話咁快就來到旅程既最後一日啦！估唔到我地既畢業旅行話咁快就來到尾聲啦，好唔捨得添~
今朝我地忙於pack up行李，補影番我地間seaview room既video先~
今朝起身，天氣突變，酒店餐廳出面好似打風咁~
好在今日剩番d「唔等洗」行程+購物團咋~
第一站：普陀寺~
冇乜特別啫，祖國d佛寺靚過佢多多聲啦！徙我地時間~
第二站：水上清真寺 (Koda Kinabalu City Mosque)~
冇得入內參觀，只可以o係外面影相留念~ 仲要落緊雨添，係咁耳影兩張算數啦！
最後就去機場預備搭飛機番香港！沙巴個機場又細又殘，冇野好行~
同團友合照~ 佢係一個人來沙巴學潛水，好堅呀！
同女領隊合照~
Time to Say Goodbye~
我地既感想係：「唔想番工呀！」
由飛機上望落去，見到沿岸好多lagoon，仲有好靚既海岸線呀！
因為旅行社既自費項目太過「lur水」，所以我地除左尋日既神山團冇跟旅行社去玩外，今日既rafting都係自己join local tour！
Sabah有兩條可以玩激流既河流，分別係近d既Kiulu River (2級)同遠d車程既Padas River (3級)。睇網上評價，Kiulu River Rafting似漂流多d，我地當然想玩激d既Padas River Rafting啦！
旅行社報價3級Padas River Rafting要HKD $512/head，我地自己搵local tour先係HKD $352/head，每人慳左成HKD $160呀！
可見旅行社食水幾深先得架~
又係晨早出發，先搭1.5hr旅遊巴去到一個幾荒漠既火車站~ 之後會轉搭百年歷史既火車到達rafting既起步點！
話明係百年歷史，即係又舊又冇air-con囉~
等左成個鐘頭架車都唔開，又熱又焗，又唔知發生乜事喎！
我地又唔敢謬謬然落車行下，怕突然開車既話唔知點算~
極度八卦既Lilian抵受唔住悶熱既車箱，行左出去抖下氣！
咁岩架火車上有「東X遊」既領隊帶d團友來玩激流，Lilian就打聽下發生乜事架火車遲遲唔開啦?！
原來呢架老爺火車成日壞車，今日又突然「跪低」，搶修中！
等左成兩粒鐘，架車終於開動啦~ 全車人都好興奮呀！！！
我地坐「indoor」位，當地人就坐「outdoor」既floor seats~
Lilian跳過火車之間既junction出左去涼爽d既「outdoor」floor seat坐~
膽粗粗既我又想出去「outdoor seat」體驗下，點知跳番入車箱時驚到腳都震埋！
其實真係幾terrible架，車箱之間條隙都幾闊，如果跳唔過，跌左落去，再來架火車卡轆過既話，真係「係咁先」~
搭左成個鐘頭火車，差唔多到達Padas River既起點啦！
d河水好泥黃色，好似好污糟咁喎~
幾經轉折終於到達終點啦~ 開始我地既Padas River Rafting啦！
我地帶左防水相機去，所以旅程中可以影相留念呢~
唔知係rafting centre既人有心定無意，我地3個被編入全Asian既boat上！成船人除左我地3個，仲有兩個姐手姐腳既日本妹，同一對同樣來自香港既情侶，加埋帶領我地船伕，總共8人一船！
唉，眼見其他船上都係大大隻既鬼佬，我地就成船人「un挑鬼命」，都預左划得好辛苦架啦~
旅程中每次經過d急流位都好刺激，好好玩，驚死反艇咁~
去到冇咁急流既地方，仲可以比我地落去遊下水，隨水漂流添~
呢次旅程雖然划得好疲倦，但真係玩得好開心呀！
短短個幾鐘既rafting trip完結後，我地就去左rafting centre既屋仔換番d乾衫，食埋個難食既BBQ lunch後，我地就搭巴士回程番去酒店~
番到酒店沖乾淨涼後，我地就搭Taxi去番尋晚去過既waterfront搵食！
經過見到呢間餐廳好似幾好feel咁，揀左個outdoor seats，望住海景享受我地既海鮮大餐！
