Kenting 天氣晴之旅 (Day 1 - Part A)

今日搭「華信」機去高雄，10:25am先起飛，check-in後我地先慢慢去機場既「中華旅行社」拎台灣簽證。

P.S.唔想去到台灣先辦落地簽證，可以o係網上登記左先：https://nas.immigration.gov.tw/nasf/ctlr?PRO=PRO_Task01Application

跟住去機場離境大堂K段「中華旅行社」放低$55，15分鐘後就拎到簽證，快、靚、正！但要記住喎，個櫃台office hour係8am - 8pm，太早/太夜既flight就唯有搞落地簽證喇~

It's time to boarding~

其實「華信」d機都係「中華」既機，機上既野全部印有「China Airline」既字句o係度，只係個名唔同啫~

飛機餐就完全唔掂！得d勁難食既點心！

話咁快就到左高雄機場啦！呢度比台北桃園機場殘+舊好多~

一出機場Arrival Hall，就見到有個大叔拎住個牌寫住「香港Cherry Leung」，我地就知道佢係來接我地既司機叔叔。跟住，我地就拖住d行李去跟佢攞車，去到停車場先知道原來係Taxi來架~ NT $350/ppl租架Taxi直接入墾丁，真係好抵玩喎！

我地影低左司機叔叔既卡片，有需要可以call佢架~

o係車上面，司機叔叔好少同我地傾偈，多數時間都係忙住接電話，因為好多客人call車由墾丁出番去高雄。

由於架車係「Beach House」(2nd晚既民宿)幫我地book既，所以司機叔叔以為車我地到位於南灣既「Beach House」就得，當我地同佢講我地今晚係入住「小徑民宿」，佢就話：「在那裡?！我不知道！我只知道Beach House在那裡，你可以問問他們怎樣去~」

個Taxi司機都幾「狗」下，扮哂野話唔識去，其實佢係趕住去第二間民宿接客出高雄就真！

迫於無奈地，我地o係「Beach House」落左車~ 好彩「Beach House」既老闆好好人，即刻幫我地打電話contact「小徑民宿」既老闆，他會渣車來接我地~

去到「Beach House」，老闆娘Joyce比左另一個Taxi司機既電話我地，話「阿明哥」比較老實，不會隨便drop低我地，叫我地下次有需要可以contact佢~

「Beach House」佈置好有陽光與海灘feel，仲有得學衝浪添！

d衝浪板仲高過我，唔知女仔舞唔舞得掂呢?！

過左一陣，「小徑」架車就到左啦！哇~ 原來由「南灣」坐車去「船帆石」都幾遠，成10分鐘先到！如果行路去的話，行到天黑都未到~

同我地同車既，仲有個女仔，操流利既國語，我地起初仲以為係老闆娘添~ 但傾傾下，發現佢d廣東話都好正喎，冇理由架嘛...... 一問之下先知道個女仔叫Silvia，今次係自己一個來旅行，今晚都會入住「小徑」，老闆岩岩就係出去車站接佢，跟住來兜埋我地~

去到「小徑」仲未夠鐘check-in，所以我地放低行李後，即刻出去搵食先！老闆話o係「小徑」出去個路口就有間麵店，叫我地近近地去果度食野先~

頭先o係機上面都冇乜點食過份飛機餐，所以而家肚餓到暈！未坐定已經叫左碗麵先~

食飽飽後我地就o係附近行左陣，去左「台灣最南端」既7-11入貨，買定d水同杯麵~

o係「小徑」行去7-11睇地圖好似好遠咁，但其實只係5分鐘路程左右~

船帆石附近有好多民宿，有d外型仲好特別添~ 好似呢間叫「岩手」既民宿，外面真係好似有好多岩石咁~

其他民宿外型都唔差，好有渡假feel~

周圍都見到租潛水用品既舖頭~ 可惜Cherry唔熟水性，如果唔係，可以一齊潛水就好啦！

o係呢堆民宿對面既就係「船帆石」舊石頭喇！但從任何角度去睇，我都唔覺得佢似船帆喎~