士林夜市趣怪發現
士林夜市除左多美食外，仲有好多好funny既野架~
繼上海「動感剪髮」後又一「騎尼」發現 -- 立體停車場?！
Birkenstock中文名叫「勃肯足」，好似d壯陽藥名咁...... 入舖頭前都要除哂d鞋先，咁咪成地腳汗囉...... So disgusting~
哈哈，Yen's bf個頭一定係幫襯「亂剪」架啦~
周街都見到係男人都「搭糖」既林志玲~
夜市入面有好多呢d遊戲攤當，我地冇玩過，因為熱 + 低B + 徙錢~
都市叢林「鏈」車
由於我地食得太飽既關係，所以我地決定放棄再戰另一美食重鎮「鐵皮屋」(士林觀光市場)，轉移去玩下遊戲！我地去左「都市叢林」(士林一橦專玩遊戲既商場)玩~
「都市叢林」入面既遊戲中心冇乜特別，衰d講句香港「冒險樂園」好過佢多多聲，起碼d機都新d先啦~ 正當我地悶到想離開之際，發現底層原來有個「高卡車場」可以玩高卡車(即小型賽車)，價錢都acceptable：單座車$200台幣；雙座車$300台幣，可以兜成10個圈(around 5分鐘)，於是我地決定一齊「鏈」車~
我地總共出左5部車：我一部、Cyrus一部、文哥一部，火拚「大彬+Candy」同埋「Yen氏 couple」！果間舖頭仲提供免費影相 or 拍Video服務，只要比部DC/DV佢d職員就可以幫你拍低賽車中既精釆片段，Yen帶左DV去台灣，所以我地緊係要留住美好回憶啦！個老細仲好好人咁arrange我地包場(即成場比賽淨係得我地5部車玩)，等我地拍DV時唔會影到其他唔識既人~
點知...... 唔知邊度走左對唔知頭、唔知路既台灣情侶出來同我地同場玩...... 初頭我地都冇為意，係渣渣下車先發覺前面果兩條友係唔識既！老細當然唔知道佢地唔係our friends啦，所以拍video時又拍埋佢地，佢地仲要成日對住部video 「V」喎，真係吹漲~ 玩完停車果下，我地話比老細知，老細都打左個突，哈哈..... 真係搞笑呀！
玩賽車時我係最弱雞既一個，去到灣位例必踩break剎制，因為我驚轉唔切灣~ 呢個時間文哥總會Fung Fung聲咁係我執邊lead我圈，佢渣車真係好「狼」，同我架車車身相距5cm佢都可以照過唔驚撞，Yen同我都比佢嚇死！
玩到凌晨12點幾，大家都好倦，於是打道回府搭的士番酒店lu~ o係酒店樓下7-11買宵夜食，原來呢度7-11入面有DHC買，勁過香港7-11好多~
沒有留言:
張貼留言