Cebu 碧波盪漾之旅 (Day 3) - Part B

船家既船租都算好抵，Peso $1500已經包括睇Dolphins、Island Hopping (去Balicasag Island同Virgin Island)，snorking mask則要每人另加Peso $100租。

初時我地諗住近近地o係岸邊游下、浮潛下就算，因為d水好清，應該都睇到好多魚仔。島上既艇家走來「嬲」我地，問我地想唔想坐艇仔出遠d，話可以睇多好多魚，開價Peso $200/person，包救生衣。

但我地租mask已經要另加Peso $100，如果又加Peso $200好似好唔抵咁~ 於是我地試下壓佢價，一壓就壓一半，Peso $100/person (~HKD $20)，包救生衣。

初時佢地都唔肯架，但我地調頭走唔show佢，佢又即刻say Yes喎！Yeah,又成功講價！！！

艇家用漿慢慢撐出去，我地唔算好重，我諗唔會好徙力既~

你睇，d水清到丫！

話就話係艇仔，其實我覺得似獨木舟多囉~ 好彩我地唔算肥，如果唔係反艇都有之......

撐到咁「遠」就停低喇...... 車，有幾遠呀?！

有錢賺，又有得日日對住個靚海，「梳呼」得佢地丫！

唉... 真失策！我地之前果晚竟然唔記得買麵包呀！

好彩我地仲有d「EDO餅」、「Oreo」食剩，就當益下d魚仔喇！

浸對腳落水~ 超涼快！哈哈，就咁睇d海水好似好薄荷咁~

我第一個跳落水，跟住就到Lilian~

點知Lilian一落水，潛個頭落去，就大嗌話「魔鬼魚呀」！!！我喇喇聲「微」個頭落水，真係見到條魚尾遊左去深水果邊，嚇到我即刻係咁游番轉頭，一邊游一邊大嗌：「救命呀！魔鬼魚呀！」

原來，架小艇載左我地去深淺水交界，游出幾步就突然有個大斜坡深入海底，仲要係深到見唔到底果隻！所以o係呢度會見到魔鬼魚呢類深海魚~ 咁呢Peso $300又比得值既，冇果兩個艇家帶住，我地實嚇死呢！

之後，艇家仲問我地：「行出dd有鯊魚睇，你地去唔去呀?」我勁想去睇呀！但Lilian同Cyrus就不停耍手擰頭......

落水喇！！！睇下幾多魚仔！

Poor Lilian stepped on the corols......

哈哈，佢地好似對我好有興趣咁喎~「雷」哂埋來！

突然比咁多魚仔圍住有d驚呢，驚佢地會無端端啄我~

只係掉左半塊EDO餅喂魚，佢地已經好似癲左咁衝埋來~

艇家哥哥好「梳呼」咁浸住半邊身，睇實我地既安全~

Come on~ 魚仔，快d游過來喇~

你睇下佢地好似對住個camera笑緊咁~

深藍色果度就係突然深左既部分喇~ 只係一步之隔，d珊瑚石下面突然係個大斜坡，深不見底！我地o係果邊游水都幾驚架，好驚會有野突然衝上來咬我地~所以大部分時間都係stay係淺水區snorkling多。

玩夠皮，上水喇！

個太陽好哂呀！我地就o係不知不覺中哂傷了~

同艇家哥哥影張合照留念~ 佢serve得我地咁好，我地都識做，比多Peso $50佢當tips！(哈哈，我地出手都幾低~）佢地真係好容易滿足，收多少少已經笑到見牙唔見眼~

我地上岸後，再o係沙灘度hea左陣~

呢個BB女好得意，唔知佢望緊d乜咁入神呢?！

哈哈，呢個BB仔落水時既眼神充滿殺氣~

見到當地d小朋友玩得好開心！童年既生活應該簡簡單單、開開心心先至係架嘛~

超鍾意呢個BB仔，佢既笑容好有感染力！見到佢笑，我地都好想笑~

呢個o靚仔對鏡頭超敏感，擺好多唔同既poses比我地影~

我地都跟佢學下點擺poses先~

P.S. 對咁「岩參」既腳係屬於Lilian小姐架！

我地同佢地一齊玩拋波遊戲~ 玩得好開心呀！

哈哈，兒童不宜呀！

It's time to go~ d小朋友好唔捨得我地~ 係咁攬住我地架船唔放！

Bye Bye~ 小心d呀，唔好再追喇！危險呀~

架船開出果陣，好唔捨得...... 唔捨得一班咁真誠、咁可愛既小朋友，亦唔捨得離開咁靚既沙灘~番到香港，又要面對爾虞我詐、充滿污染既社會，雖然物質生活好充足，但咁就係 = 開心嘛?！