Kenting 天氣晴之旅 (Day 2 - Part D)

食完魚生後，舅舅就帶我地去「後壁湖」附近既草地，果度可以影到風車架！舊年我影婚紗相時都來過呢度~

有3大個唔識轉既風車o係度~

舊年既婚紗相~

影完風車後，時間都唔早喇，要快d上路追趕「關山」既日落！

「關山」o係墾丁最出名睇日落既景點，每到黃昏時份，都會有好多遊客特登渣車來呢度睇日落，熱鬧非常！

到左「關山」喇！個太陽開始落緊，我地都急急腳跑上山~

點知因為天氣既關係，今日比較多雲，遮住左個鹹蛋黃，得d橙橙黃黃既暮色睇，但都好靚呀！

鹹蛋黃就睇唔到，但鹹豬手就有一隻！落山既時候由於天色變得好暗，舅舅成日「借d耳」扶我地乘機摸身摸勢，超討厭呀！

最賤既係佢同我地熟落左後，就不停講有味笑話！又話之前有d後生女來墾丁玩，夜晚o係酒店怕黑覺得好驚，佢都唔介意留o係間房陪佢地，叫我同Cherry有「需要」可以同佢講！成車有4個女仔，你叫我地比乜反應佢好丫?！

最最離普既係，舅舅話自己背住老婆，出面仲有女朋友，但就同個女仔「冇拖手、冇做愛，大家好愛對方，佢會成日send sms比我」，又比「女朋友」send比佢d sms我地睇...... 一邊同我地「哂命」咁話個女仔好後生，自己買左好多野比佢，又送LV手袋(但唔夠兩個禮拜比gf屋企隻貓咬爛左)、notebook、請佢去USA旅行等......

唉，佢自己都成60歲，家有賢妻，點解仲要講到自己出去偷食係好威、好岩咁?！喂，我同你唔係好熟架咋，唔該你唔好當自己「包2奶」係件好值得proud of既事先得架！我地來旅行只想relax下，點解要迫我地聽埋d咁既野?! 聽到佢做埋d咁唔道德既野，都唔知對住佢笑定鬧佢好，唯有笑笑口聽左就算！

墾丁「鹹豬手」司機 -- 黃正華卡片！如果有人介紹你搵佢，希望你既旅程冇比人「毛手毛腳」、性騷擾或偷錢！

睇完日落後，基本上我地既行程已經完結架喇，但由於「小徑」之前promise過話join佢地1 Day Tour同其他公司既司機唔同，會帶埋我地去「四重溪」浸溫泉，所以我地仲有夜間節目！

可能Silvia都覺得個舅舅成日「借d耳」「毛手毛腳」啩，所以當舅舅力邀佢今晚一齊去浸溫泉時，佢就極力refuse，情願番「小徑」靜靜地休息下咁話~所以來到呢度，我地就同Silvia say goodbye，繼續上路喇！

舅舅先車我地去第二晚既民宿 -- 「海邊2館」check-in，然後再載我地去「愛情海」會合Prima同佢男朋友。

去到先知道原來「愛情海」真係好靚架！！！好有希臘feel，比「小徑」裝潢得更romantic！

跟住，Prima邀請我地去佢地間房參觀下~ 入到去當堂「哇！」左出來，裝修真係好得，個feel好有情調，岩哂情侶來呢~

呢個時候得我地4個香港「同鄉」o係房度，終於可以open d咁講下「秘密」！

原來Prima佢地book左舅舅2 day tours，NT $3000/day~ 今日係1st day已經搞到要同人share車，佢地都勁唔「gur」、勁唔「妥」舅舅囉！

我同Cherry都覺得佢地好慘，好似無端端蝕底左咁！無理由舅舅「食兩家茶禮」，我地d車資又收，佢地d車資又照比架嘛，咁佢咪好好賺！所以極度支持佢地自動開口要舅舅減價~

我地知道舅舅唔識廣東話，於是大家「暗牙底」不斷用廣東話討論我地有幾不滿！

由於晏晝唔係食得好飽，咁岩路經「戎將軍手工包子」，即刻嗌舅舅停車比我地去買晚餐！

 

