Sabah 聖誕碧海藍天之旅 (Day 2 - Part A)

原定今朝要5:40am出門口架，但由於去rafting site既火車壞左，所以今日改左去美人魚島 Mantanani Island 先。不過都要早起身，因為7:15am集合，6:45am已經去酒店餐廳食早餐喇！

HKD $4xx/night仲要包buffet breakfast，初時我地都唔敢抱太期望，諗住有塊麵包同牛奶飲就ok架喇~ 點知個早餐比我地想像中要豐富得多，有炒粉、炒飯、粥、麵包、蔬菜、西瓜同木瓜...... 味道仲唔錯添，我地都覺得以咁既價錢來講好滿意架喇！

尋晚太夜來到，睇唔清楚間deluxe room既seaview添，而家補番video比大家睇！
又係果句喇，幾舊水方便又有海景，抵到爛喇！

Hotel Lobby~


7:15am準時落到lobby等local tour來接我地，先被帶上一架大旅遊巴，車上乘客幾十人清一色係香港人，得一pair韓國couples聽唔明廣東話~

我地要先搭1hr 45mins車去碼頭，然後再轉1hr船入去美人魚島，真係幾山長水遠架！



之後架旅遊巴行左30mins後，tour guide Ming話會去Shangri-La's Rasa Ria Resort接多幾個客(鬼佬來的)，又話呢一站係我地車程中最後一個可以去toilet既地方，所以團友們都紛紛落車借人地酒店廁所一用~

小休一輪「放水」完畢後，我地又繼續慢長既車程，訓下醒下咁，終於來speedboat既Kuala Abai碼頭喇~ 個碼頭真係純綷用來上落船，簡單到廁所都冇個！

之後tour guide Ming就幫我地分批上船，o係島上入住既旅客先登上第一架出發既speedboat，之後就到diving既團友，最後先到我地參加snorkeling既登上最後一架speedboat發美人魚島進發~ (最右面果隻就係snorkeling trip會上既speedboat喇)

碼頭身處馬拉水腳屋群中，都幾有特色~




剛岩開船已經好大浪，唔係講笑，係成架船拋起果種！真係想唱「浪奔、波流，萬里滔滔江水永不休......」

船程有成粒鐘，Ming有時都會搞下笑，令我地冇咁悶！但程船實在好拋下，有好幾個團友暈船浪頂唔順嘔，好在我成日出海玩水，見慣大風浪，所以成程船都安然無恙~

 

凳左差唔多1個鐘，我地終於到左美人魚島喇！睇相見d海水好似好crystal blue架喎，點解來到d水咁架...... 真係10000個失望囉！
係天陰冇太陽既問題丫?! 定係我地去得太多靚水之地，對此等「小兒科」無驚喜呢?！

 

每日上美人魚島既人數都會有限制，<50人/day，島上有間「Mari-Mari Backpackers Lodge」比遊人投宿~ 我地一落船就被帶到Lodge既飯堂坐低，休息一陣先再準備出發去snokeling trip。

Lodge d屋仔都幾靚，幾有特色~ 不過屋裏面冇冷氣，又冇廁所，沖涼同「辦公」都要落樓下既common toilets搞掂~



我諗鍾意玩水既人住o係呢度都唔會話太悶既，因為lodge有不同既水上活動玩，不過潛水價錢都幾貴喎~