Cebu 碧波盪漾之旅 (Day 3) - Part A

晨早5點幾就要企身，因為約左船家6am出海睇海豚！

由Alona Beach出發，駛到出「公海」大約要20分鐘。我地一直唔知道船家想駛去邊，直至我地見到好多船仔聚集o係海中心一個地方，我地先停落來。

船家隻船叫「Wem & Keith」船身有接吻魚既公仔~ 好cute~

等左冇耐，就見到遠處有野突然o係水跳出來~ 哇！係海豚呀！！！d船仔就同時開動，跟住海豚游動既方向前進！

可惜video resolution比較低，未必睇得清楚成海都係海豚果種震撼~

呢個video裏面，海豚同我地架船既距離好近，仲近距離咁見到佢地跳出水面添~！

睇相比較清楚~ 但點都好，都唔夠o係現場親眼見到成海dolphins咁震撼！

睇左個幾鐘頭海豚，個太陽開始好哂，我地已經睇夠本，冇乜心機再繼續睇落去呢~ 船家就載我地去附近既Balicasag Island游水+浮潛！

離遠見到Balicasag Island已經忍唔住「哇！」左一聲~ d水好清、沙好幼！靚過Sabah、Pattaya果d多多聲！

第一次見到乜野叫做「碧海藍天」，真係靚到「哇、哇」聲~ d相全部冇執過，部D80影出來同現場睇係一樣架！

我地開始瘋狂咁周圍影相！

呢個爸爸抱住個BB女行沙灘，見到我地就講笑咁話，叫我地帶埋BB女番香港~ 我地唯有影低佢個趣緻樣帶番來喇~ 睇下佢對鏡頭幾敏感，係咁影佢都唔驚！

來到Balicasag Island咁遠都避唔開「Jay」~

換泳衣落水影下相、玩下水先~

我地好似傻左咁係咁跳，目的都係為左影張jumping on the beach既相！經過N次try and error後，終於有幾張係夾岩timing架喇~