尋日朝早9點幾先到香港，今朝9點幾又來到機場搭飛機去台灣~ 同大彬一齊搭巴士到機場，8:30am去到時其他團友(Yen、Yen's bf世傑、Cyrus、文哥、Candy)已經到齊，一齊check in入閘，開始我地3日既台北之旅喇！Let's Go！
哈哈，Cyrus也寄倉?!
10:25am起飛lu，心情勁興奮！去台灣既機程大約1小時20分鐘，仲快過我地由屯門搭車番Poly。由於我同佢地分開買機票，所以去程時要自己一個坐~ 佢地就顧住睇「精武家庭」，而我就掛住訓覺，因為我仲未適應到Seattle同HK既時差......
霎下眼就到台灣喇！一落機第一件事係排隊過Custom。冇諗過大家同樣係中國人，但係台灣人既working efficiency比起香港既慢N咁多倍！過關後就o係Arrival Hall等同一間旅行社買package既團友，一齊搭免費專車到酒店，車上有旅行社職員簡介台灣既好去處同提供換台幣服務。我主要帶左美金去，港幣得果幾百蚊，諗住旅行社架車有得換錢就冇o係機場money exchange換錢，點知開左車先知道個staff淨係accept港幣換台幣，一穫比佢Q起我，所以我淨係可以唱到$500港紙，激死人！好彩今日plan既行程都唔洗用好多錢，今日應該夠用既~
旅行社架專車只係車到我地間酒店附近，之後suppose我地行一段路去到我地落腳既酒店--第一大酒店。但係我地拎住咁多行李，台灣今日既天氣又熱、又焗(好似out緊落雨咁)，所以我地唔想行路去，選擇搭我地o係台灣既第一程的士去酒店！
由於我地一行7人，所以搭親的士都要分兩架，我同Cyrus、文哥一架車。出奇地個的士司機勁好傾，短短10分鐘路程同我地雞啄唔斷：一時介紹我地台灣有邊度買茶平、一時講下九份得一條街冇乜野睇，一時又講下士林夜市d野好好味...... 佢友善既服務態度令我地對台灣既first image好好！
到酒店大堂check in，我同大彬、Candy三個人一間房。上到房第一時間就係訓上張雙人床度下3個人夠唔夠位訓，好彩我地3個都好slim，所以一定夠位訓+轉身！
由於Yen遲過我地買package，所以佢間房同我地係分開book，冇得o係同一層樓(我地兩間房o係 4/F，佢o係10/F)。佢上到去就話間房好暗、個feel好恐怖，好想換房~ 咁岩Cyrus就嫌佢間房煙味大，所以就同Yen對調房訓喇！哈哈...... 我地都有上Yen間房度參觀，in fact佢間房幾靚，又唔係好似佢講到咁暗，都唔明佢驚d乜~ 等佢地兩pair人ready放低哂d行李後，3:30pm我地就正式開始今日既第一個行程 -- 北投浸溫泉~
北投浸溫泉
3:30pm就離開酒店行去「中山站」搭捷運(即台灣MTR)到「新北投」站浸溫泉，全程大約半個鐘。台灣d地鐵飛張張都印左唔同既pattern，好彩既話會抽到印左「幾米」畫既地鐵飛，好靚架！
4:30pm到站，開始去搵我地想去浸果間「水都溫泉會館」。以為有兩位「地圖王」文哥同大彬o係度就好快會搵到喇，點知我地竟然行錯左相反方向！唯有問下當地人去「水都」應該向邊邊走喇~ 果位大叔除左勁好人教我地點行之外，仲講左個旅行團唔會去既景點比我地知 -- 梁詠琪同金誠武拍「向左走、向右走」既噴水池花園(個公園叫「北投公園」！！！可算係意外收穫~
但係去到果個公園一睇...... 咁殘既...... 同o係電影睇到既差好遠~ 唔怪之得d人話d女明星上鏡同真係差好遠喇，估唔到d野經過camera後會靚左咁多！
沿途經過「北投溫泉博物館」，但我地冇時間入去睇呀~
我地間溫泉會館o係山頂，行到我地身水身汗！行左20分鐘左右，終於到喇！！！
原來間野做緊promotion，買4送1，每人比$315台幣就可以任浸3個鐘，勁抵浸！呢間溫泉會館分別有男湯(唔準著衫)、女湯(唔準著衫)、SPA池同露天風呂可以比我地任浸~
個女更室門口勁日本Feel，未入去更衣前我地4個女仔一齊影左張相~ 入面設備幾齊全，有化妝檯、風筒、乾衣機、hair gel、body cream、梳子等等，等我地浸完後可以執番靚個樣繼續今晚既行程~
哈哈...... 由於我地女仔都怕羞，所以我地冇浸到要剝光豬浸既「女湯」。先去「露天風呂」，果度望出去既風景幾靚、幾好feel~
「露天風呂」共有4個池，有兩個池：「白硫磺溫泉池」同「青硫磺溫泉池」d水勁熱，浸左陣間個人已經頭暈暈，所以我地轉戰去「SPA池區」。「SPA池區」都有好多細池比我地浸，我同Cyrus一齊玩「冰火」--浸下冷水池、再浸下熱水池、再入冷水池....... 由熱突然變凍果下勁high，由冷池去熱池浸時又唔覺得d水勁熱，好好玩！
浸左兩個鐘頭，浸到皺哂皮，又勁肚餓，於是決定離開，繼續去我地下一站 -- 地熱谷。點知溫泉會館staff話地熱谷5pm會close(佢講比我地聽時已經7:30pm)，所以冇得去lu...... 有d失望，但係賺左個「向左走、向右走」噴水池，當打個和啦！
沒有留言:
張貼留言