Seoul 韓劇景點追蹤之旅 (Day 2 - Part B)

下一個行程就係「南山公園」~ 呢度係好多旅行團既指定行程，但係都乜野睇既，淨係可以遠眺座「南山塔」，徙哂我地d搭車時間！

跟住既行程係去「南山韓屋村」，又係冇乜特別，得幾間古老建築物連埋一齊，有d似大長今宮廷背景果d屋咁，影左幾張影就已經想走人！

上圖：與導遊哥哥Ivan合照in front of 許願井

出番去正門果度見到有兩、三檔賣小食既攤，買左一包紅豆餅($500 WON)同韓式波板糖($500 WON)食~

今日最後一個行程係「木洞明牌街」~ cher...... 條街d野都唔係好明牌啫， (可能係我唔識韓國當地既明牌喇）我完全冇購買慾~

我都係對d街頭小食有興趣d，用$2000 WON(=16HK)買左盒韓式餃子食，幾好味架！

夜晚食完餐團體餐--秘製烤排骨同豚肉煱就番酒店休息~

烤排骨既料又係勁多，都係豬肉、豬肉、豬肉同豬肉！

導遊終於肯話比我地聽點解呢度淨係得豬肉食，原來牛肉o係呢度好貴，一般家庭要有成員生日先會食一次~

哇！突然好慶幸自己係香港人，

因為我係一個「無牛肉不歡」既人，真係唔敢想像冇牛肉食既日子呀~ 韓國人真係可憐！！！