Tai Chung 清境觀星之旅 (Day 2 - Part A)

今朝早1點幾去過7-11發現冇哂高鐵飛賣，Carol捱義氣朝早6am已經自己一個出門口，去火車站售票處排隊睇下仲有冇飛剩，我同Lilian就繼續大被同眠，訓到8am先起身~

真係錫哂你呀Carol！好彩你有去排隊咋，因為早上開出既班次已經full哂，最快既班次都要成11am先有位~ Carol仲要忙住打sms send比本來約好9點幾o係台中高鐵站接我地既司機，通知佢我地會delay勁多先到~

Around 9am o係酒店check-out後，我地就出發睇下西門町附近有咩地方食早餐~
 
路經既地下有好靚既graffiti painting~

行左冇耐就見到條有好多排檔既街，兩旁有d小食肆，就決定o係度搵間麵舖開餐~



價錢好經濟喎！



你睇我地食得幾滋味~



食飽飽差唔多時間番去酒店拎行李去高鐵站，向台中出發喇！！！

高鐵準時11am開車，大約1hr車程就送我地去到台中高鐵站喇~

Lilian o係車上睇書，我就o係度玩iPhone搞搞震~



呢度就係台中高鐵站喇！



有個賣便當既小攤位~ 呢個車長公仔好似似曾相識咁，好似以前去十份時都見過架！



司機叔叔好準時到站接我地~ 原先約左Carol相熟既司機Sunny去接我地，但我地又delay左，佢有事要做，所以搵左個fd來接我地。不過我地唔多鍾意佢囉，叫佢順路車我地去台中市中心換錢又話要加錢，車我地去食小小野先又話要加埋錢！Carol話Sunny不嬲都冇咁計較架，下次打死都要搵佢車番我地先得~



去台中既車路慢慢越來越多綠色，可以幻想去到清境一定好靚啫~



經過兩個幾鐘頭既車程後，我地終於來到清境喇！沿車路一直上都未到我地間民宿，Carol話o係山頂最高既位置架，我同Lilian就試o係山頂d屋仔裏面point out我地間民宿 -- 「觀星園」~

9曲13灣後終於到左「觀星園」喇！！！之前Carol叫我地唔好抱太大期望，話間民宿好簡約，我仲諗住好似YH咁添~ 來到見到實物比預期中好太多喇！間main block幾靚丫，仲有最正就係個露天茶座，個view簡直係無敵呀！！！

我地唔係stand o係民宿main block，李大哥特別留左間3人房小木屋比我地，左面山坡上果間黑頂小屋就係我地呢兩日stay既地方喇~



我地先o係民宿客廳休息左一陣，李大哥向我地展示呢三隻得意既蟲蟲~
平時我好驚蟲架，但呢三隻野就真係幾得意既！原來佢地d腳有勾，會勾住依附既物件，一旦勾住就好難分開，李大哥就係咁比佢地意外整損左隻手~



李大哥知道我地未食lunch，特意叫李太太整下午茶比我地享用~
我地o係上山前已經o係清境最多高拔海間7-11買左d野飲同小食，加埋李太太為我地準備既蛋糕，真係好豐富呢~

我地特登出去露天茶座食，睇住四周既靚景，零舍開胃~



Our healthy lunch~




李太太準備既香濃咖啡同清甜蛋糕，好好味架！



李大哥都出來食tea陪我地吹水，我地就麻煩佢幫我地book車聽日去行山。佢真係好好人呢，打左N咁多個電話幫我地問價錢、時間、行程等~本來諗住book whole day，但Carol來過好多次，有d地方唔想再去，我地又唔想丟底佢一個喎，所以book half day車就算喇~最後決定聽朝上合歡山hiking！

簡單介紹番我地間民宿先，「觀星園」位於海拔2089公尺既清境高地上面，係清境地區最高既民宿山莊，周圍風景一望無際，視野絕佳！由於海拔好高，所以呢度夏天溫度都唔高，仲好清涼添，我地都要著番件風褸以防凍親~ 老闆李大哥仲話呢度冬天有時會落雪添！哇，從未諗過台灣會有雪景睇呢~

食飽飽後又去我地間小木屋check-in喇！小木屋自成一角，個view又正喎，開心死我地喇！



我地「家」門外仲有個私人小陽臺添~



陽臺望出去既景色好廣闊，令人心擴神怡~



由小木屋通往民宿main block既路上，會見到種o係山坡上既茶園~