Seoul 韓劇景點追蹤之旅 (Day 1 - Part A)

搭23/5晚凌晨12:30am機出發去Seoul，夜晚10pm就去到機場集合。成日冇訓過，上到機又係冇訓過，可能係去旅行心情excited既關係掛，

去到漢城可能會勁眼訓！

到達漢城既時間係當地早上5am，即係香港半夜4am(漢城快香港一個鐘)，開始出現疲態~

過左海關後第一件事就係換錢，$4000港紙換到$498640 WON！！！

我成世女都未拎過成五十萬出街，真係好high！

o係便利店買左支水，誠為$1200 WON(大約$9.6HK)。哇，買支水都可以「豪」千幾蚊，好爽呀！

6am左右上旅遊巴，開始今日第一個行程：24小時開門既「華克山莊賭場」~

o係旅遊巴行駛其間訓左陣、回一回氣，但係個人仲係好眼訓、好疲倦~

導遊話呢個賭場只要換$30000 WON(大約$240HK)泥碼就會送個key ring，一場來到就唱左$30000玩下。

P.S.泥碼同一般籌碼唔同，一定要玩哂，唔可以對番錢。當你嬴左時，佢會比番可以換錢既籌碼你

一向入賭場會嬴錢既我，今日唔知係咪精神狀態唔好，竟然輸哂！！！

但係其他團友個個都有斬穫，嗚......唔製呀！

第二個行程係去我最想去既「MBC大長今主題公園」，即刻醒神哂！！！

原來呢個拍攝場地都幾細，不得不佩服導演既鬼斧神工，竟然可以拍到個皇宮咁大、咁靚~

o係個拍攝場地勁影相，仲可以著住長今套醫女衫影相($5000 WON=$46HK)，真係好好好開心呀！

可惜跟團就有一樣唔好，要限住時間走，行左50 mins就要走人，我都仲未影夠......