Sabah 聖誕碧海藍天之旅 (Day 4 - Part A)

原本今日諗住自己坐船去Tunku Abdul Rahman Marine Park (東姑阿都拉曼國家公園) 果幾個島仔玩既，但今朝一起身見到窗外既天色，灰灰的天，仲有毛毛雨，即係唔洗諗喇！食完早餐，唯有去對面個Mall「Suria Sabah」再行過喇~



 

來左幾日都未影過酒店個外貌比大家睇添~ 呢張相係o係對面商場「Suria Sabah」影番過去，真係超近，過條馬路就到，勁方便！

 

 

雖然唱定馬幣先來Sabah，但參加完2 days既local tours後，d現金都洗得7788，所以今日打算去唱多一千幾百旁下身~
原來「Suria Sabah」商場地下都有間currency exchange，但個rate好似麻麻咋喎，所以我地決定行埋附近既「Wisma Merdeka」再睇睇先！



o係「Suria Sabah」行到倦見到有間按摩店，格局超唔掂，價錢都唔平架！乜Sabah按摩咁Q貴架！



Gaya Centre Hotel去邊都好方便，隔離就係local tour agencies林立既「Wisma Sabah」，d local tours旅遊巴通常係o係呢度集合出發/解散~

「Wisma Sabah」對面就係小型購物商場「Wisma Merdeka」，裏面既格局超似屋村商場~
o係呢度Shopping我地絕無興趣，主要都係搵currency exchange唱錢！呢度有好多間找換店，淨係G/F都已經at least有6-7間~




格過excahnge rate比「Suria Sabah」大商場靚得多，見好多香港人o係呢間哂相舖裏面個找換店counter仔唱錢，我地都揀左o係呢間換錢~ 找換店個事頭婆仲識講流利廣東話添！

Today exchange rate HKD $100 = RM $40.8

之後我地諗住去「味雅」食海南雞飯，點知去到冇開門！原來個老細發左，24-26/12 成個Christmas holiday都唔洗撈！唯有27/12番香港前來試食喇~



冇得食海南雞飯，又餓到死喎，見到乜就食乜喇！咁岩行經「Old Town White Coffee」(舊街場白咖啡)，就入去飲咖啡、食咖央多士喇~
P.S, o係Old Town食野要計多6% tax同10% service charge，我地本來食左RM $27.6，但連埋d extra charge後就收RM $32~

 

Van：Signature Freeze (RM $9.9)
Jay：Mocha White Coffee Freeze (RM $8.3)
咖啡味道麻麻，不過不失咁喇~

Kaya Butter Toast (Small) (RM $1.9)係一貫既水準之作~

Crunchy Sugar Tbick Toast (RM $4.2)；Omega Soft Boiled Eggs (RM $3.3)
件多士太甜，我地覺得唔好食，但個半生熟蛋真係超好味呀！



食飽飽後繼續行街街，行到guidebook介紹既「美麗華超級百貨」，見到橦野咁既look，我地即刻有個問號：「間野有幾百貨呀?!」
入到去先知裏面有2層，地下係超市，勁舊式果種，有d似「裕記」、「佳寶」果d~ 2樓係所謂既百貨公司，仲衰過舊式國貨公司，賣既野都out左N年，點解仲有人會o係度買野架?!

 

o係超市果層見到呢支所謂既「犀牛牌清熱水」，講到可以清熱毒，咁神奇！RM $1.2/支，即管買支來試下~
飲落味道同清水冇分別咋喎，我地覺得有d比人搵笨囉！

行哂Gaya Street附近既景點後，我地番左酒店抖陣，順便坐底plan下我地晏晝去邊好~
最後決定去「Warisan Square」搵free shuttle搭去全Sabah最大既「1 Borneo Hypermall」行下！

由Gaya Centre Hotel出發，先行去Hyatt Regency對面既海濱廣場~

海濱廣場旁邊就係我地尋晚來過既Philippines Night Marker (菲律賓夜市)，不過晏晝佢地仲未開始營業，變左停車場咁款既?!

再一直繼續向前行就到左「Central Market」，一橦有乾濕貨賣既街市~

 

過左「Central Market」後就會見到個賣生果既露天市場~

之後再行前少少，就會見到一個露天專賣鹹魚乾貨既市場 -- 「Pasar Ikan Masin」~



一直行就會到guidebook介紹既「Philippines Market」菲律賓市場，一邊係賣手工藝品同手信既有蓋小屋，另一邊係賣生果乾果既有蓋市場~

賣手工藝品果邊我地冇入去參觀，只係行過外面見到好多男人o係街邊車衫！真係清一式係男人，哇，當地d男人家政真係好勁呀~

賣生果果邊就o係隔離，有好多乾果賣，但我地見賣相麻麻，所以冇幫襯~

見到有超大隻既椰青賣呀！成個頭咁大既椰青賣RM $2.5咋，即刻買個來試下先~
係就係又平又大隻，不過d味道同泰國椰青差好遠呢！一d都唔清甜，真係幾難飲......

 

飲完椰青，再行前d就見到好出名「貴」既「不夜天海鮮樓」，過對面馬路就係我地既目的地 -- 「Warisan Square」喇！