路在口中
Book完local tour，時間尚早，於是我地決定出去downtown行下。落到酒店Lobby既Tourist Service Counter，我地就問個staff邊度有好野食(導遊唔教我地，唯有我地自己問人喇)，個staff好好人咁比左張map我地，教我地去邊度食seafood係with reasonable price。哈哈...... reasonable price呢句真岩聽~ 咁岩聽到排我地後面問野果個鬼佬，佢又想去我地落車果度附近行下，於是我地就問佢點搭車去? 鬼佬話酒店有Free Shuttle Bus落downtown，可以搭shuttle bus去我地落車既地方。正，連Taxi錢都慳番呀~
等車其間，同鬼佬閒談，佢介紹左個地方叫「Waterfront」比我地，話果度有好多酒吧，好熱鬧咁話~ 聽完佢咁講，我地不禁暗「小」導遊「昆」我地呢度冇夜生活，又唔話比我地聽酒店有免費Shuttle Bus搭，等我地以為下下出去玩都要比的士佬「昆」添！
我們的海鮮大餐
同鬼佬先生o係Shuttle Bus吹左陣水就到站落車喇，話咁快就到~ 我地同好人鬼佬say goodbye，之後就o係巴士站隔離果橦Mall -- 「Centre Point Sabah」行左陣，其間發現「Body Shop」既價錢比香港既差不多平1/2呀！我地當然唔執輸掃左d貨喇，另外仲買左「Bathing珠珠」諗住一齊浸泡泡浴relax relax~
拎住一袋二袋，我地向住酒店staff介紹既海鮮餐廳街進發，由Centre Point行去大約需要5分鐘。去到見到一大片area既「大牌檔」(一d都唔熱，天氣幾清涼，我地仲著住褸食添，幾有風味)，一行入去就有位女伙計招呼我地坐低，哈哈...... 我地仲未知道有乜食、乜價錢已經坐低左lu~ 之後我地出去睇下有乜seafood食，價錢比我地想像中平得多，應該話係比Tour Guide帶我地去食既所謂海鮮餐(每位$180 HKD)平好好好...多！
女伙計熱情地介紹我地食老虎蝦，不過新鮮清蒸既價錢都幾貴...... 佢繼而介紹我地食價錢平d既「奶油」老虎蝦，雖然用既係雪藏蝦，但係由於用奶油整，所以可以cover到果陣雪藏既腥味。我地叫左兩隻，cut into four half parts，一人有半隻多d。哇~ 真係食唔出係雪藏架！隻隻都成隻手掌咁大，啖啖肉，食半隻已經好飽~ 好味呀~~~
除左「奶油老虎蝦」，我地仲叫左蒜溶炒蜆、青口、馬拉盞番薯葉(好爽、咬落去幾有口感)。飲品方面有鮮紥西瓜汁、菠蘿汁、青檸汁，啤酒杯咁大杯都只係$3 RM (~$6 HKD)咋！另外，最抵食應該要算燒魔鬼魚，用荷葉包住大過我塊面既魔鬼魚燒，都只不過係$12 RM咋！
哈哈，今餐豐富既海鮮大餐：5餸+每人兩杯野飲，只不過總值~$125 RM （~$270 HKD)，即誠為每人$90港幣咋~ 勁抵食！食物質素滿意外，不得不讚一下餐廳既服務態度，雖然係露天大牌檔，但係女伙計阿詩熱情既招待確實值得一讚~ 她會經常行過來問我地「d野食岩唔岩食呀?」，又好helpful，令我地體驗到沙巴人熱情樂助既characters~
食飽飽行經隔離檔，見到有「拉茶」賣(將一個杯舉高，將奶茶由高倒落去低既個杯度)，$1.5 RM only，於是嗌左杯share飲。好surprise可以睇到個女店員即席表演「拉茶」，嘆為觀止，睇到我地3個拍哂手掌。哈哈，女店員既其他同事見我地拍哂手，又一齊鼓掌，搞到勁怕羞既女店員面都紅埋，勁搞笑！講番杯拉茶，真係幾香滑，可惜甜左d(原來馬拉人鍾意飲甜d既奶茶架)，都屬水準之作~
飲飽食醉後，搭$15 RM的士番酒店覺覺豬lu~ 聽日要好早企身去「神山」呀，8am要o係酒店Lobby集合呢！
P.S.海鮮餐大牌檔address：Lot 19, Block C, Jalan Kampung Air 4, Sedc Complex, Kota Kinabalu, Sabah. 我地幫親果檔叫「金寶海鮮餐廳」~
沒有留言:
張貼留言