Sabah 上山下海之旅 (Day 2 - Part B)

紅樹林「齋」遊船河

天上仲落住毛毛雨，

懷住一肚子氣，我地搭快艇回程番hotel。番到hotel有成粒鐘時間比我地沐浴更衣，晏晝再去所謂既「紅樹林遊船河」。

還掂都濕左身喇，我地決定落去酒店既靚靚泳池游陣水先！

酒店個泳池係向海的infinity pool，對住個真海游水，感覺特別「梳乎」~

正當我地想拎部防水相機影相留念時，E...... 點解會唔見左既??????

噢！我地好似留左o係沙灘冇拎度呀！嗚嗚...... 我地d回憶就咁冇哂喇！

比左3*$300=$900 HKD去Sapi Island，得番黎既只係一個「吉」......

2點零又開始出發去下一個行程：「紅樹林遊船河」，行程上寫明包碼頭釣魚+抓蟹+品嘗馬來美點及清蒸肉蟹。坐左大半個鐘頭車到達一個簡陋既木屋村落，Tour Guide首先帶我地去油顏色--o係塊白色既蠟染布上油上顏色，轉頭乾左後可以比我地拎番屋企留念。

我上身著住件白色既Roxy vest，點知我唔小心整左d顏料落件衫度......

哈哈，好彩，Cyrus同Lilian都話我件衫咁岩得咁橋又染得幾型~

之然我地換上救生衣，坐上一架「遊船」，沿住河岸隨隨向前進發。我地坐o係船頭，雖然係拍照既好位置，但係就經常比毛毛雨撇到塊面......

全程Tour Guide都冇乜講過野，我地好靜咁「遊船河」；沿途又冇乜會令我地嘩然大叫，而又拍案叫絕，值得我地拎相機出來拍低佢既景色......

Tour Guide偶然會停一停船，等幾位團友可以將個「籠」擲落海，話「等陣回程時睇下邊個可以捉到蟹食呀~」，我諗呢個就係包左既所謂「抓蟹」......

黐線架！坐o係架船度漫無目的咁向前洗，一路上Tour Guide乜都唔講，大家只係好靜咁「遊船河」遊左成粒鐘，有乜理由咁徙我地既時間架！！！

咁樣同我地o係香港比幾蚊坐天星小輪遊船河有乜分別，差別在o係香港睇既係高樓大廈，呢度睇既係河岸上既樹，真係夠哂「齋」...... 激死人喇！！！

突然我發現左座好高既山with white top，於是舉機拍照影低佢。

o係我身邊既團友見到都紛紛拎相機出來，Tour Guide見到咁既情況，先肯介紹兩句果座山叫「神山」......

How a bad tour guide！船回程時收番果幾果放左落河既籠，但係裡面空空如也，蟹毛都冇隻，真係徙gas！

上番岸後勁肚餓，我地期待著品嘗「馬來美點」及「清蒸肉蟹」。點知...... 比你見到都唔開胃！

「馬來美點」係炸香蕉，不過係凍左+淋左既...... 「清蒸肉蟹」又係凍冰冰既，而且得個殼，「肉」? Sorry, we can't see any！

最差既就係周圍都係烏蠅，我地要同d烏蠅爭野食，食完唔diarrhea話你好野！

食完呢d垃圾以為走得喇，點知Tour Guide話仲有自由活動時間，叫我地打下tabel tennis、volleyball，仲話我地可以試下去釣魚添！

咁就當包左「碼頭釣魚」......

「吽豆」左成個晏晝後，終於可以回程去食dinner。回程途中有團友叫 Tour Guide估IQ題同講d笑話來聽下，點知Tour Guide係咁E「膚顯」左我地幾句，就話：「唔講喇，你地都倦喇！抖下、訓下覺喇~」......

我從未見過唔肯講野既Tour Guide，今次真係「大開眼界」！

「屎繪」導遊

食完dinner跟車番到酒店，Tour Guide又試嗌哂我地成團人一齊have a meeting先上房，目的當然係「收錢」喇！

由於聽日(Day 3)同後日(Day 4)係自由活動，所以Tour Guide希望今晚可以「局」我地比哂往後兩日自費活動既錢。

自費活動安排如下：

Day 3 ==> 3級激流($512 HKD) + 沙巴地道海鮮餐(~$180HKD)

Day 4 ==> 神山($395 HKD)

Tour Guide起勢咁hard sell呢d行程，當中極力推介「沙巴地道海鮮餐」，話呢個海鮮餐有9道菜，其中有一道係手掌咁大既「老虎蝦」，好抵死咁話！

仲記得我地Day 1到沙巴已經問佢：「沙巴夜晚有乜地方好玩呀? 邊度有地道小食食架?」

點知Tour Guide竟然咁答：「夜晚沙巴冇乜夜生活架！所以你地夜晚都係儘量少d出去好~ 仲有d的士司機如果見你地唔係當地人，會坐地起價，厄你地車錢架！如果真係想搵野食，沙巴既海鮮就好出名！但係d舖頭一見你地唔係本地人，會厄你地砰架喎！」

原來當初佢死都唔肯講有乜「窿路」搵野食，就係想我地跟佢去食果個什麼海鮮餐！「屎繪」到佢丫~

Tour Guide終於問：「葉小姐，你地3位諗住join d 乜呢?」

我地：「Ar...... 我地之後果兩日唔跟團喇！」

Tour Guide同領隊當堂口都「O」哂，

問我地：「乜你地唔係好想玩激流既咩? 點解唔去呀?」

我地：「我地諗住呢兩日周圍行下，同搵地方做下Spa咁！」

佢地仍然半相半疑，

不過見我地心意已決就冇再問落去，之後我地「喇喇聲」「散水」上房。我地緊係唔會就咁徙左呢兩日喇！經過呢兩日咁差既Tour Guide服務體驗，我地決定把心一橫，join local tour。

哈哈，其實我地reject參加Day 3同Day 4既活動時仍未有「著落」架，只不過根據尋晚既經驗，如果我地真係搵唔到local tour join，晏d打比佢話想跟番團都未遲！

一上房「喇喇林」打電話book local tour

(o係香港時我已經好醒目咁搵左local tour既連絡電話同價錢等等既資料呢~)，好彩agent果邊話兩個活動都有位，仲話聽日見到導遊先交錢都冇問題咋！

為左避免同d團友撞到正，我地決定將兩日既行程swap，變成先去「神山」、後去玩激流。