Sabah 聖誕碧海藍天之旅 (Day 3 - Part B)

準備就緒，我地就浩浩蕩蕩向住河邊出發喇！

 

由「Riverbug」既大本營行去rafting起點既河邊都係幾分鐘腳程，工作人員會用有轆既板車將d rafting boat運去河岸，然後由男團員幫手抬落小斜坡下既河邊。

姨...... 呢個咪係2005年來玩時guide我地果個coach?!  可惜今次唔係佢帶我地呢團呢~


 

佢就係我地今日個rafting coach -- Sarudi~

岩岩開始時係平靜既河道~

慢慢就有d暗湧喇~

哇！開始「來料」喇！d流好大呀！要出力筏先得~

成功過左第一個激流點~ Yeah！

 

過左激流點後，來到平靜水域，Sarudi叫我地齊齊跳落水practice swimming喎~

開始時唔識游水既Jay都有d猶疑，唔係好敢跳，但見其他人都冇事，就放膽一躍河中~ 好叻仔呀！



個心定左落來後，可以放膽o係河裏面游水，唔洗「mon」住隻小艇邊喇~

岩岩先落水玩左冇耐，又話要上番艇喇~ 死命爬番上隻艇，氣都未抖順，又來第二、第三...... 第N個激流點~ 筏到手都軟埋！

哈哈，成日比d水撥到鏡頭位濕哂，好多相個樣都比水點mask住~



又到第二次落水既機會~






差唔多去到激流旅程既尾聲，有個安全又大流既位置，Sarudi問船上有冇good swimmer想試下落去游水?! 仲講明係Only for GOOD swimmer~ 其實我唔識游水架，但果下唔知邊度來既傻勁，竟唔識個「死」字點寫，「dump」一聲跳左落水！

落到水d流係咁「come」埋來，個頭想拮高凸番出水面抖氣，d浪又兜面「come」埋來，搞到我係咁飲水+choking，果刻先識驚死呀！！！
最後我諗到「鏈」住個鼻，唔比佢入水，盡量浮起拮高個頭抖氣，先冇咁panic咋~下次都係要量力而為先得！

接近river rafting既尾聲時，Sarudi叫全船人落水，盡量靠右游到岸邊上岸~

雖然算係平靜水域，但都有流係咁push我向前漂，我雖然好用力踢水想游去右邊，但都係唔夠d水流快，好在其中一個coach捉到我件救生衣拉我埋岸~

可憐唔識游水既Jay比d水流越沖越遠~



最後要出動kayak小隊「救」佢番來！好在briefing時我地有留心聽書，Jay先識得用隻kayak「自救」~

幾經辛苦終 於完成哂成個旅程「埋洲」喇！

姨..... 個火車站咁熟口熟面既?! 呢個咪就係我地來時o係度寄存行李果個「Rayoh」站，原來我地咁犀利筏左成個站咁遠途架喇~

行去開餐既飯堂途中，見到架廢置左既小火車卡~ 裏面好dirty架，o係外面影幾張相算喇！



感覺今次個流比上次既更激、更大，唔知係咪沙巴正直雨季既關係呢?! 比上次刺激得多~
整個激流過程約個零鐘，中間絕無冷場，因為隔無耐架rafting boat就會經過「好激」既河道，前前後後over 10個呢d points呢~ 再加上去到平靜既水域，coach就會比我地跳落河過下冷河（前後有3次)，跟住又要手忙腳亂咁o係未去到水流較激點前爬番上隻艇度，真係勁好玩呢！！！

食完lunch後就有隨團攝影師幫我地影既相睇，d相片係跟rafting coach分一group group的，我地果group total影左65張相~
d相冇得一張張咁買，一買要成個folder買哂，燒隻CD-Rom全部相片比哂我地~ (RM $100/disc)
Compare with澳洲、歐洲d local tours，郁下一張相都成舊水港紙，一隻碟包咁多相，仲要係自己影唔到既角度喎，都值得買來留念既~