vanvan: Taipei 老友鬼鬼之旅 (Day 2

第二日朝早9點零企身，同大彬、Candy一齊落去食酒店breakfast buffet，d野食ok既，最正係我地罷左成個包箱食~

等埋果班懶訓豬企身，10am開始出發去今日既第一個行程：九份

班懶訓豬顧住訓覺連早餐都未食，好彩行去「中山站」途中路經McDonald，可以比佢地買野食醫肚。

原來台灣M記比香港貴，但係有d野食係我地香港冇架，最衰要留肚去九份食野啦，如果唔係就可以試下個「板烤米香堡」喇(個hamburger既包皮係飯焦整架)~

唔係阿嘛咁鬼易??? 壞車！

去九份搭車都幾麻煩，先要去「台北火車站」搭火車去「瑞芳」站，然後再轉搭往「金瓜車」方向既巴士...... 淨係睇都覺得麻煩！

戇居既我地竟然用$20台幣由「中山站」搭一個站去「台北火車站」(行去「中山站」既時間同行去「台北火車站」既差唔多)，徙哂d錢~

到「台北火車站」買火車飛去「瑞芳」站，我地o係部自動售票機前望左好耐都唔係好明應該點買，

於是捉住兩個台灣人來問，佢地話貴d果架「自強號」會快d到，所以我地就買左來回車票of「自強號」，誠為$144台幣，一d都唔平呀！

落到去月台，架車岩岩開左，結果我地要等成40分鐘先上到下一班車，

上車時已經成12pm lu~ 白癡既我一心諗住跑快d上去罷位喇，點知我地d飛係冇位坐架！(d台灣人一定會暗笑我傻......)

如果要有座位就要預先排隊買飛，撞岩假期既話就算我地尋日來買飛都未必有位座架~ 結果我地要局企一粒鐘！慘......

眼見架車係咁飛站(特快車會飛某d站唔停)，仲有兩個站就到「瑞芳」喇！點知架車越來越熱、越來越焗......

原來架車冇左冷氣，行行下連車箱既燈都熄埋添！

我地心諗：唔係咁「姑寒」丫嘛！比咁多錢搭車都冇冷氣！

可能係人多既關係，車箱又細，大家呼吸住同室既空氣，我地覺得呼吸困難，lack of oxygen~

等架車到「八堵」站(下一站就係「瑞芳」)我地見人地落車抖氣，我地又跟住落車呼吸下新鮮空氣先！但係月台既空氣都唔好得去邊，台北呢幾日「牛」緊落雨，周圍都又濕又焗，又冇風喎，搞到d空氣質素勁差！

仲有d煙民o係我地執邊係咁噴煙，我地寧可「喇喇林」開車快d到「瑞芳」~

點知等左成15 mins都仲唔開番車，見到兩、三個著住制服類似車長既物體，急急腳咁o係架車走左出去！

月台上就越來越多人聚集，可能大家都頂唔順冇冷氣既車箱掛！過左冇耐，聽到月台廣播話火車壞左！！！

而家我地向前行又唔得，想番轉頭又唔得！

局住o係個月台度乾曬~ 真係「衰開有條路」，無情情又落起大雨來~

唉...... 此時此刻只想講一個字：「屌！！！」

最離普既係廣播火車壞左後，有關方面就冇再作任何廣播，由得我地呢幾百個傻仔o係月台呆企！

最最最離普既就係d台灣人竟然好乖咁等，冇人起哄、冇人嘈過，好似呢d已經係「家常便飯」習慣哂咁~

換轉o係香港，d乘客實嘈到拆天，火車公司一定會有勁多廣播，立即安排接駁巴士比乘客，仲要寫番分詳細report解釋事故既原因，同運輸處處長解釋...... 唉...... 始終都係香港好！

