Tai Chung 清境觀星之旅 (Day 2 - Part B)

o係小木屋hea左陣後，我地就番去main block搵李大哥，問佢附近有冇d短短地既hiking trek~ 佢真係好好人呀，即時畫個map教我地去附近既山林小徑hiking~




開始出發去行山喇！




我地3個傻婆，渣住map都可以行錯路~行錯路山去左第二間民宿，仲比狗吠添~




兜左陣終於搵到正確既入口喇~
但由於岩岩落完雨，森林裏面好多蚊滋仔呀！我又白癡地唔知道來台灣會行山，冇帶Converse或者波鞋來，焗住要著住對slippers行山喎......

多蚊又行得唔舒服，行左陣我地就打退堂鼓~ hehe, 徙哂李大哥一番心機畫個靚地圖比我地添！



呢度空氣真係好好，你睇幾多青苔依附係樹幹上~ (青苔係空氣好的指標)



行唔成山，我地就番去「觀星園」搞搞震~ 周圍影相，又o係條直路度係咁跑、係咁跳，笑到肚痛！但出一身「笑汗」後，成個人d冤屈氣即刻冇哂，工作壓力一下子清哂，真爽~

Lilian好專心影相中~ 好想靜雞雞一腳kick佢落山腳！wakaka~



「觀星園」平臺個view真係靚到冇得頂呀~~~




玩左成個晏晝都倦喇，我地就擔張凳仔坐o係平臺hea睇山下日落既景色~

點點燈火的山城，真係好靚呀~




Hea左好耐，太陽都落山了，我地仲o係平臺度「吹水」~民宿主人李太太驚死我地幾個「妹妹仔」(佢真係當我地係細路女咁)餓親，走出來問我地想幾時開飯?！原來佢地準備左火鍋比我地食呢！wow, 從未諗過住民宿有得打邊爐呢~ 諗起即流哂口水！

Shabu Shabu @ 觀星園~
材料好豐富架，有肉之外，仲有好多新鮮既當地菜，好甜架！




處身於大自然中一定多飛蟲，我地間小木屋都唔例外，有好多蟲蟲圍住屋外燈飛來飛去~

Carol竟然玩起「捉蟲」來~ 一手捉住隻甲蟲仔，果然係女中豪傑！
彩綠色既beetle真係好靚呀~



食飽飯就到今日既戲肉，山長水遠來到「觀星園」緊係為左觀星喇！
又擔左幾張凳仔o係民宿空地靜靜坐下，抬頭觀賞如太空觀天幕一樣既星空~
呢度海拔高，所以夜晚溫度會跌到得幾度，我又唔係好帶得夠衫喎，其實真係幾涷架！

Carol又教我地影星軌相片，又教我地唔同星座既方位~ 我地仲不停見到流星添！

傻傻的我，情不自禁地企左o係身，原地公轉自轉，一邊轉一邊唱著葉德嫻首「明星」：
當你見到光明星星　請你想起我；當你見到星燦爛　求你在心中記住我......
 
我會永遠記得今晚的，因我從未見過如此美麗既星河！連澳洲睇過既都唔夠今次多~ 咁遠水路來都係值得既！

We started milky way photographing~ However, I didn't bring my tripod along with me , so I just put my DSLR on the ground to take photoes of the sky~