Taipei 老友鬼鬼之旅 (Day 3 - Part B)

番兜「西門町」

等到d雨細左d，我地就行去搭捷運，去我地既最後一個景點：「番兜」西門町(因為尋晚太夜去，好多舖頭都閂哂，所以今日臨走前再去多一次)。

(上圖) sexy MTR tickets~

(上圖) 捷運既廁所有「M巾」賣，好好呢！

一出捷運「西門站」，已經見到周圍都係人，好熱鬧，有d似旺角~

撞岩今日係禮拜日，仲有歌聲表演睇添！

不過係d新人，聽都未聽過，睇左陣就「冇隱」唔睇lu~

我地4個女仔o係大街上一齊影合照，點知有個日本阿伯走來同我地講：「Beautiful Girl！」哈哈，Tum得我地鬼咁開心！

之後Yen、Cyrus同我就「貢」左入去The Face Shop，買左d好平既make-up products。Shopping完後，我地既台幣都洗得7788，剩番既淨係夠我地搭車咋！

因為驚去機場既「飛狗巴士」會塞車，所以我地決定提早2:30pm番酒店拎行李去機楊。

台灣再見喇！

番到酒店拎埋行李就搭最後一程的士去「飛狗巴士站」。今次終於比我搭到靚靚的士喇！

柚木車身、真皮梳化、仲有mini電視睇添！

「飛狗」巴士途經「圓山大飯店」，遠望真係好宏偉、好靚，唔怪之得呢間酒店會係一個景點喇！

唔洗半個鐘就到台北中正機場喇，真係快！

將行李寄倉後仲有大把時間剩，於是去左機場既「美食廣場」 食野！話就話係「美食廣場」，但係果度水靜河飛，d裝修又......

只可以講句：香港d屋村廣場都靚過佢！o係果度食下、講下、笑下，咁就夠鐘入閘上機喇！

由於航班delay左，所以8:30pm先番到香港！

今次同一班老友去台北自遊行真係好好玩呀！

愛上了一大班人「盲鐘鐘」既自遊行旅行方式！

Taipei 老友鬼鬼之旅 (Day 3 - Part A)

尋晚勁夜訓，今朝早又要7點幾企身......

為既係早d去到「鼎泰豐」，避開d「鴨仔團」高峰期(因為好多台灣旅行團行程都包括食「鼎泰豐」小籠包，遲去又要排隊、又迫)。

台灣既檳榔好出名(可能係檳榔西斯出名d)，來到台灣冇理由唔試下既！

咁岩酒店隔離有個「檳榔站」有得買檳榔，雖然文哥話好難食，但係我同Cyrus一於少理，點都要買包來試下！

我地同老闆講話我地唔識食，點知老闆勁串咁講左句：「不懂吃就不要買喇！」......

但係佢最後都「係咁E」教左我地點食：第一啖咬下去，口水不要吞，吐出來，打後既先一路嚼、一路吞。

我同Cyrus膽粗粗咁將粒檳榔放入口，嚼兩下已經覺得難食到想嘔！

但係我堅持嚼左幾下，最後都係give up，吐哂出來！

真係唔明檳榔有乜咁好食??? 唔通望住個檳榔西斯食會唔同味d???

一嘗永康街的「冰火」

火：「鼎泰豐」飲啖茶、食個包

由於冇車可以一程到「鼎泰豐」總店，所以我地先搭捷運去到「忠孝新生」站落車，再轉乘的士去果度。

我地有7個人咁多，要分兩架的士。Cyrus、文哥、Candy和我同車，唔洗5分鐘就到左喇！但係等左十幾分鐘Yen佢地架車仲未到喎......

原來個的士司機車左佢地去分店，仲厄佢地話果間係總店添，真係無良！

搞到後尾佢地要搭的士join番我地。

今日適逢星期日，可以一試淨係禮拜日朝早先出籠既「小籠湯包」，細細個、易入口，又唔滯喎！

來到「鼎泰豐」為既當然係一嘗佢最出名既小籠包喇！味道唔錯，只不過略嫌d湯少左d啫，如果多d包汁會更鮮甜！

雖然我地有7個人咁多，但係都唔係叫左好多野食，淨係叫左兩籠「小籠湯包」 + 兩籠小籠包。不過呢度既service真係一流，

d waitress不單止冇「白鴿」我地，仲好樂意幫我地影合照，走時仲stop哂手頭上既工作，個個90度方我地掬躬、同我地講：「謝謝光臨，慢走。」

對比o係上海同樣以小籠包出名既「南翔小籠包」，「鼎泰豐」既service好不知幾多倍，比錢都比得開心d~

行落「鼎泰豐」既樓梯，竟然迎面見到兩個中學同學喎！

來到台灣咁遠都比我地撞到，當然要影番幾張相留念喇！

冰：冰館Cool down~

食完熱辣辣既小籠包，行去街尾既Ice Monster(冰館)再食果度勁出名既刨冰~

果度開11點，我地10點幾去到仲未有得食，唯有搵個位坐低等佢開門喇~ 點知未夠11am已經好多人來排隊幫親，

睇來呢度既刨冰真係好出名喎，好彩我地早到先有位座咋！

我地叫左3款刨冰：芒果牛奶冰、雜果牛奶冰同埋熱情果芭菲。款款刨冰既賣相都好靚，

淨係睇到個樣已經叫我地食指大動喇！當中以「芒果牛奶冰」最得我地心，咁大個女從未食過咁好味既刨冰架！

逛101大樓

「冰火」完後，就去下一個景點：101大樓。101大樓同「鼎泰豐」只係一條直路，搭的士去都只係5分鐘就到喇！

本來諗住「到此一遊」影幾張相就走，點知突然落起大雨，

所以局住係果度既shopping mall行左陣。d野compare with香港既貴d，所以我地乜都冇買到。