Sabah 聖誕碧海藍天之旅 (Day 4 - Part C)

做完spa倦氣全消，我地就行去附近既「Sedco Square」有蓋大牌檔開餐，目的地係出名既海鮮檔 -- 雙天海鮮樓~
「雙天」位於牌檔最裏面既位置，雖然話係大牌檔，但都唔係好熱咋喎！



一坐底已經有職員自動為我地介紹有乜海鮮好食！d 叔叔個個都識廣東話，溝通完全冇問題，仲建議我地不同既海鮮用咩方法整比較好食，我地都唔係好識食架咋，有人比埋suggestion仲好喇！

由於我有嚴重既seafood allergy，雖然已經食左抗敏感藥「打底」，但我都係唔敢食太多，所以每樣野都係叫一隻同Jay一齊share、試過下味道就算喇~

我地點左一隻「國寶大虎蝦」，RM $50/piece，個叔叔suggest用奶油來煮~

又要左一隻琵琶蝦 (RM $10 per 100g)，我地果隻200g重，RM $20/piece，用上湯油浸方法煮~



再來一隻花龍蝦 (RM $25 per 100g)，要左隻600g重，RM $150/piece，用芝士焗~



仲有會打交既斑馬螳螂蝦 (RM $10 per 100g)，因為怕佢地自相殘殺，所以要用個水樽分開佢地來養，我地要左隻300g，RM $30/piece，用碳燒方法整~



我地又叫左條斑魚(RM $12 per 100g)用來清蒸，order左條細少少size既around 600g重，RM $72/piece~
另外，仲有超好味又抵食既蕉葉燒魔鬼魚，RM $20/piece~

未開飯前先整杯開胃桔仔冰 (RM $2.5/cup)，我地今晚每人都encore左多一杯~

海鮮檔伙計o係我地一坐底時已經整左呢兩碟餐前小食來，我地都唔知洗唔洗計錢既?!
後來睇番張單，真係要收錢架！！！每碟RM $2~ 咁就冇左RM $4喇！抹手毛巾都計錢架，RM $0.5/兩條~

 

等左冇耐已經有菜上喇，效率真係好快喎！先來既有奶油老虎蝦同蕉葉燒魔鬼魚~
一個字：正！尤其係魔鬼魚，少少辣，好惹味，仲要大件夾抵食！

跟住有碳燒螳螂蝦，燒完比較乾身，冇咁彈牙，本人覺得麻麻~

再來有上湯油浸琵琶蝦同蒸班魚~ 味道唔錯！

最後仲有期待以久既芝士焗龍蝦~ 真係好香呀！！！隻龍蝦煮熟左都仲係勁大隻，大過我個頭呀！

做左成晚「食肉獸」，點都要嗌d菜食下~ 伙計推介馬拉盞炒沙巴薯仔菜 (RM $15)，d菜咬落去short short聲，口感一流！

今晚都食左幾多野，我地兩個個肚漲住走，賣單total RM $373.5~ 我地都覺得有少少貴架，就當係食聖誕大餐喇！

臨走前不忙o係檔口前影番張合照留念~