Sabah 聖誕碧海藍天之旅 (Day 3 - Part C)

玩完挑戰體能既rafting後，就去Riverbug既飯堂開飯補充番d energy喇~ 飯堂係一間有蓋小屋，裏面有toilets同簡單既沖身設施~



對呢度既lunch唔好抱太大既期望，都係d食唔飽、又餓你唔死既野食~

大約1:30pm guide就叫我地pack up隨身行李準備回程，去到火車站o係太陽底下乾曬左好耐都仲未有車，當時已經覺得唔對路......
等左好耐都仲係未有火車來接我地，我講笑咁同Jay講：「上次來玩去程時壞火車，今次唔會回程又壞火車啩！」 點知真係黑仔到「開口中」！！！
冇耐guide就向我地宣佈回程架火車頭壞左，要再等2hrs左右先有另一班火車來接我地~ OMG！今日係聖誕節來架，點會咁黑仔架！

同Jay商量過，決定番去飯堂度hea等，但係我地又冇帶iPhone來玩，唯有坐o係度呆等......
等等下，睡魔急call，我地索性攤o係長凳度訓晏覺呢~
雖然飯堂冇冷氣、冇風扇，但周圍有d山風吹送，真係幾涼爽下架！o係蟬鳴、河流聲、微涼山風既自然環境下訓覺，真係超舒服呢~
We did enjoy this kind of peaceful moment during Christmas time~



女團友訓到走光，露出豹紋底底~

我太懶訓喇，訓到額頭、心口比蚊「kiss」左幾啖都唔知，痕死人呀！！！



如是者過左2.5hrs都係冇聲氣，都唔知架車幾時來既...... 開始擔心今晚會唔會要露宿山區......

既然未走得就周圍行下，飯堂對出就係Padas River喇，附近係當地村民既民居，有d係傳統馬拉高腳屋~




又落左河邊影下相~

唉，等到我地好灰呀~ 見到d當地人用人手撐滑輪板飛快轆過我地個車站時，真想問佢地可唔可以載埋我地一程「順風車」！

等到頸都長埋，等左差唔多3hrs，終於o係4:42pm見到來接我地回程既火車喇！！！
由於呢架火車係專責接載我地呢批玩完rafting既遊客番Beaufort火車站，所以中間不設中途站，架火車不停「飛站」，比去程時快好多呢，大約1hr就番到Beaufort站喇~

不過架火車得一卡，又要載哂我地呢班遊客，變得又迫又焗，坐到我出哂汗濕哂呢！去到Beaufort站仲落起雨來，原來作落雨，唔怪得之咁濕焗喇~

去到Beaufor火車站再轉旅遊巴番到Sabah市已經差不多8pm喇！好倦、好肚餓呢！！！
係咁耳沖下個身就仆出去搵食醫肚，今晚原本想去「佑記」食肉骨茶架架，點知冇開喎~ 都唔知係咪平日太好賺，老闆唔等錢洗，可以放哂成個聖誕假~

冇乜得選擇下，去左都係Gaya Street好出名既「新記肉骨茶」開飯~

晚飯時間，人頭湧湧，檯檯都坐滿哂客，伙計忙於接送orders，根本冇時間理我地！
企左一陣先有個貌似太子爺識講廣東話既伙計招呼我地去隔離舖坐，原來晚市時佢地好生意到租埋隔離舖位架~ 隔離舖冇咁迫，又闊落d！

我地order左個2人份量肉骨茶(RM $20)、1碟油菜 (RM $6)、2杯桔仔冰 (RM $1.5/cup)、2個白飯 (RM $1.5/bowl)，誠為RM $32~
其實唔係好夠食架，麻麻地飽，但我地叫親乜，個伙計都話賣哂！8點零鐘咋喎，有冇咁好生意呀?!

好開胃既桔仔冰~

 

個肉骨茶味道麻麻，冇乜藥材味，我地就唔覺得特別好食喇~




食完肉骨茶仲係唔夠飽，見guidebook介紹海旁附近有個菲律賓夜市，決定去睇下有乜好野食~
去到見到d衛生好似麻麻，我又係「玻璃肚」勁易肚痾果種，都係唔好博喇！

轉個頭就見到guidebook講既豬肉乾手信店 -- 「美金香」，見咁夜都未閂門，入去試食過d豬肉乾，真係堅好食，買左半斤(RM $35/半斤)番HK慢慢食~

附近仲有一條專賣榴蓮既小巷，榴蓮即買即開，斷重量計，有哂檯凳比人坐o係度慢慢歎~
我地都買左個細細地既試下，都幾貴架，RM $12，得果幾舊仔榴蓮，但又真係幾香喎！