Sabah 上山下海之旅 (Day 1)

千呼萬喚終於等到我地既graduation trip喇！雖然係去沙巴，雖然係得5日only(晏機去、早機番實質得番4日)，但係總好過冇玩過就咁staff做野丫！

5日沙巴上山下海之旅正式出發！~

尋日朝早先收到旅行社電話通知話幫Lilian追到位，好開心可以3個一齊去旅行呢~

但係Lilian就為左呢個trip o係1日之內洗左成皮野！！！

事緣5/9朝早番緊工既Lilian收到旅行社電話，先去旅行社交$3000幾既團費，再用lunch時間買左個$400幾既行李箱，夜晚再「蛇王」用工作時間去旺角極速買左部專業級DC，誠為$6000幾~

真係「未見官先打30大板」呢！

Shopping@ HK Airport

今日晏晝3:30pm機，但係領隊Monita嗌我地1pm就要到機場集合，「me me more more」勁長氣咁講埋d無聊野

(我同Cyrus o係機場做過野，已經好熟機場既野，勁唔想徙時間聽佢講o係邊度上機、點樣過關......)，到2點幾先比我地dismiss！

我地3個未入閘前已經有哂目標：我同Cyrus要去買Godiva朱古力，

Lilian要去Cosmetic Duty Free買唇膏。我地一支箭咁「標」去過哂關，

再衝去化妝品Duty Free睇唇膏，試左好耐，試到成手都係「黐粘粘」、「閃令令」，仲試埋上嘴添~ 終於每人手上都拎住支Dior Lipstick出黎，「茶」完先影我地既靚靚旅行相！

跟住就去「甲」Godiva朱古力，好開心咁買左一堆truffles同橙朱古力條上飛機食~

哈哈，未上機已經開始洗錢了~

3:30pm起飛，o係飛機上好開心咁傾偈、食朱古力，大約經過3 hours既機程，終於到達Sabah喇！

出閘後會合導遊Edmond，點知佢一支箭咁帶左我地上旅遊巴，冇得o係機場Money Exchange「唱錢」添！

(沙巴機場Money Exchange個rate算係當地最靚的，好多遊客都會o係果度換錢) 點知導遊上車後話車我地去附近既mall去換錢，但係mall的exchange rate比機場既係差d既，好明顯係有佣收喇！

唱完錢，我地就去mall的supermarket買野飲，

除左買野飲外，仲買埋bra添(因為驚去游水、去玩唔夠換)！

哈哈..... 好後悔冇用DC影低Lilian勁embarass比錢買bra果時個樣添！

我們的第一餐

之後導遊就帶我地去一間水上餐廳食晚飯，行程上寫呢個叫「馬來風味餐」，但係咪又係我地食開既中餐，

只不過多左d seafood啫~ 有幾「馬來風味」我地一d都感受唔到喎！

d野又唔算難食，入得口喇！

最特別既係餐廳有Malaysia傳統民俗舞表演睇，仲有遊戲節目比食客參與添！

Lilian自告奮勇出去玩「吹爆波」(「吹爆波」既原理係用一支長竹竿遠距離笛準一個氣球，然後就吹一口氣through條竹竿，將竹竿中既箭吹出來「吉」爆個波)，點知......

其實，工作人員已經一早幫d參加者笛準哂，只要吹一啖氣就會中架喇！個個吹一下就爆，點知Lilian吹左兩次都唔中喎......

搞到我呢個出去幫佢影相既朋友都有點兒「瘀」feel......

第三次機會，工作人員特燈將個波放低d、近d，等佢容易d吹中。點知Lilian死都唔肯，仲叫個職員舉番高個波去原位添！

哈哈...... 此舉搞到d現場觀眾都忍唔住笑起上來！好彩，Lilian終於「射中」，博得全場既掌聲~

跟住仲有跳竹竿舞(地下放兩條竹竿，夾下開下，要將雙腿放o係中間跳舞)。我同Lilian又自告奮勇出去跳舞，

仲要學人除鞋，點知跟唔到拍子比竹竿夾到，好彩唔係好痛！

雖然竹竿舞好難跳，但係真係好好玩！

 

「昆水」的豪華團

我地個團團費$2999，小費同機場稅又要比多$1000，即係未去旅行已經要$4000落樓，所以我地諗住慳得就慳~

$2999包d乜??? 淨係包來回機票+5星酒店連每日酒店自助早餐+兩晚晚餐+紅樹林遊船河（包碼頭釣魚+抓蟹+品嘗馬來美點及清蒸肉蟹)+品嘗拉茶及薄餅。其他乜都唔包，乜都要自費，仲話係豪華團喎！

