Sabah 聖誕碧海藍天之旅 (Day 5 - Part A)

今日係Sabah之旅既last day，晏晝就要搭飛機番香港喇！尋日天色勁灰，仲諗住今日如果天氣好番少少既話，都搭船去d島仔游陣水先番酒店拎野去機場，點知今朝個天仲灰過尋日，整定我地此行同d小島無緣架喇~

既然去唔成小島，今日剩底果半日唯有o係附近周圍行下、食下野咁喇！講真，Sabah如果講shopping既話，番深圳好得多，所以今日唔打算行埋d廢mall，主要係跟guidebook去「搵食」~

先落酒店餐廳享用埋我地o係度last day既早餐~ 食左幾日同款既野食，真係好悶架！

食飽飽上房pack好行李後，就check-out，開始我地既half day「捐窿捐隙」搵食之旅！
先去「味雅雞飯」食海南雞！成個X'mas老闆都發左唔開門做生意，今日27/12臨走前終可以一試呢度馳名既雞飯喇！



全部都係馬拉文既...... 睇唔明架喎！好在有d伙計識廣東話，我地點左兩碟細雞飯 (RM $5.5/碟)同兩杯桔仔冰 (RM $2.5/cup)~

開胃桔仔冰~

馳名海南雞飯~ 個飯好搞笑，係三角形架喎！d雞係幾滑既，但雞味唔及我地食開既走地雞濃，不過咁平既價錢算係平、靚、好味既地道食物！

今朝食完個早餐都未落膈，我地已經整左碟雞飯落肚，食完清碟唔夠半粒鐘，我地又去另一出名食肆 -- 「怡豐茶室」搵食！
真係好似簡炳馳話齋：「有食力！」wakaka~
 

怡豐既「喇沙」（Medium RM $5/碗) 同沙煲雞飯 (RM $6/煲) 都好出名，一場來到緊係要試下喇~
飲品方面，叫得做茶室，選擇當然比普通餐廳或者大牌檔多d喇！我地點左「酸梅檸檬桔仔冰」(RM $2.2/cup) 同拉茶 (RM $2.2/cup)試下~

沙煲雞飯d雞味道麻麻，但d豉油撈埋飯焦好好味呀~

 

呢杯桔仔冰係此行飲過最好味既！！！其他餐廳d味道都係「倒模」咁一樣既，唯獨呢度既味道特別唔同，可能係加左話梅既關係，超超超超好飲呀！
Must try item~

拉茶味道都一樣好正！個「喇沙」就及格喇，香港食肆都搵到呢種味道~