行足一日山咁辛苦，係時候去搵餐好食架喇！
我地搭Taxi去左Tanjung Aru Beach一帶搵食，聽酒店樓下既information desk職員講，呢頭有個平民有蓋food court，好多野食咁話，一於去果頭睇睇喇！
Arrived at Tanjung Aru Beach~
我地身後有橦海鮮樓，好大規模咁喎，但d食物應該係貴夾唔飽，所以都係比d心機繼續搜索我地既「平民大排檔」罷喇！
都唔算好難搵啫，跟住d當地人潮行，話咁快就搵到喇~
d野食真係幾抵食，樣樣都係幾蚊馬幣有交易！
最正係d串燒，又平又好味~
呢d榴蓮仔好細隻，RM$5/kg，即係一個先係RM $5，我地都買左個來試試~ 味道唔錯，幾香架！
食左咁多美食，我地仲未夠喉喎~ 繼續發揮「食力」，搭Taxi叫司機大佬車我地去就近有得食肉骨茶既食肆！
司機叔叔最後車左我地去一間叫「佑記」既餐廳食肉骨茶！
哈哈，又試叫到成檯都係喇！我地樣樣都想試下，都冇諗過係咪食得哂~
食飽飽後行左去附近既濱海區Waterfront行下，入左去其中一間bar飲野~
d酒吧歌手真係唱得幾好聽~
飲飲下野，有個馬拉仔主動上前同我地搭訕，又話請我地飲野~
見佢個樣好眉好貌，又識講廣東話，唔似壞人，加上佢既目標好明顯係Cyrus，所以我唔客氣咁叫野飲~ wakaka！
飲到12點幾，諗住夜啦，係時候搭Taxi番酒店。點知個馬拉仔話有車可以車我地番酒店，Lilian同Cyrus都Say No架，驚佢會車左我地唔知去邊?！
但我又飲到high high地，口快快咁答：「咁好呀，唔該哂你喎！」
，仲一個箭步咁標左上個男仔架車，Lilian同Cyrus只好心慌慌被迫上埋架車陪我~
好彩，個男仔真係出於gentlemen風度車我地番酒店，到左酒店後佢就走人了！
當然，我之後比佢地兩個話左我一大餐啦~
沒有留言:
張貼留言