如果唔係報唔到團我地都唔跟佢去呀！

由於個團乜都係自由活動(咪即係自費活動！)，所以未去Sabah前我已經search哂d資料，玩每樣活動報local tour大約要幾錢。

local tour個價錢，比旅行社set既要低好多，所以都有諗過跟local tour去玩。但係由於唔知道旅行團邊兩日會set做自由活動時間，所以諗住去到先打電話book。

Compare過local tour同旅行社個價，3條友如果join local tour都可以慳唔少架~

「昆水」的Tour Guide

食完晚飯就番酒店，我地間酒店o係市中心，去邊度都好近(出海5分鐘到碼頭、去Downtown食野10分鐘的士、去機場15分鐘)。酒店分兩個翼，我地住既叫Pacific Sutera Habour。

一番到酒店第一件事唔係分key card比我地上房休息，而係帶哂我地去一個有凳坐既地方 --> 「科水」比錢！

一坐低Tour Guide就話而家一定要決定到聽日上晝去唔去沙比島Sapi Island (o係佢口中話呢個島水清沙幼，潛水一流)，仲要即時比錢佢。

佢仲話聽日晏晝會去「紅樹林遊船河」(行程包埋既)，之前聽佢o係旅遊巴度講話紅樹林睇螢火蟲好靚、好值得去睇。

本來諗住上房即刻打電話book local tour，而家個guide咁搞法，完全唔比機會我地上去settle down先決定，要局我地而家比錢......

最終，我地諗住聽日個「紅樹林遊船河」還掂包左，廢事join local tour難預時間join番旅行團既行程，所以決定「蝕」一日，比一日咁多佢賺喇！決定自費跟旅行團去Sapi Island~

Sapi Island有好多水上活動玩，仲有得玩潛水，我同Cyrus未試過，都好想玩！

但係跟旅行社去，除左要比$300去Sapi Island，仲要另外比多$870玩潛水，咪成千蚊落樓玩一個上晝???!!!

太貴喇！如果join local tour平少少都可以考慮一下嘛~

我地個心15、16咁，問個tour guide潛水可唔可以聽日去到先決定玩唔玩，但係個tour guide竟然say no，話所有野都要而家決定去or唔去、玩or唔玩，因為佢要而家打電話去book位......

佢咁串，我地決定唔玩潛水喇！！！「喇喇林」比錢，拎key card上房沖涼休息~

無敵大海景

一上到酒店房，行埋去落地大玻璃度，我地就忍唔住：「哇！」左出來~

噢，間房有無敵大海景呀，好正呢~

間房仲好舒服，設備又齊全：有風筒、夾萬、就連熨斗+熨板都有埋。

最正既係沖涼房有企缸同bathing tub，哈哈...... 可以一齊沖涼，慳番唔少等既時間~

(我地緊係分開沖喇，大家唔睇大家咁at the same time一齊進行~)

第一晚我地決定3個同房訓，唔想同團友同房住。

Lilian同Cyrus「孖舖」，哈哈...... 我就獨佔一張大床~

Tour Guide的番「R」

正當我地執緊行李箱既野既時候，傳來門口既鈴聲。打開門見到領隊同Tour Guide，領隊問我地間房既facilities有冇問題(領隊o係我地上房前已經話冇問題就唔洗contact佢，有先打比佢)，點會咁好親自來敲門問我地有冇問題呢?!

原來係「借d耳」來再問我地有冇興趣去玩潛水......

Tour guide：「係喎，你地真係唔玩潛水呀?」

我地：「價錢都幾貴，我地諗諗先，轉頭先答覆你得唔得?」

Tour guide：「好呀，你地考慮下喇，真係好值得玩架！我地轉頭15分鐘到再番黎喇~」

結論1：車......

頭先又勁串咁話要即時決定，而家又來「R」我地玩，罷明係想賺我地果$200幾蚊既差額啫！經過我地一輪討論後，都係決定唔比佢賺！

Lilian話留番第時去浮羅交怡先玩，因為果度玩平好多咁話~

結論2：我地同樣覺得個tour guide好貪錢，有錢就有好既service。

沉醉於歌聲中

Reject完個衰tour guide後，我地就落去酒店大堂Lobby既餐廳聽下歌、飲下酒、食下小食、吹下水，幾有holiday mood~

最欣賞果度既炸香蕉卷，「哇！」勁正正正呀~ 從未食過咁好味既香蕉卷架！

演唱果隊 live band真係幾好聲，

o係羅曼既歌聲中傾偈，真係幾好feel~

飲飽食醉後，我地帶著幾分醉意，舒舒服服地攤上軟棉棉既大床覺覺豬！