Sabah 上山下海之旅 (Day 3 - Part A)

抵爆神山之旅

今日我地會去神山，8am約左Local Tour Guide o係酒店Lobby集合。7:45am我地先執齊野落去食早餐(以為執齊哂，實質帶漏好多野，e.g. 毛巾同我件風褸)，大家都希望唔好撞到團友or Tour Guide，廢事尷尬喇~ 哈哈，搞到我地o係Lobby等local tour guide時好似人地去「偷情」咁，神情鬼鬼祟祟~

Local Tour Guide叫Mario，係馬來西亞華僑，幾talkative架！Mario一見到我地就話齊人可以「出發」。我地架旅遊車係架Van仔，一上到車就見到華僑司機叔叔Albert，同兩個日本couple遊客，原來我地呢團淨係得我地5個遊客咋！突然覺得抵爆！

由我地酒店駛到神山大約要兩個鐘頭車程，一路上導遊Mario都用英文向我地介紹神山。原來神山之所以叫神山，係因為山下唔同部族既居民都相信人死後靈魂會飄到山上去，所以果度算係一座「神仙山」呢！由我地酒店到神山車程大約2個多小時，架車沿住蜿蜒曲折既路一路向上爬，耳髓不平衡既人一定會暈車浪呢！唔知係架車冷氣大丫，定係山上既溫度比較低，著住件背心仔既我不其然凍到打哂冷震呀~

上山既半路中途有一排賣souvenir既攤檔，我地當然唔執輸落去睇下有乜可以買番去做手信啦！順手睇下有冇T-shirt賣，因為我衣衫單薄，未上到山可能已經凍死左喇！多得導遊Mario用馬來話幫手「講價」，我地先可以平掃一大堆souvenir番香港咋~另外，我亦買左件幾靚既紥染salon，呢個時候用佢來做披肩保暖就最好不過喇！

Canopy Walkway -- 走在50m高的吊橋上

Shopping完後我地繼續上車「凳」上山，耳仔開始有d痛，我諗我地應該「爬」到幾高~

過左冇耐就停車喇，因為我地終於到達「神山」既入口喇！

第一站就係神山溫泉既入口，一眼望落去，有d失望(我地本以為會好似日本d溫泉咁，可以一邊浸一邊欣賞風景)，覺得果度似公眾露天浴池多過溫泉囉...... 奉勸大家對呢個溫泉唔好抱咁大期望，當佢係一個行山行到身水身汗時過下冷河既地方都唔錯既！

我地第一個行程唔係浸溫泉，而係去行Canopy Walkway。Canopy Walkway係由3條吊橋組成，離地at least 50m，係以前d植物學家為放便研究呢片熱帶雨林而興建。

要去到Canopy Walkway既入口，我地首先要不斷向上走，沿途導遊Mario不斷地講解好多呢度特別or獨有既動植物比我地聽，突然覺得我地好似來上堂，用「活動教學」既方式去認識我地城市人久違左既大自然~

聽著周圍吱吱喳喳既雀仔聲與蟲鳴聲，撲鼻而來既係樹木同花既自然香味，仲有空氣中潮濕既「味道」，嘗試讓我地既觸覺融入大自然，呢一刻終於可以由緊張壓迫既生活中「釋放自己」，好想大叫一聲「大自然真好！」~

終於來到Canopy Walkway既入口喇，好緊張呢~ 因為聽人講話行左第一條就冇得走回頭路，要「局」住行埋果兩條...... 對於一向有minor畏高既我來講，真係一項「挑戰」！

戰戰兢兢踏出第一步，走在一呎寬度都冇既吊橋上，我每行一步or前面既人每行一步，條橋都會up下up下，真係「一步一驚心」！好不容易行完第一條橋，沿途中根本唔敢低頭向下望，徙左近距離觀察tropical rain forest 5 layers結構既機會呢...... 所以我決定走第二、第三條時要鼓起敢氣向下望！

連接第一同第二條橋中間係一個「休息平台」，被一棵我地兩對手都攬唔哂既樹所灌穿。影左幾張相後，我地又要繼續「上路」喇！

行第二條橋時已經比較鎮定，夠膽望下周圍既景色、橋下既tropical rain forest等，步伐仲越行越快添！話咁快就完成哂3條橋既旅程，通過考驗！Yeah~

Hot Poring Spring

行完Canopy Walk，搞到身水身汗，導遊Mario話帶我地去浸Hot Poring Spring。頭先行經見到hot spring個樣已經冇哂期望，但諗住行到又濕又臭，有個地方浸下熱水浴都好過冇丫~

大家真係唔好對個Hot Spring咁大期望，現場環境都幾差下..... 當搵個地方沖涼算喇！