台灣婚紗攝影之旅 (Day 5)

今朝5點幾已經要起身準備出門口，6am王經理好準時來到Motel樓下接我地~ 落到樓下，雖然冇落雨，但個天仲未完全光哂，所以好難分辦今日既天氣狀況係好定壞~

時間尚早，王經理先車我地去食早餐~ 唔洗問，呢餐又係free的~

去左間叫「內湖來來豆漿」既舖頭食早餐，最鍾意果度d豆漿，超香豆味！

食飽飽後就要坐成粒鐘車去位於屏東既婚紗舖~ 去到NY既時候大約8am，但化妝小姐已經o係舖頭等緊我化妝呢！真係超早呀~o係呢個時候，王經理就忙於打電話問外景地點既天氣情況，街外天灰灰咁，我諗其他地方天氣都唔好得去邊......

果然如我所料，外景地點既天氣真係麻麻~王經理好serious咁問我地仲會唔會有多一日可以stay o係高雄呢邊，如果可以的話，今日就改為淨係拍室內景，等聽日同後日天氣好d再去拍外景！否則的話，我地就要冒住落大雨既風險出去影相~最重要既係影多1日係唔會加我地錢！

我地計過11/10先需要番到台北去「薇薇」試衫，所以今日影室內，9-10/10影外景，同日夜晚揀埋相的話應該可行，所以我地就決定o係高雄stay多一晚，希望之後呢兩日真係會好天喇！

大約9:30am化好妝、set好頭，先影純色背景婚紗look~

之後就換上銀色evening gown o係NY橦building裏面周圍影下~

影到點零鐘就開始「放飯」喇！肚餓到爆呢~NY d職員帶左我地去舖頭附近既食肆食lunch，叫左好多野食呀！我最鍾意既係鴨肉同碗牛肉麵~

食飽飽後又「開工」繼續影相！今次轉左個爆炸頭look~

影完相後，王經理車我地去高雄「夢時代」行街街~ 「夢時代」真係好大呀，但d舖頭冇乜特別，賣既produces香港都有，所以我地都冇乜「收穫」。

到左食Dinner既時候，醒起王經理之前向我地推介來高雄MUST TRY既「Tasty西堤牛排」，於是就跳左上Taxi向「Tasty」進發~ 我地唔知道實際地址係邊，淨係記得「Tasty」係o係「中山二路」，所以唯有叫司機叔叔o係呢條路上兜下，撞下彩數睇下搵唔搵到~

好在「皇天不負有心人」，at the end都比我地o係路邊見到間「Tasty」~ 去到諗住食得喇，點知Reception個姐姐問我地有冇pre-booking seats?！我地係遊客，當然冇喇！好在我地早到，around 6pm去到，Reception姐姐可能覺得我地食完走既時候尚早，所以都比我地照入~如果晏d先食就要pre-book喇！(朋友Cyrus聽完我今次旅程既sharing，特登去高雄「Tasty」食飯，就係因為冇pre-book所以白行一趟！)

高雄「Tasty西堤牛排」

地址：高雄市中山二路472號2F

電話：(07)282-0712

講番點解王經理極力推介我地來「Tasty」食飯，佢話呢度價錢平，但又可以食到8道菜既扒餐，仲要服務超好，好多當地人都好鍾意來呢間餐廳食飯咁話！

去到「Tasty」覺得環境比香港既「椰林閣」靚少少，係普通西餐廳格局。一坐低waiter就比左個menu我地睇，發現8道菜既價錢真係超抵！！！Only NT $499/person + 10% service charges，即係港幣$138左右，o係香港咁既價錢一定食唔到呢！但呢度點菜既選擇都幾少，每道菜都有fixed choices to choose of！

1. Appetizer：鮮蝦蘆筍

2. 前菜 (2選1)：烤焗蘑菇+方塊麵包、意式牛肉薄餅

3. Salad (4選1)：鮮蝦洋芋沙律、時鮮水果沙律、蘿美生菜沙律、檸檬芥末海鮮卷

4. Soup (4選1)：意式海鮮清湯、清燉牛肉湯、杏鮑菇南瓜濃湯、海鮮蔬菜濃湯

5. Sorbet

6. Main Course (9選1)：Tasty酥烤牛排、Tasty原塊牛排、意式蒸烤牛排、南極冰魚排、法式烤雞、意式香烤羊肋排、西西里海陸雙拼(牛+海鮮)、法式鴨胸、歐式烤豬腳

7. Dessert (3選1)：法式三風味、香榭奶酪、巧克力袋冰淇淋

8. Drinks (12選1)

冇得揀，每人一碟既Appetizer -- 鮮蝦蘆筍，點左d芥末醬食又幾好味喎~

我地兩個叫左唔同既前菜來試下，我點左「烤焗蘑菇+方塊麵包」，Jay就揀左「意式牛肉薄餅」~ 個人比較鍾意「烤焗蘑菇」多d，超香！點埋麵包一齊食就最perfect！

大大兜既「蘿美生菜沙律」，多到我地兩個都食唔哂！哈哈，Jay揀既「時鮮水果沙律」相比下就比較「搵笨」左d~

我揀既「杏鮑菇南瓜濃湯」超正！！！好香南瓜味，飲落去又有好濃、好足料既口感~

Jay揀左「清燉牛肉湯」，真係好似乜料都冇，好清下喎......

佢地d飲品都ok架，幾好味！

飲完湯後就來左杯細細杯既野飲叫做Sorbet，有d似益力多冰沙既味道。Waitress話作用係用來中和之前幾道菜既味道，然後先再食牛排會好d喎！

Jay點既「蒸烤牛排」，真係幾得喎！好好味~

點知我既「Tasty原塊牛排」原來仲掂！

最後就送上Dessert「巧克力袋冰淇淋」同「法式三風味」，味道都ok架！

o係呢度不得不讚下「Tasty」既服務質素真係好好！ Waiters/Waitresses有禮貌不特止，仲會o係點菜時解釋清楚每道菜既味道同口感比你知，唔會話「濛濛o下」最後點左樣唔岩口味既菜式！另外，佢地每次上下一道菜都係同步既，即係話你既朋友未食完之前一道菜，佢地係唔會上下一個dish比你住，一定係大家同步食每一個dish~

見佢地服務咁好，諗住比多d tips喇~ 點知原來佢地係唔收Tips架，「加一」就算係tips來架喇~ 真係好抵食呀！

食飽飽後就搭Taxi番Motel休息，聽朝又係要5點幾起身影外景呢~