呢個火車站勁殘，周圍都好似荒山野嶺咁，我地估計周圍要搵架的士都難，所以唯有「局」等！

等左差唔多一個鐘頭，終於再有廣播喇！！！內容係我地可以選擇退票或者搭另外一架新車去「瑞芳」。

我地跟隨住人流去到另外一個月台，o係呢度望出去係一番唔同既景像：出面係大街，有好多的士！

由於我地今日除左去九份外，仲要去埋淡水，為左唔想再徙時間等另外一班火車，我地「喇喇聲」去退票，再「砰砰聲」跳上的士大嗌：九份7-11旁有落~

早知出面咁「繁榮」有的士搭就唔洗o係個月台度呆等一個鐘喇！

手信重鎮九份

九份係一個山城，上山既路程中都幾多彎位，o係車窗望出去有種似曾相識既感覺 -- 有d似赤柱~ 大約20分鐘的士路程後，我地終於到達九份喇！！！

落車已經點幾兩點，勁肚餓！

「喇喇聲」番開梁望峰本旅遊書睇下有乜好介紹，書上面推薦既「舊道口牛肉麵」就o係我地前面，二話不說我地就衝左入去叫左6碗牛肉麵食~

書上講到：「這裡的牛肉麵是用獨特的中藥調製的，並特別加入冰糖和肉骨一起熬裝，入口絕無中藥苦味，麵爽口彈牙。」果然，牛肉麵既味道就如書上講既一樣好食！

除左牛肉麵外，舖入面仲有凍甜品食，我地叫左招牌甜品「芋圓豆花泡冰加薑汁」（芋圓有d似細size既湯圓，煙煙un un咁)

個名雖然係長左d，但係食落勁好味，一場黎到唔食牛肉麵都要試下呢個甜品呀~

食完麵咪趕住走呀，舖頭個露台望出去可以見到九份山下既景色，可以影埋張相先走！

行出牛肉麵店隔離已經有幾間舖頭賣芋圓box set ($50台幣一盒，可以拎番屋企自己煮糖水，個老闆娘話唔放入雪櫃可以keep到2日)，但係我地淨係試食冇買到~

由麵舖出去直行係一條直路，街道兩旁佈滿舖頭仔，賣既除左小食外，仲有中國特式既紀念品，有d似赤柱專厄鬼佬既souvenir shops。行過一間「李儀餅店」聞到陣陣餅香，造餅師傅用好純正既廣東話同我地講：「隨便試食」。

我地就唔客氣咁試左兩舊酥餅，唔試由自可，一試就忍唔住拎荷包出黎比錢買左幾盒番香港做手信，因為實在太太太好食喇！

果度有不同味道既酥餅，有綠/紅豆沙餅、太陽餅、魯肉酥、咖哩酥、芋頭酥、鳳梨酥..... 小妹差唔多每種口味都有試食過，隻隻都咁香、咁好味，所以買左3盒雜錦餅盒番香港做手信~

(師傅話唔放入雪櫃可以keep到5日，食前放微波爐去番「叮」下就食得。小妹番香港後番「叮」，食落仍有原本80%咁好味)

呢頭先買完d熱辣辣既餅，果頭Yen就叫我地去試食凍野 -- 脆梅(有d似果凍，中間真係包住粒梅)，老闆娘仲介紹我地除左凍食外，仲可以放入冰箱度雪，雪凍後食會有另一番風味~ 如是者我對手又拎多左兩盒野喇~

街道兩旁有好多賣小食既舖頭，我地一路行一路食，肥死呢~

印像最深刻既小食係一種叫 --「花生雪糕餅」既小食。老闆娘用個舊式「刨刨」係咁o係一舊大花生糖上面「刨」，d花生糖就會變成花生糖絲，跟住將佢地放落一塊薄餅皮上面，加兩舊芋頭味既雪糕同蔥(唔明點解要加蔥，但係加左真係好食d)，卷埋佢就完成喇~

呢件小食雖然幾大件，但係食落完全唔「滯」，如果唔係要留肚食其他野，食多幾件都仲得呀！

我另外仲買左「哈母太郎」造型既麥牙糖，仲有好多其他卡通人物架！

--> 漫遊Condom World

沿住條大街一路向上行，突然見到一個好sharp既廣告牌橦o係條樓梯度喎，行前一睇原來係「Condom World保險套世界」既九份分店。

呢間野o係台灣有好多分店，我地原本打算今晚去淡水時搵下佢既分店，而家見到就唔洗特燈去搵喇~

Condom World雖然舖仔細細，但係入面既Dom Dom真係好「搞鬼」、好得意，唔似得香港果d咁SM feel！

有好多creative既product，for example，passport Dom Dom(就咁睇同一本台灣護照完全冇分別，但係內裡係Dom Dom來架~)、Dom Dom護守、Dom Dom揮春、Dom Dom波板糖、Dom Dom 12星座...... 我地拎住部DV係咁影，「長毛」老闆不特止冇stop我地，仲好熱情咁介紹d product比我地聽添！