Norway + Finland午夜太陽之旅 (Day 1 - Part A)

今次行程可謂身兼半個tour guide身份，帶同兩個同事GiGi同Sammy，仲有o係「Travellife」上認識既網友Celia一齊遠赴北歐，準備功夫係咁多次旅程之中最充足既！淨係「茶會」都開左兩次，我仲連powerpoint都整埋，detail過番學交功課~ 為既都係希望大家玩得開心，行程順順利利，平平安安！

由於香港冇direct flight去挪威首都Oslo，所以我地要先去芬蘭Helsinki再轉機到Oslo，團友Celia會搭早一班凌晨機先去Oslo，然後等我地3個飛過去在當地會合~

7:30am去到機場同Sammy、GiGi會合後，我地就兵分兩路去食早餐~

渣住Citibank PremierMiles card次次去旅行前我都會去Traveller Lounge食免費餐，今次亦都唔例外！去到北歐d紙水咁貴，可能冇一餐好得過呢餐都未定?！

我自己一個就食得開心，分開前比左本北歐Guidebook比GiGi同Sammy睇下，點知就咁「出事」了，剛出發已經發生左一件頗令我頗擔心既事......

事緣o係機場交比Sammy本「地球之步方 -- 北歐篇」竟意外地被遺留左o係機場餐廳，Sammy到上機時先發現，所以想拎番都冇辦法喇！呢本書比市面上另一本「JTB世界自由行 -- 北歐」更為detail，d map同資料好齊全，所以冇左佢我個心打從上機一刻就已經怯怯地！好在仲有本「死剩種」「JTB世界自油行」o係身邊，又黑唔哂~加上老公Jay一聽此消息後即刻仆出去書局買番本新既「地球之步方」再scan左send去我email，所以此行既行程計劃都尚算順利~

9：30am出發起飛去Oslo，經歷差不多9hrs機程到Helsinki後，我地會轉傍晚機到Oslo~

快樂起航~



路途遙遠，HK <--> Helsinki相距7818km~



第一次搭飛機唔係用headset，係用earphone~

第一次搭Finnair呢間airline，最鍾意機上既可樂唔係一杯杯倒比你，係成罐「豪」比你，但係係好cute既mini size coke！勁kawaii呢~



Finnair既飛機餐質素幾高，拍得住Singapore Airline！飛機餐「大堆」，又特別多野食！除左坊間既麵包同salad外，cheese + cracker同jelly都有，包你唔會餓壞~

The most tasty flight meal that I've tried~呢個焗意粉真係唔講得笑，拍得住Spaghetti House既質素，未試過食飛機餐想encore囉！今次都係第一次~Finnair真係令我令眼相看！

芬蘭果然不愧為係千湖之國，未landing就已經見到好多既小湖景，仲有翠綠既草地~

芬蘭除左湖光山色出名外，卡通人物Moomin姆明一樣出名，地位直情等同官方既吉祥物一樣！一落機就已經見到大大少少既舖頭出售Moomin既精品~

除左Mooming，仲有點少得聖誕老人呢個Finland之寶呢~相信除左芬蘭呢個國家外，其他地方唔會o係夏天熱屎辣辣時見到聖誕樹同著長衫長褲同你講Merry Christmas既聖誕老人囉！

Helsinki機場真係好鬼細，gates既座位嚴重唔夠，搞到我地要席地而坐~

睇到機場汽水機d野飲價錢，真係「O」左嘴！好驚我地會洗到山窮水盡咁番去~

我地要o係機場hea成兩個幾鐘先再轉機去Oslo，眼見窗外天陰陰落大雨，我地都有d擔心：「死喇，去到Oslo唔知天空係咪都係咁呢?！番到來Finland又係咁既天氣就死得人喇！」

挪威的森林果然係名不虛傳，飛機上見到下面真係一片片既樹林！ 見到天氣好似唔錯喎，即刻鬆一口氣~

由Helsinki飛往Oslo只係1hr 15mins機程，仲快過由屯門出旺角~ 話咁快我地已經landing Oslo Gardermoen Airport喇！

都話女人天生係購物狂架喇~ 行李都未攞，挪威幣又未唱，見到當地人一窩蜂衝入duty free大肆搜購，心諗：「一定有荀野！」，所以我地就一齊供左入去睇下有冇平野執！

咁岩我冇帶洗面膏，見Loreal有支大洗面膏o係香港未見過，賣NOK $47(~HKD $67)咋！真係堅平喎~唔買對唔住自己呢，黎手丟左佢落去購物籃拖去轆card比錢~

過完購物癮，拎左行李後，我地就去Currency Exchange唱錢~

臨行前唔知道HSBC有得唱挪威幣，好白癡咁去左「百年」兌EURO，諗住來到先用EUR換NOK，中間實會蝕左d手續費架喇~下次一定唔會再咁豬架喇！

今日exchange rate：1 EUR = 7.6524 NOK

換錢每次會收手續費NOK $50，所以我地決定3個人一齊換，再私下分錢，廢事比佢賺3次手續費！

最後我用EUR $400換到NOK $3060.96~

拆帳中~

然後我地就去搵交通工具搭去Oslo downtown，之前睇書得知有3種public transport可以去到市區：機場巴士(Flybussen)、機場快線列車(Flytoget)同普通列車(NSB Lokaltog)。

先去Tourist Info Centre問下邊種方法係最平既，職員話比我地聽搭火車係最平，但就要大約40mins先到。冇所謂喇，我地又唔係趕住去投胎，慳得一蚊得一蚊，慢少少又有乜所謂喎！

去counter買NSB Lokaltog火車飛 (NOK $110/way)~ 如果搭快一倍20mins就到市中心既Flytoget就要成NOK $170/way，好貴呀！！！

o係機場火車站見到好靚既雲彩呀~

雖然話係最慢，但數埋都係4個站就到Oslo S (Oslo中央車站)喇！ （按圖可放大 -- 青綠色450線就係NSB Lokaltog線路)

好興奮呀~ 登上我地北歐之旅既第一程火車！

 

車卡冇乜人坐，十卡九空，我地想點坐都得！

雖然挪威呢個時候係夏季，但溫度似係香港秋天咁涼爽~ Cool！

窗外既風景已經好靚，我諗去到Fjord時會靚到「O」哂嘴！

P.S. For your reference, 團友Celia由於同我地分道揚鑣前往Oslo，所以佢自己就o係唔清楚價錢既情況下，揀左貴好多既Flytoget火車~ 不過，環境同舒適度都唔係同NSB train差太遠咋喎！唔值咁貴囉~