今日係我地旅程既最後一日，我地晏晝會搭5:40pm既機番香港，所以都仲有大半日o係高雄市閒逛~
臨走前再影下間咁特別既「外星人房」~
由於Cherry未去過全高雄最大既shopping mall「夢時代」，想去果度睇下個摩天輪，於是我地決定今日主要o係「夢時代」打戥~
由「華園」搭Taxi去「夢時代」唔算貴，NT $145 only~
去到「夢時代」第一時間衝上頂層尋找「Hello Kitty & Sanrio Friends摩天輪」！除左摩天輪外，頂層仲有其他小型機動遊戲玩，但size太mini，比較適合小朋友囉~
車箱外層有好多cartoon人物，但我地冇乜興趣坐，所以得個睇字！
突然比我發現到樣好似好好玩既game -- 高空彈床，價錢又唔貴NT $150，即刻買飛試玩！
初頭見d小朋友玩唔係彈到好高，以為唔驚喇，點知我玩完嚇到面都青埋！
因為個彈床o係「夢時代」頂層，彈高少少已經望到離地好遠，變相有個錯覺以為自己彈到好高，嗌到聲都沙埋，但真係超好玩！
未出發，先興奮~
開始前工作人員先幫我縛安全帶同彈簧弦o係我既腰部~
請留意我上半身係乜「渣拿」都冇架！
彈上去時冇野「渣手」，完全free falling，感覺超驚！
開始時先習慣下彈床既彈力~ 外人就咁睇以為唔係彈得好高，但其實係彈到兩層樓咁高架，加上彈床本身o係商場頂層，玩果個會以為自己離地好高！
哈哈，所以畫面中既我不斷尖叫~
工作人員跟住教我打筋斗，原來唔係睇咁容易，好難先成功番到一個圈~
o係半空打筋斗，個人完全唔受控制咁，好驚呀！
學哂d「基本功」後先真正「來料」，工作人員將全部既彈簧縛哂o係我條腰度。試諗下幾條彈簧已經有咁勁既彈力，全部加埋會點丫?！
呢穫真係驚到突然腳軟...... 話口未完，工作人員已經吊高左我，拉住我既彈簧，跟埋我一齊跳！加埋佢既彈力，將我彈到超高！
我死喇！！！
玩完驚險刺激既彈床後，要食番d野補補兼定下驚！求其搵左間日式餐廳開餐~
嗌左兩個定食，誠為NT $180和NT $160~
食飽飽就周圍行下，見到間賣公仔既舖頭堆滿哂人。原來間舖頭特別在可以揀公仔外殼，再自己入棉花，自製屬於自己既公仔~
見到有結婚熊bear bear，好想整番隻結婚果日用~ 但一問價錢即刻卻步...... 單隻已經成HKD $300，整齊一pair咪成6舊水！
行到晏晝3點零鐘，係時候出發去機場！
我地知道「夢時代」附近有高鐵站，搭高鐵可以去到機場，但問左幾個staff佢地都話冇免費shuttle bus往高鐵站......
我地都好doubt of佢地說話既真實性，因為呢個商場位置偏遠，如果不設shuttle bus真係搵鬼來咩！
但既然幾個都咁講，我地唯有得個信字，慢慢由商場行去附近既高鐵「凱旋站」喇~
行去「凱旋站」要成15分鐘，其間冇遮冇掩，哂到我地勁滴汗、成身濕哂！
點知...... 仆佢個臭街丫！
o係站既出口處見到一大班人排哂長龍等上車，再望清楚架車去邊度喇，原來係去「夢時代」既免費shuttle bus！
真係勁想爆粗鬧呃我地果幾個職員囉！點解要呃我地喎?！
躁爆兼成身濕哂既我地，落到去有冷氣既高鐵站先叫做冷靜番d~
由「凱旋站」往「高雄國際機場」好近，只係3個站既距離！
票價一d都唔貴，直達機場先係NT $20~ 而佢地既ticket係內含晶片既籌碼！
高鐵既車箱空間尚算乾淨闊落~
十零分鐘後已經到左「高雄國際機場」喇~ 相比起台北桃園機場，呢度好明顯冇咁煩忙，有時仲人影都冇隻添！
check-in前「喇喇聲」去「新東陽」買左手信先，咁就可以塞落喼度寄倉，唔洗自己拎餐死喇！
It's time for boarding~
又係難食飛機餐~
回程架機冇乜人搭，所以可以罷哂成行凳訓覺~
Cherry偷拍 -- Sleepy Van on the way to Hong Kong~
