淡水「爆、爆、爆」之夜
由於我地太「me more」，所以當我地搭捷運到達淡水時天已經黑齊lu，冇得睇日落添！
我地先去台灣既「生活工場」(有d似日本既無印良品)，買左d沐浴用品比朋友仔做手信。Shopping完後就搵個地方「醫肚」，由於我地實在太餓，所以求其搵左間食店食飯。
由於我地一行7人，一張檯坐唔哂，所以我地一齊「甲手甲腳」拍埋兩張檯，點知......
--> 淡水黑店第一「爆」
「砰」一聲！其中一張檯既玻璃竟然碎哂，「爆」到一地都係！
我地雙安無事咁食野(d野好難食)，
臨走時聽到舖頭出面條街好嘈，喇叭播住好大聲既「o的 o打」聲，我地走出去睇下發生乜事喇，
成隊「o的o打」車團個feel都好terrible，係得呢隻雞雞比較正常~
問當地人先得知今日係佢地既「清水節」，我地以為即係我地香港既端午節(因為今日咁岩係香港端午節正日)，只係叫法唔同啫~ 但係慢慢先知道完全係兩樣野黎架！
--> 街上滿天「爆」
車隊既「o的 o打」聲聽到我地有d煩躁，所以我地潮住車隊既相反方向行番去大街果邊，沿途見到有人「點」煙花，「砰」一聲，一個又一個好靚既煙花o係夜空上出現，好靚呀！
--> 狼牙棒接力「爆」
行下行下，行番去捷運站大馬路兩旁，果度人頭湧湧，濟滿哂行人，隨住音樂聲響離遠望去，有一大隊巡遊隊伍 + 車來緊~
遊行隊伍慢慢靠近，但係d音樂聲又係d「o的 o打」聲......
突然見到巡遊隊伍中有個男人冇著上身衫，係咁用支滿哂刺既狼牙棒係咁「bob」自己個頭，「bod」到血流滿面，仲一邊跳一邊「bod」添！
過左冇幾耐就有一大隊人抬住一架大size既橋車經過，上面「坐」住個黑面長髮既神像(唔知點解望落會令人心寒)，
話口未完，架「失控橋車」已經來到我地面前，我地勁驚「喇喇聲」向後移......
個男人被撞到跌左落地，架電單車仲壓住佢隻腳，
之前果兩個「神打佬」都未算最驚嚇，跟住行緊過來果個，如果你睇到，一定會發惡夢(Yen就係因為睇左所以發惡夢)！
唔睇喇！
--> Road Show
步向海濱長堤，慢慢傳來悅耳既吉他聲同歌聲，原來果度附近有幾檔街頭表演，歌手會自彈自唱，如果你賞識佢地既performance可以投入10元8塊落佢地個吉他盒度。
我地企左o係度聽左陣，d歌手so far唱live都幾掂、幾好聽，好想跟住拍子拍手~
--> 尋找「阿婆鐵蛋」巧遇Dom Dom扭蛋
原本我地plan左淡水之行既target係睇日落 + 買阿婆鐵蛋，但係遲左入去冇得睇日落~ What a pity！
沿途途經一條大街，有好多舖頭仔：賣衫既、賣make up既、賣小食既....... 我地買左塊好大、好新鮮既燒油魚NT $50 (我對海鮮敏感所以冇食到，但係佢地就話好好味)、好長既雪糕同埋珍珠奶茶~
一路食一路向前行，又比我地發現「Condom World」既分店喎！門口有架扭蛋機，蛋蛋入面裝左Dom Dom，勁搞野！
最搞笑既係老闆竟然係一對公公同嬸嬸
哈哈，行前d見到間藥房個名好搞笑 -- 「震旦藥局」~
再向前走就見到「搜奇館」，館內放置左好多古靈精怪既野，不過要比入場費先可以入去睇，所以我地冇入到去。不過淨係o係門口玩下蛇已經夠過隱，仲可以可以免費攬住條大網蛇影相添！
玩完蛇後就繼續尋找「阿婆」，經過9曲13彎後，終於比我地搵到喇！但係賣鐵蛋既老細唔係阿婆，係個阿叔，
正當我地同老細一齊拍照留念時，「o的 o打」聲又coming！！！
--> 「o的 o打」聲中觀「紅樓」
我地以最快既速度行上樓梯，
行左幾十級樓梯，出哂汗先上到來紅樓，但係夜晚呢度冇乜光，對比起我地睇旅遊書既相片，真係差左幾皮~
沿住海濱長堤行番去淡水捷運站，趕車番落「西門町」去我地既下一個行程：阿宗麵線。海濱冇乜景睇，途中我地7個o係屯門碼頭長大既人都一致認同：屯門碼頭既日落一定比淡水既靚！因而覺得冇睇到呢度既日落都唔算好大損失啫~
踎住食阿宗麵線
旅遊書寫著位於西門町既「阿宗麵線」收11:30pm，我地由淡水搭捷運去到西門町站既時等已經係11:10pm！「喇喇聲」出閘跑上去搵下間舖頭o係邊，
「阿宗麵線」不設堂食，淨係做外賣，所以o係舖頭周圍踎街食麵既大有人在，我地都局住要半踎半坐咁o係路邊食埋碗麵~ 但係食第一啖已經大失所望！
最搞笑既係文文一路食、一路嗌辣，
誠品打書釘
食完麵線已經12am，大家仲想去位於「忠孝敦化站」既「誠品24 hr書店」打書釘。由於台北捷運收12am，正當大家諗住搭的士去「誠品」時，見到仲有人行去捷運站搭MTR，所以「喇喇聲」跑去買飛，再「喇喇聲」跑落個站度上車~
「誠品24 hr書店」好大、有幾層，售賣唔同類型既書種。雖然已經半夜12點幾，但係入面仲有好多人o係度「打書釘」，企住睇、坐o係樓梯睇、挨住牆睇......
零晨1點幾離開誠品，搭的士番酒店。
沒有留言:
張貼留言