尋晚番到「海邊二館」都成11pm，民宿老闆交帶今朝9am會來載我地番「Beach House」食早餐，跟住會去玩水上活動~
P.S.「Beach House」(海邊一館)同「海邊二館」雖然都係位處「南灣」，但「Beach House」對正南灣海灘，比較熱鬧；「二館」就比較偏僻，靜好多！
「海邊二館」o係公路旁邊，對面就係海，個環境都幾舒服！
「二館」以藍白色為主，滿有希臘風~
呢間就係我地住既「獨立觀海2人房」，對出仲有個小花園，好有家既感覺呀！
帶大家參觀下我地間房喇！房間裝飾一樣以藍白為主，有齊基本既設備~
o係房既大窗可以望到街景同大海，朝早o係度hea陣，感覺都幾舒服~
「Beach House」老闆好準時9am來接我地！佢係個黑黑實實、好大隻既叔叔，除左經營民宿外，仲身兼衝浪教練，性格豪爽，感覺比舅舅老實得多！
「Beach House」真係冇改錯名，成間民宿既佈置同擺設都好有海灘既感覺，一邊食早餐、一邊聽住bossa nova歌曲，感覺好有holiday mood~
哈哈，d衝浪板真係好大塊，高過我地好多！
我地既home-made早餐：鮮橙汁 + 厚toast + Salad~
食飽飽後，我地就換上泳衣，「Beach House」老闆叫左佢個朋友唔知乜哥帶我地去南灣海灘玩水上活動~ 我地揀左玩4合1 -- 香蕉船、甜甜圈、水上電單車、大力水手，玩齊4樣野先係NT $500咋！好抵玩呀~
阿唔知乜哥真係好黑呀！
一朝早已經有好多遊客來玩水上活動，成個沙灘都係人！
佢地呢度玩水上活動都幾注意安全，除左要著safety vest外，仲要帶埋個烏龜頭套！哈哈，搞到成個look勁白癡~
同另外兩個台灣女仔合照！佢地同我地一齊玩香蕉船同「大力水手」~
我地第一樣玩既係香蕉船~ 除左傳統咁fing來fing去外，最大既特色係架快艇會拖住我地出去睇下珊瑚礁先，再兜去附近既海域遊個圈，最後先開始玩！
上岸抖左陣，就玩「大力水手」喇！呢個game有好多種玩法，但都係一樣要用力「Mon」住唔好比隻野fing出去~ 可以「爬」o係度玩，亦可以打側坐，我地就揀左最正常、安全既方法：背脊挨住隻艇，對腳伸直坐~
呢個就係「甜甜圈」喇！我地個pat pat坐落去凹左個位度，由架快艇高速拖住我地出海。哈哈，玩既時候個pat pat凳到好痛呢！另外，急屎既話千祈唔好玩，真係可能會凳到「瀨」屎架~
最後坐左一陣水上電單車~
阿乜哥既安排都幾好，o係等既時候我地有野飲，又可以o係太陽傘下休息下，所以冇乜哂黑到~
玩左差唔多兩個鐘頭，之後阿乜哥就車我地番去「Beach House」沖涼，執番靚個樣~
沒有留言:
張貼留言