之後就去食晏，係團餐「人蔘燉雞」，幾好味，加埋d韓國燒酒一齊食仲正~ 起碼正宗過「大家樂」賣果d「大長蔘」喇！
飯後就去「東大門」shopping，果度d shopping mall好殘，有d似旺中，不過人流就冇咁多！d衫好靚、好潮，唔怪得呢度d韓妹個個都著得咁靚喇！但係我一件都冇買到，因為價錢幾貴，平均都要$150蚊HK一件，我韓文又唔掂，唔係好識講價~ 最後得Paddy有斬穫，買左兩件衫，但係講左價都唔算平($104HK及$120HK)，不過個款又幾靚既~
雖然呢度有得講價，但係韓國人就唔同中國人咁，佢地唔會「獅子開大口」一開價就係acceptable price既一倍，所以千祈唔好壓人一半價，如果唔係佢會以為你「運吉」！仲有，如果你開價太低，佢會即刻唔彩你，唔同深圳果d會追出來ler住你~
第四個行程就去「戰爭紀念館」，果度有好多戰時用既飛機、大炮、坦克車，謀殺左我地唔少菲林~
果度仲有「太極旗飄揚」果對悲慘兄弟既像添！
第五個行程係梨泰園Laneign專門店，入到去我o係咁禁計數機計rate，因為好多朋友仔叫我幫佢地入貨。買左N咁多支Water Bank Essence、Make-up base、Eye and Lips Remover、Sleeping Pack...... 總共買左$2000幾蚊HK，瘋狂購物~
行番去旅遊巴途中見到有小食攤，買左兩款小食。一種係韓式煎餃($1000 WON=$8 HK)，另一種係類似蛋治既小食($1500 WON=$12 HK)，有兩塊麵包，中間有煎蛋，加埋d唔知乜野醬同茄汁食，勁好味~
最後就係食團餐dinner「韓式燒烤」，d款式多到丫...... 有豬肉、豬肉、豬肉同豬肉...... 間野d抽風系統又差喎，搞到我食完成身煙味！一句講哂，呢餐係垃圾！
食完晚飯起程番酒店，o係酒店對面間7-11買左幾款唔同口味既奶同埋壽司番去做宵夜~ 盒士多啤梨味奶超好味呀！！！呢團唔洗晚晚換酒店，全程stay o係同一間酒店，間房都算ok，有一張雙人床 + 一張單人床！沖完涼頭未乾已經仆左上床訓著左lu~
P.S.酒店房TV下面有部咁既野~ 有乜用?! 你試下入錢咪知囉！總之兒童不宜啦！
沒有留言:
張貼留言