Sabah 聖誕碧海藍天之旅 (Day 2 - Part C)

食飽飽之後，又有段hea既時間，我地就走左去沙灘果邊玩下~不過近岸邊d水麻麻地乾淨，所以我地冇游水呀~

沙灘上有d小朋友o係度挖蟹，佢地好犀利架，用手o係沙裏面挖呀挖就搵到d蟹仔出來架喇！

 

Hea左一陣後，又再出發去2nd snorkeling trip喇！
不過今次全團都冇人去，連Jay都話唔去，得我自己一個，加埋另外3個o係度留宿既香港人，4個人包哂成架船~ wakaka~

出發前Jay去沙灘送我上船~

 

2nd snorkeling trip site亦係離岸不遠，今次水底既珊瑚就冇1st site果d咁大舊，係一片大既支狀珊瑚群~

Snokeling guide發現水底有軟珊瑚，有nemo o係裏面玩緊~

Guide用雙手o係水裏面整左d聲音出來，唔洗麵包，d魚已經自己游埋來佢身邊！好勁呀~

等我都試下「o拍」手指整d聲出來引魚仔先~ 哈哈，好似得得地喎！

 

發現左一堆海刺~

 

Snorkeling guide突然潛左落水，「督」舊軟珊瑚，d珊瑚鬚即刻縮左入去，變到中間有d一達達既白色~

Gude又出另外一個「法寶」-- 空塑樽！裏面冇麵包架，只係不停唧個樽身，發出聲響，d魚仔就會自動遊埋來架喇！

到我試玩喇！哇，真係好多魚湧埋來呀！！！

玩到唔捨得走呀，臨走前想試下除左件safety vest潛落水玩下，但可能我太輕?! 完全唔沉喎~ 失敗左添！

臨走前同tour guide Ming合照~



呢個係好好人既speedboat船長兼snorkeling trip guide~

玩完水後就要開始pack野回程喇，喇喇聲換番d乾衫先~ 回程又係一段漫漫長路，又要搭番成粒鐘出番碼頭呀！

有一點一定要提提大家，就係回程時一定成萬唔好坐o係船既右邊，Ming話一定會濕哂身~ o係開船前佢亦收起哂我地d袋去船倉前面，以防整濕哂！

最初我地都半信半疑架，但我地為安全計都坐左o係左邊。點知架船行左冇耐就已經有好多浪片埋來，坐右邊既團友由頭濕到落腳，全程船唔知比浪「come」左幾多次，之後又唔會再有地方比佢地換番d乾衫，睇見佢地都覺得好慘！

番到碼頭後再轉大約2hrs旅遊巴就番到Sabah市中心喇！返到來岩岩黃昏，o係酒店走廊盡頭都睇到好靚既sunset~

 

沖乾淨涼後，本打算著靚靚去Jesselton Hotel地下間「Bella」餐廳食聖誕大餐，點知去到先知道full booking！！！

唉，咁都算喇，諗住去「佑記」食肉骨茶喇，點知又係排哂長龍！迫於無奈落唯有行番去酒店隔離個大mall「Suria Sabah」搵食~

個商場外表好光鮮，但原來裏面除左地下果層係正常d，有d大品牌外，其他樓層賣既野同d舖頭好有領匯屋村商場feel~ 好在呢度最高果層有個food court，我地終於唔洗等位有得開飯喇！

雖然話係food court，但都係得果幾檔食肆，呢間叫五星海南雞飯既細海南雞飯RM $7，仲有個炸鹹蛋勁好味RM $5~

o係另一間舖頭叫左碟機BBQ雞飯，RM$5，味道麻麻~

Food Court中間有個courter專賣飲品同甜品，叫左杯龍眼紅棗雪耳(RM$2.5）、下火茶(RM $2.5)、龍眼芒果布丁(RM $2.5)~





食飽後就喇喇林番酒店訓覺休息，皆因打左比「SabahYou」agent陳先生，佢話個火車頭整好左，聽朝可以出發去玩rafting~
而集合時間就由5:40pm，改早到5:20am，真係倒塔都冇咁早呀！希望聽日天氣好喇~