Cebu 碧波盪漾之旅 (Day 4) - Part E

「係咁耳」玩過水後，我地已經餓到「咕咕聲」，皆因晏晝果餐Loboc River Cruise Buffet真係好難食，我地食左好少野~ 所以等唔切番房沐浴更衣，我地已經急不及待咁入左餐廳「醫肚」先~

酒店有幾間餐廳，我地揀左呢間對住海灘，o係泳池側邊既餐廳開餐~

海灘夜晚冇乜人，食完飯o係度漫步都幾good架~

餐廳雖然冇冷氣，但有陣陣海風吹來，一d都唔熱~

先點杯fresh juice解解渴先~

餐廳d職員好nice，service好好呀！

我地嗌左5餸1湯，賣單Peso $1090~

講開賣單，我地先前淨係諗住游水+影相，所以身上一毫子都冇~ 本來打算食完後我地其中一個番房拎錢，點知職員話可以記帳入我地間房，check out時先一次過計錢，真係太好喇！

食飯途中，聽到有live guitar band表演，佢地仲會每檯行埋去唱歌添，客人可以即場點歌叫佢地唱，個feel好好~

見到隊band越來越近，我地就越擔心，因為我地冇cash o係身嘛，人地唱完冇tips比，都幾embarrass呢！ 後來，好彩Lilian記得自己唔知幾時「zip」左d碎紙入褲袋，我地先有錢比Tips咋！

隊band知道我地o係香港來，特登為我地唱隻中文歌 -- 「月亮代表我的心」，雖然係就係老套左d，但佢地d咬字真係幾準~

哈哈，「係咁耳」比左Peso $80 for tips~ 仲同佢地影埋合照呢！有相影、有歌聽，呢餐飯都食得幾開心！

P.S.BBC位置離Alona Beach好遠下，所以如果要搵食的話，建議大家o係番酒店餐廳用餐，價錢雖然比較貴，但就唔洗徙車費搭來搭去~