Norway + Finland午夜太陽之旅 (Day 2 - Part D)

北歐既夏天真係好正，d時間好似用極都用唔完咁，o係Bygdøy Peninsula玩到d博物館都閂哂門後，就搭番船番去Oslo city centre繼續我地既行程~

成夜晚6點幾7點，博物館果d都閂左門，但太陽伯伯仍然高掛天上，冇理由咁大徙唔繼續玩架嘛，所以我地決定轉戰Oslo出名既公園「Vigelandsparken (維格蘭雕刻公園)」！

Vigelandsparken唔係within walkable distance，要轉路面電車Route 12/Route 15先可以去到，我地就o係落船既碼頭附近搵到個電車站~

第一次坐Oslo既電車，由買飛一刻已覺得好新奇，研究左一輪先識買飛~

成功買到我第一張Oslo地面電車飛喇！但NOK $27搭程電車真係好貴囉~

車票上會印左你買飛既時間，由果個時間起計1hr，你可以任搭路面電車，或者轉乘地鐵同巴士~

挪威d coins真係好得意，中間有個窿，好似可以穿條繩落去咁~

電車站旁邊有一排單車，原來係Oslo Citybike，可以租比遊客踩單車遊Oslo~ 下次再有機會來可以試玩下！

Route 12車來喇！ 記得要睇清楚個route map，認清總站係邊度先好上車，否則上錯對頭車就麻煩喇！

如果你o係中間門上車的話，司機係唔會check你有冇買飛，但我地買左飛，緊係渣住張飛去司機面前懶proper咁show我地係good travellers喇！

P.S. 回程時其實已經超過一個鐘，我地「博大霧」冇再買新飛，就咁拎住張expired左既飛o係中間門上車，哈哈，好彩冇人查飛咋~ 

但就算佢查飛都好，我諗佢地見我地係遊客，又真金白銀買左一程飛，雖然過左少少時間，都唔會難為我地掛?!

話咁快十零分鐘車程就到左Vigelandsparken，個公園真係好有藝術氣息，連門口既大閘都有好靚既pattern~ 有d仲係男人同女人既bodies切成，好artistic~

 

就咁睇都以為係普通公園一個，但行入d就會見到遠方有座塔，座塔前小小仲有條兩旁都係雕像既橋，呢度就係全個公園既精髓所在！

 

橋下有小湖，當地人放工後就來餵下雀，行下公園，認真寫意！

 

橋兩旁有好多好多個雕像，個個動作都唔一樣，個個都比我地惡搞一輪~ 我地冇導賞，都係自己估估下，估下個藝術家想表達d乜，唔知估得岩唔岩呢?！

呢幾個雕像好似講緊父母同仔女之間既親情~

 

哇！呢幾個雕像唔知想講乜囉?！淨係知道全部係超高難度動作，難度系數直迫巴黎鐵塔反轉再反轉！

 

 

見到呢兩個雕像，即刻諗起Joey隻歌：「全身暑假，投奔初夏......」~

 

呢兩個又好似o係度玩緊平行木咁~

呢兩條友好「斷背」呀！

救命呀，佢地虐待兒童呀！

教人開片?！

呢女仔雕像想點?！係咁扯自己d頭髮，好明顯係psy既~

哈哈，我個姿勢掂唔掂呀?！

BB仔雕像亦有好幾個，有開懷大笑既，有chok爆既，當中最出名既要數「Sinataggen (憤怒的小孩)」既銅像，佢隻手仲比遊人摸到滑shan shan添~

見到佢地，勁想唱：「斜陽裏氣魄更壯，斜陽落下心中不必驚慌，知道聽朝天邊一光新的希望......」~

我諗人地成日講既「打哂麻花」大概就係咁吧?！

玩轉條橋後，我地再繼續向前行，就會去到公園中間既噴水池！
本以為係普通噴水池一個，點知行近d睇，又係由不同表情、動作既銅像組成，Vigeland呢位藝術家真係創意無限！

經過噴水池再向前行就會去到全公園既靈魂所在 -- 人生塔~

Travel guidebook話個塔上雕刻左121個人，個個不同，攬埋一舊，變成一條巨柱，而塔旁邊仲有好多花崗岩既雕像~

 

哇，真係好Q多人攬埋一齊，但我地就數唔到係咪真係有121個人咁多喇~

呢張有d over exposure，哈哈，但又影到幾有「天國的階梯」咁既feel喎~

由「人生塔」望番落去公園周圍既環境~

呢個雕像唔知係咪想講為人父母，整定要一世做牛做馬，任勞任怨?！

呢幾個成個孤獨老人咁既~



哈哈，又係惡搞雕像既時候喇！

 

離開公園既時候發現呢條路好有cat walk feel，我地幾個白癡婆o係度玩chok樣行貓步，笑鬼死呢！

 

天色接近黃昏，有個鬼佬o係橋上自彈自單唱「I'm Yours」，勁好feel~