Cebu 碧波盪漾之旅 (Day 3) - Part C

離開Balicasag Island後，我地就向最後一站：Virgin Island進發喇！

途中我地見到一個好奇特既天文現像：Circle Rainbow~ 之前o係澳洲見過Double Rainbow已經覺得好amazing，今次見到既circle rainbow，直情令我地「O」哂嘴！真係唔明點解彩虹可以係圓形既?！

各位觀眾咪眨眼！天空上既彩虹係圓形架~

個海勁清、顏色又碧綠！令人有想跳船落去游水既衝動~

終於到達夢幻小島Virgin Island喇！網上既人對呢個小島既評價毀譽參半，彈呢度冇乜特別既人，大概係來玩時既timing唔岩，所以體會唔到呢個小島有幾amazing！

哈哈，我地由潮退玩到潮漲，由白白豬哂到變左「luck皮豬」~ o係呢個小島度游下水、影下相，不知不覺玩左2個幾鐘~

無端端o係海中心有個小島，仲有條彎曲既白沙路浮o係海面，係咪好amazing呢?！

終於「登陸」Virgin Island喇~

來到呢個冇乜人既小島(哈哈，係冇乜香港人)，仲唔發哂癲做平時唔會做既低B野等幾時呢?！

1...2...3... 跳~

哈哈，我地好出力跳架！你睇，係有水花架！

好鍾意呢張相個感覺，好有holiday feel~ Lilian good take~

步行到島中心既白沙路回頭影相，個景仍然係咁靚！哈哈，我不禁o係心入面爆粗：「黐X線，邊有地方靚得咁緊要架！」

哂到好熱呀！落水一邊玩水，一邊影相，涼浸浸，好舒服呀！

面海Yoga?!

呢兩條死鬼佬，勁串！冇喇喇走來暗串我地：「你地覺得來呢度photo session就係enjoy呢度喇?！」

頂！！！個個人relax自己既方法都唔同既~唔好以為自己拎住本書o係沙灘度食住煙仔懶relax就好X型先得架！

懶高尚，又臭串既死鬼~