「戎將軍」d包好大個架，價錢又唔算貴，最緊要係好味丫嘛~

由於時間尚早，Prima佢地又未去過「出火」，所以我地要求舅舅再帶我地去「出火」睇下夜晚係咪真係有鬼火~

停車場側邊有個攤檔賣煙花，有好多唔同類型既煙花比我地揀，我淨係買左最輕型既「串串金」，誠為NT $50/束~

開頭行落山段路好黑，又冇乜人，個感覺都幾陰森恐怖，但一去到「出火」就見到鬼咁多人，乜鬼火都比我地嚇走哂喇！

好多遊客o係度玩煙花，我地都唔執輸，「喇喇林」罷左個靚位玩火！

哈哈，最開心係一齊玩「寫大字」~

玩完煙花身水身汗，最好就緊係去浸溫泉消除疲勞架喇！

由「出火」去「四重溪」都有段距離，所以o係車上我地單刀直入，問清楚舅舅我地d車資點計?！點知佢好含糊咁答：「我自己沒有兒女，所以我就當你們這些年青人是我兒女一樣看待~ 你們看我今天帶你們帶得好不好?！你們香港人來墾丁，什麼都不知道，很容易被騙，我把你們當朋友、當兒女看待，一定不會要你們吃虧，價錢一定會算最平宜給你們，你們放心好了！」

跟住舅舅又懶好人咁問我同Cherry：「你們兩個明天不是要回高雄嘛?！要不要我順道帶你們一齊去玩玩?！」

我地四個第一時間既反應係：「價錢點計先?！」

舅舅又係9唔答8咁話：「一定會算最便宜給你們！放心好了！」

佢根本就拒絕回答「收兩家茶禮」會唔會減價?！價錢點計等?!我地都奈佢唔何，唯有浸完溫泉回程時再詳細傾過！

「四重溪」係一個歷史悠久既溫泉城鎮，建於日據時代，係墾丁唯一可以浸溫泉既地點。今次舅舅帶我地來一間叫「清泉溫度名所」既溫泉旅館，佢極力推介咁話呢度好出名，日據時代連日本親王同王妃honeymood時都來浸咁話！

入場費都算平，公眾露天風呂誠為NT $200/人~ 好彩舅舅冇要我地出埋佢果份咋！

就咁睇個look真係勁有日本feel！唔講你地仲以為我真係去左日本添~

呢度有好幾個露天風呂，冇分男女，個個都要自備泳衣，而衛生程度都好ok！

o係浸溫泉其間舅舅對「鹹豬手」又再次出動！成日「借d耳」毛手毛腳咁拉我地去某個池浸；又夾硬拉我地去「噴水柱位」話o係水柱底下按摩完會好舒服，點知d水柱一噴出來，我地件泳衣就移哂位兼走光！成個過程浸得超唔舒服，搞到我地浸左冇一個鐘頭就「喇喇林」上水換衫、嗌走人！

我地搞掂出來時，Prima佢地兩個仲未ready，得我地同舅舅o係停車場，於是我地即刻捉住佢問價錢！點知舅舅答我地話：「今天晚上我帶你們泡溫泉，還有明天帶你們去高雄玩，我收你們NT $3000好了！」

一聽之下，真係眼突加「O嘴」，勁想爆粗囉！！！明明「小徑」老闆話夜晚帶我地去浸溫泉係免費架嘛，做乜而家講到要收錢咁話?！仲要佢而家收我地兩家茶禮，夾埋我地4個人比NT $6000/day租佢架車，租架Benz都冇咁貴喇！佢真係「獅子開大口」，黐撚左線！

等我地一見到Prima時，即刻用廣東話向佢地狂數舅舅，佢地都o係回程時開門見山同舅舅bargain！點知條友發哂脾氣咁話我地根根計較，又乜又柒咁鬧左我地一餐......仲話最平收Prima佢地NT $5000 for 2 days；我地就NT $3000 for今日行程、NT $2000 for溫泉+聽日行程咁話！加埋我地今日比果NT $3000租車費，佢兩日夾埋賺左NT $10000呀！真係賺死佢！

鬼叫我同Cherry之前迫唔到佢講實價咩！而家溫泉又浸左，話聽日唔join佢落高雄玩既話，又唔知計我地幾錢喇?! 唉，真係黑仔，又比人鹹豬手，又比佢禁住來搶錢...... At the end令到我地全日既行程都變得超唔開心！