，但係就同左「誠俊哥」影相！
路過一間叫「Baskin Robbins」既雪糕店，之前聽d團友講話呢間雪糕店既雪糕好好味，買左兩個cones試下，真係幾得喎！由於今日冇包團體午餐，所以我地要自淘河包食lunch~
韓國人好鍾意食Pizza，周圍都係Pizza店，事但搵左間入去食，價錢compare with香港PizzaHut真係抵好多！一個2人set lunch 包括一個Pizza、一客意粉同兩杯Coke都只係$9900 WON (=$80 HK)咋！平到笑~
食完野就去行「南大門」，果度有d似香港既「女人街」，冇明洞咁高檔，所以我地都冇乜點行過就過番明洞果邊繼續shopping。
3pm就集合出發去仁川機場搭飛機番香港lu，話咁快就過左4日，so far都玩得幾開心，但係如果冇communication error with Korean，我諗會好玩好多，起碼講價都容易d，唔洗雞同鴨講丫~
臨走前同呢幾日既韓國「旅遊大使」影張相先~ 呢個女仔全程幫我地拎行李同影相，收入來源就係賣佢幫我地影既相，d相價錢好貴架，圍起成HKD $40/張，我地「係咁耳」幫襯佢買左少少~
有Rain來送機呢！Bye Bye Seoul~
行完商場5點幾，導遊又捉我地去食團體餐--石頭飯，岩岩先食完晏晝冇耐，真係唔係好食得落~ 但係個石頭飯出奇地好味，d飯蕉勁香，最終我都可以成個砵食哂！
食飽飽就出快去今日最last一個行程--樂天世界，Let's go！
樂天世界係個半室內遊樂場 + shopping mall，對睇開韓劇既香港人來講應該一d都唔陌生，因為呢度有「天國的階梯」既旋轉木馬同壁畫，又有「浪漫滿屋」既溜冰場~
我地買左Big 5套票，可以揀5個機動遊戲玩，但係尋日o係夢幻樂園玩完，而家都仲係唔係好敢玩機動遊戲~
1. 跳樓：樂天世界有兩部跳樓機，一部o係室外，有20幾層樓高，另一部o係室內，around 10層樓高。因為我唔敢玩室外果部，Paddy隔硬拉左我去排隊玩室內的...... 慘...... 跌落來果幾下離心力勁大，嚇到我個口都「O」埋，嗌唔出聲，
但係眼淚直流，真係人都癲！
2. 過山：又比Paddy「局」左去坐過山車...... 呢部過山車最恐怖既係會pass through a dark tunnel，o係黑麻麻既環境突然90度向下直插，嚇到心都離埋~
3. 玩水：同海洋公園果個「滑浪飛船」差唔多，坐住架船仔由高處滑落兩次，水花四濺，成身濕哂~ 爽！
可能係人老左既關係喇，玩左幾個刺激既機動遊戲後，心臟已經唔多負荷到，所以要停一停睇下循遊表演relax下~ 之後就出去outside再戰其他機動遊戲！
4. Fing下Fing下：剩低兩個quota，我決定呢次由我話事！我揀左玩「飛天鞦韆」，坐o係個鞦韆上係咁轉，雙腳好free咁fing下fing下，so cool！
玩完「飛天鞦韆」行過隔離睇人玩瘋狂跳樓機，見住d人within 1 sec由20幾層樓跌落來，齋睇已經勁驚，唔好講話叫我玩丫！
望一望錶9:30pm，有激光show睇，係樂天世界既賣點之一。整個激光show大約25分鐘左右，開頭就覺得幾新奇、幾好睇，但係射來射去都係「三福屁」，越睇越悶......
5. 漂下漂下：坐高空輕氣球環遊樂天世界室內一個圈，大約10 mins，o係高空望落去，呢度真係幾靚~
10:15pm又要集合搭車番酒店，好唔想走呀！唔製呀，我仲未玩夠呀~
可能係太早食晚餐既親係，我地覺得個肚好餓呀！所以番酒店前，我地去左酒店附近既supermarket買宵夜食，路過街邊串燒店仲買左兩串食添！
